షాద్నగర్ లోకల్‌గైడ్ :

కాకునూర్ గ్రామంలోని శ్రీ మహాలింగేశ్వర స్వామి వారి ఆలయ సన్నిధిలో శ్రీ పార్వతీ పరమేశ్వరుల కళ్యాణ మహోత్సవం అత్యంత వైభవంగా, భక్తి శ్రద్ధలతో నిర్వహించబడింది. వేదమంత్రోచ్చారణల మధ్య స్వామివారి కళ్యాణం ఘనంగా జరగగా, పరిసర ప్రాంతాల నుండి భారీ సంఖ్యలో భక్తులు హాజరై స్వామివారి దివ్య దర్శనం చేసుకున్నారు.
ఈ కార్యక్రమానికి ముఖ్య అతిథిగా తాండ్ర విశాల శ్రవణ్ రెడ్డి  (మాజీ జడ్పిటిసి, కేశంపేట్ మండలం) దంపతులతో కలిసి పాల్గొన్నారు. ఈ సందర్భంగా ఆమె మాట్లాడుతూ, శ్రీ మహాలింగేశ్వర స్వామి దివ్య ఆశీస్సులు, కరుణాకటాక్షాలు మన అందరిపై ఎల్లప్పుడూ ఉండాలని ఆకాంక్షించారు.
కార్యక్రమంలో గ్రామ పెద్దలు, ఆలయ కమిటీ సభ్యులు, ప్రజాప్రతినిధులు, భక్తులు పెద్ద ఎత్తున పాల్గొని కార్యక్రమాన్ని విజయవంతం చేశారు.

హైదరాబాద్, సెప్టెంబర్ 24 (లోకల్ గైడ్):
నవరాత్రి ఉత్సవాలు ఉత్సాహంగా సాగుతున్నాయి. దేశవ్యాప్తంగా భక్తులందరూ తల్లిని వివిధ రూపాలలో పూజిస్తూ ఆనందోత్సవాల్లో మునిగిపోయారు. ఈ రోజు, నవరాత్రుల మూడవ రోజు, మా చంద్రఘంటా దేవికి ప్రత్యేకంగా అంకితం చేయబడింది.

చంద్రుడి ఆకారంలో ఉన్న అర్ధచంద్రాన్ని తన కిరీటంపై ధరించడం వల్లే ఆమెకు "చంద్రఘంటా" అన్న పేరు వచ్చింది. ఆ అర్ధచంద్రంతో పాటు ఆమెకు మూడవ కన్ను కూడా ఉంది. ఇది జాగ్రత్త, అప్రమత్తత, చెడుపై పోరాటానికి సిద్ధతకు సంకేతంగా భావిస్తారు.

పురాణ గాథ

పురాణాల ప్రకారం, పార్వతీదేవి లార్డ్ శివునితో వివాహం అనంతరం, రాక్షసుడైన తారకాసురుడు భూమ్మీద అల్లకల్లోలం సృష్టించాడు. ఆ సమయంలో, దేవతలు చేసిన ప్రార్థనలతో శివానంకా సహచరిని అయిన మా చంద్రఘంటా శక్తి స్వరూపిణిగా అవతరించింది.

తన శక్తివంతమైన రూపంలో ఆమె యుద్ధభూమిలో అడుగుపెట్టింది. తన కిరీటంపై అర్ధచంద్రాన్ని ధరించి, ఘంటానాదంతో రాక్షససైన్యాన్ని భయపెట్టింది. జటుకాసురుడు విడుదల చేసిన వౌళుల సైన్యాన్ని (బాట్స్‌) తన శక్తితో చెదరగొట్టి, చివరికి తన ఖడ్గంతో అతనిని సంహరించింది. ఈ గాథ ద్వారా ఆమె రక్షణ, ధైర్యం, దుష్టశక్తుల నాశనంకు ప్రతీకగా నిలుస్తుంది.

ఆధ్యాత్మిక ప్రాధాన్యం

ఆధ్యాత్మికంగా, చంద్రఘంటా దేవి మణిపూర చక్రానికి అధిపతిగా చెప్పబడింది. ఇది మన శరీరంలోని సౌర మణిపూరకేంద్రం, అంటే స్వీయశక్తి, ఆత్మవిశ్వాసం, వ్యక్తిత్వ బలంను నియంత్రించే కేంద్రం. ఈ రోజున ఆమెను ఆరాధించడం ద్వారా భక్తులు తమ నిజ స్వరూపాన్ని గ్రహించి, అంతరంగ శక్తిని పెంపొందించుకుంటారని నమ్మకం ఉంది.

ఆరాధన విధానం

భక్తులు ఈ రోజున పసుపు లేదా నీలం రంగు వస్త్రాలను ధరించడం శుభప్రదమని విశ్వసిస్తారు. ఆమెకు ఇష్టమైన నైవేద్యంగా పాలు లేదా పాలతో చేసిన మిఠాయిలు సమర్పిస్తారు. అలాగే "ఓం దేవి చంద్రఘంటాయై నమః" మంత్రాన్ని జపించడం ద్వారా మనసు ప్రశాంతంగా మారి, ఆధ్యాత్మిక శక్తి పెరుగుతుందని చెబుతారు.

భక్తి సందేశం

చంద్రఘంటా దేవి ఆరాధన ద్వారా భక్తులు తమ జీవితాల్లో ధైర్యాన్ని పెంపొందించుకోవచ్చు. చెడు శక్తులపై పోరాడే ఉత్సాహాన్ని, అంతరంగ శక్తిని, అలాగే శాంతి, సమతుల్యత, ఆత్మవిశ్వాసంను సాధించవచ్చని పండితులు విశ్లేషిస్తున్నారు.

ముగింపు

నవరాత్రి మూడవ రోజున చంద్రఘంటా దేవి ఆరాధన విశేష ప్రాధాన్యం కలిగిఉంది. ఇది కేవలం ఒక ఆచారంగా కాకుండా, మనలోని దివ్య శక్తిని మేల్కొలిపే సాధనగా భావించాలి. పసుపు రంగు దీపాలను వెలిగించి, పాలు సమర్పించి, భక్తితో మంత్రజపం చేస్తే, తల్లిదేవి అనుగ్రహం లభించి, మనసులోని భయాలను తొలగించి, జీవితంలో విజయాన్ని సాధించవచ్చని భక్తులు విశ్వసిస్తున్నారు.

హనుమకొండ   లోకల్ గైడ్ :

వెళ్లి రావయ్యా గణపయ్య 
కోట్లాది విగ్రహాలు కోట్లాది భక్తుల పూజలు కోట్లాది మేళతాళాలతో 
ఈ సంవత్సరం వినాయక నవరాత్రులు మన సనాతన ధర్మానికి ప్రతిరూపంగా ఘనంగా జరిగాయి 70 వ సంవత్సరం మన వేయి స్తంభాల దేవాలయంలో గణపతి వారికి ఈరోజు త్రిశూల స్థానంతో నవరాత్రి ఉత్సవాలు ముగించడం జరిగింది ప్రకృతితో వచ్చినటువంటి గణపతిని మళ్లీ ప్రకృతితోనే కలిపేయాలి మట్టితో  పూజిస్తే మంచి మనసుని ఇస్తాడు ఆకులతో పూజిస్తే ఆయుష్ నేస్తాడు ఆకాశమంత పందిరి వేస్తే ఆనందిస్తాడు కర్పూరంతో జ్యోతిలా కాంతుల్లో పూజిస్తే మంచి దృష్టిని ఇస్తాడు దైవాన్నివేస్మరించకండి వికృతంగా నిమర్జనం చేయకండి ఏ సంవత్సరం అయినా నీకు పూజ చేస్తే మొదటి సంవత్సరంలోనే అనిపించడం గణపతి స్వామికే చెందింది అన్నారు.

  లోకల్ గైడ్ :భారతదేశవ్యాప్తంగా ఈ రోజు వినాయక చవితి పండుగను భక్తిశ్రద్ధలతో జరుపుకుంటున్నారు. దేవుళ్లలో మొదటగా ఆరాధించబడే విఘ్నేశ్వరుడు ఈ రోజు అవతరించాడని పురాణాలు చెబుతున్నాయి. శివపార్వతుల కుమారుడైన గణపతి జ్ఞానం, బుద్ధి, ఐశ్వర్యానికి ప్రసాదకుడు, అలాగే జీవితంలోని అడ్డంకులను తొలగించే దేవుడిగా ఆరాధించబడుతున్నాడు.

పురాణ కథనం

పార్వతీ దేవి స్నానం చేస్తూ తన శరీరపు చర్మపు మలముతో గణేశుని సృష్టించి ద్వారపాలకుడిగా ఉంచింది. ఆ సమయంలో శివుడు వచ్చి లోపలికి వెళ్ళాలనగా గణేశుడు అడ్డుకున్నాడు. కోపంతో శివుడు గణేశుని తలను నరికి వేసాడు. తరువాత పార్వతీ దేవి కోపంతో లోక నాశనానికి సిద్ధం అయ్యింది. ఆమెను శాంతపరచడానికి శివుడు తన అనుచరులకు ఉత్తరం ఇచ్చి ఏనుగు తలను తెప్పించి గణేశునికి అమర్చాడు. అప్పటి నుండి ఆయన గజాననుడు అయ్యాడు. అప్పటి నుండి ప్రతి శుభకార్యం గణేశుని ఆరాధనతోనే ప్రారంభమవుతుందని శాస్త్రాలు చెబుతున్నాయి.

పూజా విధానం

వినాయక చవితి నాడు భక్తులు తమ ఇళ్లలో గానీ, పాండళ్ళలో గానీ గణేశ విగ్రహాలను ప్రతిష్టించి పూజలు నిర్వహిస్తారు. 21 రకాల పత్రులను సమర్పించడం వినాయక పూజలో ప్రత్యేకత. మోడకాలు, ఉండ్రాళ్లు, లడ్డూలను మహాప్రసాదంగా సమర్పిస్తారు. గణపతి నవరాత్రుల్లో భక్తులు తొమ్మిది రోజుల పాటు విఘ్నేశ్వరుని ఆరాధిస్తూ భక్తి గీతాలు, హరతులు చేస్తారు.

సామాజిక ప్రాధాన్యం

వినాయక చవితి కేవలం ఆధ్యాత్మిక పండుగ మాత్రమే కాకుండా, సమాజాన్ని ఏకం చేసే ఉత్సవం కూడా. స్వాతంత్ర్య సమరయోధుడు లోకమాన్య తిలక్ 1893లో మహారాష్ట్రలో గణపతి ఉత్సవాలను ప్రజా స్థాయిలో జరిపించడం మొదలుపెట్టారు. అప్పటి నుండి ఈ పండుగ సామాజిక ఐక్యత, జాతీయం చైతన్యం, ప్రజా కలయికకు ప్రతీకగా మారింది.

సాంస్కృతిక వైభవం

ఈ పండుగలో గణేశ విగ్రహాలను శోభాయాత్రలతో తీసుకువెళ్లి, నదులు లేదా సముద్రంలో నిమజ్జనం చేయడం ప్రత్యేక ఆకర్షణ. భక్తులు “గణపతి బప్పా మోరియా” అంటూ ఉత్సాహంగా నినాదాలు చేస్తారు. కళాకారులు గణపతి విగ్రహాలను సాంప్రదాయ శిల్పకళ, ఆధునిక రూపకల్పనతో తయారు చేస్తారు. ఈ రోజుల్లో పర్యావరణ హిత విగ్రహాలకు కూడా అధిక ప్రాధాన్యం పెరుగుతోంది.

ఆధ్యాత్మిక సందేశం

గణేశ విగ్రహాల నిమజ్జనం ఒక గొప్ప తాత్విక భావనను ప్రతిబింబిస్తుంది. ఇది సృష్టి – స్థితి – లయం అనే ప్రకృతి ధర్మాన్ని గుర్తు చేస్తుంది. మనిషి సహా విశ్వంలోని ప్రతి జీవం, వస్తువు ప్రకృతిలో పుట్టి చివరికి ప్రకృతిలోకే లీనమవ్వాల్సిందే అన్న సత్యాన్ని ఈ పండుగ బోధిస్తుంది.

పండుగ విశేషాలు

తెలంగాణ, ఆంధ్రప్రదేశ్, మహారాష్ట్ర, కర్ణాటక రాష్ట్రాల్లో గణేశ నవరాత్రి ఉత్సవాలు ఘనంగా జరుగుతాయి. హైదరాబాద్ ఖైరతాబాద్ గణపతి, ముంబైలో లాల్బాగ్ చా రాజా వంటి ప్రసిద్ధ విగ్రహాలు లక్షలాది మంది భక్తులను ఆకర్షిస్తాయి. దేశవ్యాప్తంగా లక్షలాది మంది గణపతి పూజలు చేస్తూ, కుటుంబ సభ్యులతో కలసి ఉత్సవాన్ని జరుపుకుంటారు.

ముగింపు

వినాయక చవితి పండుగ భక్తి, ఆనందం, ఐక్యతను కలిగించే పర్వదినం. అడ్డంకులను తొలగించే గణపతి ఆశీస్సులు పొందుతూ ప్రజలు తమ జీవితాల్లో జ్ఞానం, సంపద, వి

జయాలు సాధించాలని ప్రార్థిస్తారు.

   లోకల్ గైడ్  :వినాయక పూజకు 21 రకాల ‪‎పత్రి‬ - వాటిలోని ‪ఔషధ‬ మూలికలు..........!!

గణపతి నవరాత్రులలో మనం పూజించే పత్రికి అనేక ఔషధ విలువలు ఉన్నాయి. వాటిలో కొన్ని చెప్పుకుందాం.

21 రకాల ‪‎పత్రి‬ - ‪ఔషధ‬ మూలికలు.....

1. మాచీపత్రం : మన దేశంలో ప్రతి చోట కనిపిస్తుంది. మన ఇళ్ళ చుట్టుప్రక్కల, రోడ్ల మీద ఇది విపరీతంగా పెరుగుతుంది. కానీ ఇది గొప్ప ఆయుర్వేద మూలిక....

ఇది నేత్రరోగాలకు అద్భుత నివారిణి. మాచీపత్రి ఆకుల్ని నీళ్ళలో తడిపి కళ్ళకి కట్టుకుంటే నేత్రవ్యాధులు నయమవుతాయి. ఇది చర్మరోగాలకు మంచి మందు. ఈ ఆకును పసుపు, నువ్వుల నూనెతో కలిపి నూరి ఆ ముద్దను చర్మవ్యాధి ఉన్న చోట పైపూతగా రోజు రాస్తూ ఉంటే వ్యాధి తొందర్లో నివారణ అవుతుంది. రక్తపు వాంతులకు, ముక్కు నుండి రక్తం కారుటకు మంచి విరుగుడు.

2. బృహతీ పత్రం. భారతదేశమంతటా విస్తారంగా ఎక్కడపడైతే అక్కడ పెరుగుతుంది బృహతీ పత్రం. దీనే మనం 'వాకుడాకు', 'నేలమునగాకు' అని పిలుస్తాం. ఇది కంఠరోగాలను, శరీర నొప్పులను నయం చేస్తుంది. ఎక్కిళ్ళను తగ్గిస్తుంది. కఫ, వాత దోషాలను, ఆస్తమాను, దగ్గను, సైనసైటిస్‌ను తగ్గిస్తుంది. అరుగుదలను పెంచుతుంది, గుండె పనితీరును మెరుగుపరుస్తుంది. బృహతీపత్రం చూర్ణం దురదలకు, నొప్పులకు పనిచేస్తుంది. బృహతీ పత్రం యొక్క కషాయంతో నోటిని శుభరపరచుకుంటే నోటి దుర్వాసన తొలగిపోతుంది. రక్తశుద్ధి చేయగల శక్తి బృహతీపత్రానికి ఉంది. ఇంకా బృహతీపత్రానికి అనేకానేక ఔషధీయ గుణాలున్నాయి.

3. బిల్వపత్రం : దీనికే మారేడు అని పేరు. శివుడికి అత్యంత ప్రీతికరం. బిల్వ వృక్షం లక్ష్మీస్వరూపం. ఇది మధుమేహానికి(షుగర్‌కు) దివ్యౌషధం. ఈ వ్యాధి గలవారు రోజు రెండూ ఆకులను నిదానంగా నములుతూ ఆ రసాన్ని మింగితే వ్యాధి నుంచి ఉపశమనం లభిస్తుంది. మారేడు గుజ్జును ఎండబెట్టి పోడిచేసుకుని, రోజూ ఒక చెంచా పొడిని మజ్జిగలో వేసుకుని త్రాగితే వ్యాధి నుంచి ఉపశమనం లభిస్తుంది.

4. దూర్వాయుగ్మం(గరిక) : గణపతికి అత్యంత ఇష్టమైనవస్తువు గరిక. ఒక్క గరిక సమర్పిస్తే చాలు, మహాసంతోషపడతాడు బొజ్జగణపయ్య. తులసి తరువాత తులసి అంత పవిత్రమైనది గరిక. దూర్వాయుగ్మం అంటే రెండు కోసలు కలిగివున్న జంటగరిక. ఇది ఎక్కడపడితే అక్కడ పెరుగుతుంది. ఈ గరిక మహాఔషధమూలిక. గరికను పచ్చడి చేసుకుని తింటే మూత్రసంబంధిత వ్యాధులు నయమవుతాయి. మగవారికి సంతాన నిరోదకంగా కూడా పనిచేస్తుంది. కఫ, పైత్య దోషాలను హరిస్తుంది. చర్మ, రక్త సంబంధిత వ్యాధులను దూరం చేస్తుంది. ముక్కునుండి రక్తం కారుటను నిరోధిస్తుంది. గరికను రుబ్బి నుడిటి మీద లేపనం వేసుకోవడం ద్వారా పైత్య దోషం వలన కలిగిన తలనొప్పి తగ్గిపోతుంది. హిస్టీరియా వ్యాధికి ఔషధం గరిక.

5. దత్తూర పత్రం : దీనిని మనం ఉమ్మెత్త అని కూడా పిలుస్తాం. ఉష్ణతత్వం కలిగినది. కఫ, వాతా దోషాలను హరిస్తుంది. కానీ 'నార్కోటిక్' లక్షణాలు కలిగినది కనుక వైధ్యుని పర్యవేక్షణ తీసుకోకుండా ఉపయోగించకూడడు. మానిసక వ్యాధి నివారణకు పనిచేస్తుంది. మానసిక వ్యాధి ఉన్నవారికి గుండు చేయించి, ఈ ఉమ్మెత్త ఆకుల రసాన్ని రెండు నెలల పాటూ మర్దన చేయిస్తే స్వస్థత చేకూరుతుంది. దేని ఆకులు, వ్రేర్లు, పువ్వులు అమితమైన ఔషధ గుణములు కలిగినవే అయినా, దెని గింజలు(విత్తనాలు) మామూలుగా స్వీకరిస్తే విషంగా పనిచేస్తాయి. జ్వరాలు, అల్సర్లు, చర్మరోగాలకు, చుండ్రుకు ఉమ్మెత్త ఔషధం.

6. బదరీ పత్రం : దీనినే రేగు అని పిలుస్తాం. బదరీ వృక్షం సాక్షాత్తు శ్రీ మన్నారాయణ స్వరూపం. చిన్నపిల్లల వ్యాధుల నివారణకు పనిచేస్తుంది. 3 ఏళ్ళ పైబడి 12 ఏళ్ళలోపు వయసులో ఉన్న పిల్లల్లో సామాన్యంగా వచ్చే అన్ని రకాల సాధారణ వ్యాధులకు ఉపయోగిస్తారు. ఒకటి లేదా రెండు రేగు ఆకులను వ్యాధిగ్రస్తుల చేత వ్యాధి నివారణ అయ్యేంతవరకు తినిపించాలి, కానీ రేగు ఆకులు ఎక్కువగా తింటే కఫం వచ్చే ప్రమాదముంది.

7. ‪#‎అపామార్గ‬ పత్రం: దీనికే ఉత్తరేణి అని వ్యవహారనామం. దీని కొమ్మలతో పళ్ళు తోముకుంటే దంతవ్యాధులు, ఆకులు నూరి పైపూతగా రాస్తే చర్మవ్యాధులు నివారణమవుతాయి. దీని పుల్లలు యజ్ఞయాగాదుల్లో, హోమాల్లో వినియోగించడం వలన హోమగుండం నుంచి వచ్చిన పొగను పీల్చడం చేత శ్వాసకోశ సంబంధిత వ్యాధులు తగ్గిపోతాయి. స్తూలకాయానికి, వాంతులకు, పైల్స్‌కు, ఆమం(టాక్షిన్స్) వలన వచ్చే వ్యాధులకు మంచి ఔషధం ఉత్తరేణి. ఉత్తెరేణి ఆకులను రుబ్బి గాయాలపై రాయడం వలన గాయాలు త్వరగా మానిపోతాయి. నొప్పి తగ్గిపోతుంది.

పిల్లలు చెడుమార్గంలో వెళ్తున్నారని, చెడ్డ అలవాట్లకు లోనవుతున్నారని బాధపడే తల్లిదండ్రులు ఉత్తరేణి మొక్కను పూజించి, దాని వేర్లను పిల్లల మెడలో కడితే బుద్ధిమంతులవుతారు. రోజు ఉత్తరేణి కొమ్మలతో పళ్ళు తోముకునే అలవాటు ఉన్నవారు ఎక్కడకు వెళ్ళినా, ఆహారానికి లోటు ఉండదు. ఆహరం దొరకని ఎడారిలో కూడా ఎవరో ఒకరు పిలిచి భోజనం పెడతారట. అది ఉత్తరేణి మొక్క మహిమ. ఇంకా ఉత్తరేణికి అనేక ఔషధ విలువలు ఉన్నాయి. ఇంత గొప్ప ఉత్తరేణి మన దేశంలో ఎక్కడపడితే అక్కడ పెరుగుతుంది.

8). తులసి: 'తులానాం నాస్తు ఇతి తులసి' - ఎంత చెప్పుకున్నా, తరిగిపోని ఔషధ గుణములున్న మొక్క తులసి. పరమ పవిత్రమైనది, శ్రీ మహాలక్ష్మీ స్వరూపం, విష్ణు మూర్తికి ప్రీతికరమైనది. తులసి మొక్క లేని ఇల్లు ఉండరాదు అంటుంది మన సంప్రదాయం. అంత గొప్ప తులసి గురించి కొన్ని విశేషాలు చెప్పుకుందాం.

కఫ, వాత, పైత్య దోషాలనే మూడింటిని శృతిమించకుండా అదుపులో ఉంచుతుంది తులసి. కాలుష్యాన్ని తగ్గిస్తుంది, తులసి వాసనకు దోమలు దరిచేరవు. తులసి ఆకులు, వేర్లు, కొమ్మలల్లో అనేక ఔషధ గుణాలు ఉన్నాయి. చర్మరోగాలను నయం చేస్తుంది. తులసి ఆకులు నమలడం చేత పంటి చిగుళ్ళకున్న రోగాలు నయమవుతాయి. అరుగుదలను, ఆకలిని పెంచుతుంది. కఫం వలన వచ్చే దగ్గును, ఆస్తమాను తగ్గిస్తుంది. తులసిరసాన్ని తేనెలో కలిపి తీసుకోవడం వలన ఎక్కిళ్ళు తగ్గిపోతాయి. తులసి శరీరంలో ఉన్న ఆమాన్ని(టాక్సిన్స్/విషాలను) విశేషంగా తీసివేస్తుంది. ఈ మధ్య జరిగిన పరిశోధనల ప్రకారం ఒక్క తులసి చెట్టు మాత్రమే రోజుకు 22 గంటల పాటు ప్రాణవాయువు(ఆక్సిజెన్)ను విడుదల చేస్తుంది. ఇంత గొప్ప లక్షణం మరే ఇతర మొక్కకు లేదు.

కానీ పురాణ కధ ఆధారంగా గణపతిని తులసిదళాలతో ఒక్క వినాయక చవితి నాడు తప్ప ఇంకెప్పుడు ఆరాధించకూడదు.

9. చూత పత్రం : మామిడి ఆకులను చూత పత్రం అని సంస్కృత బాషలో అంటారు. మామిడి మంగళకరమైనది.

లేతమామిడి ఆకులను పెరుగులో నూరి సేవిస్తే అతిసారం తగ్గుతుంది. మామిడి జిగురులో ఉప్పు చేర్చి వేడీచేసి ఔషధంగా పూస్తే కాళ్ళపగుళ్ళు, చర్మవ్యాధులు ఉపశమిస్తాయి. చిగుళ్ళ వాపు సమస్యతో బాధపడేవారికి మామిడి లేత చిగురు మంచి ఔషధం. చెట్టు నుంచి కోసిన కొన్ని గంటల తరువాత కూడా ఆక్సిజెన్ (ప్రాణవాయువు) ను విడుదల చేయగల శక్తి మామిడి ఆకులకుంది. మామిడి దేవతావృక్షం. అందువల్ల ఇంట్లో ఏ దిక్కులో మామిడి చెట్టున్నా మంచిదే. ఆఖరికి ఈశాన్యంలో మామిడి చెట్టున్నా, అది మేలే చేస్తుంది. మామిడి చెట్టును సాధ్యమైనంతవరకు కాపాడాలని, ఇంటి ఆవరనలో పెరుగుతున్న మామిడి చెట్టును నరికేస్తే, ఆ ఇంటి సభ్యుల అభివృద్ధిని నరికేసినట్లేనని వాస్తు శాస్త్రం గట్టిగా చెప్తోంది. ఏ శుభకార్యంలోనైనా, కలశ స్థాపనకు ముందు కలశంలో 5 రకాల చిగుళ్ళను వేయాలి. అందులో మామిడి కూడా ఒకటి.

10. కరవీర పత్రం : దినినే మనం గన్నేరు అని పిలుస్తాం. గన్నేరుకు శాస్త్రంలో చాలా ప్రాముఖ్యత ఉంది. సాధారణంగా పూజకు కోసిన పువ్వులు, అవి చెట్టు నుంచి కోసే సమయంలో చెట్టు మొదట్లో క్రింద పడితే ఫర్వాలేదు కానీ, మరొకచోట(అది దేవుడుముదైనా, పూజ స్థలంలోనైనా సరే) క్రింద పడితే ఇక పూజకు పనిరావు. కానీ గన్నేరు పూలకు ఈ నిబంధన వర్తించదు. గన్నేరు పూలు మరే ఇతర ప్రదేశంలో క్రింద పడినా, నీటిని చల్లి పరమాత్మకు అర్పించవచ్చు. గన్నేరు చెట్టు తప్పకుండా ఇంట్లో ఉండాలి. గన్నేరు చెట్టు నుంచి వచ్చిన గాలి పీల్చినా చాలు, అది అనేక రోగాలను దూరం చేస్తుంది.

11. విష్ణుక్రాంత పత్రం : మనం వాడుకబాషలో అవిసె అంటాం. దీని ఆకును నిమ్మరసంతో కలిపి నూరి తామరవ్యాధి ఉన్న చోట పూస్తే తామరవ్యాధి నశిస్తుంది. ఆకును కూరగా చేసుకుని భుజిస్తే రక్తదోషాలు నివారణావుతాయి. విష్ణుక్రాంతం మేధస్సును పెంచుతుంది.

12. దాడిమీ పత్రం : అంటే దానిమ్మ. భారతదేశమంతటా పెరిగే చెట్టు ఇది. లలితా సహస్రనామాల్లో అమ్మవారికి 'దాడిమికుసమప్రభ' అనే నామం కనిపిస్తుంది. దానిమ్మ రసాన్ని శరీరం మీద రాయడం చేత అలర్జీలు, కిటకాలు కుట్టడం వలన వచ్చిన పొక్కులు మానిపోతాయి. దానిమ్మ పండు తొక్క గాయాలకు ఔషధం, వాపును అరికడుతుంది. పైత్య దోషాన్ని అధుపులో ఉంచుతుంది. దానిమ్మ పండు ఆకలిని, అరుగుదలను పెంచుతుంది. విరోచనాలను తగ్గిస్తుంది. గొంతురోగాలకు ఔషధం దానిమ్మ. దానిమ్మ పళ్ళు, పువ్వులు, ఆకులు, వేర్లు అన్ని ఔషధ గుణాలు కలిగినవై ఉంటాయి.

దానిమ్మ ఆకులను కొద్దిగా దంచి కాచి కషాయం చేసి దాన్లో తగినంత చక్కెర కలిపి సేచ్సితే ఉబ్బసం, అజీర్తి వంటి దీర్ఘకాలిక రోగాలు, దగ్గు, వడదెబ్బ, నీరసం ఉపశమిస్తాయి. దేని ఆకులకు నూనె రాసు వాపు ఉన్నచోట కడితే కల్లవాపులు తగ్గుతాయి.

13. దేవదారు : ఇది వనములలో, అరణ్యాలలో పెరిగే వృక్షం. పార్వతీ దేవికి మహాఇష్టమైనది. చల్లని ప్రదేశంలో, ముఖ్యంగా హిమాలయ పర్వతాల వద్ద పెరుగుతుంది ఈ వృక్షం. దేవదారు ఆకులను తెచ్చి ఆరబెట్టి, తరువాత ఆ ఆకులను నునెలో వేసి కాచి, చల్లార్చిన తరువాత నూనె తలకి రాసుకుంటే మెదడు కంటి సంబంధ రోగాలు దరిచేరవు. దేవదారు మాను నుంచి తీసిన నూనె చుక్కలను వేడినీళ్లలో వేసి ఆ నీటితో స్నానం చేస్తే శ్వాసకోశ వ్యాధులు నయమవుతాయి.

14. మరువక పత్రం : మనం దీన్ని వాడుక బాషలో మరువం అంటాం. ఇది అందరి ఇళ్ళలోనూ, అపార్ట్‌మెంట్‌లో ఉంటున్నవారు కుండిల్లో కూడా పెంచుకోవచ్చు. మంచి సువాసనం కలది. మరువం వేడినీళ్లలో వేసుకుని ఆ నీటితో స్నానం చేస్తే శరీరానికున్న దుర్వాసన తొలగిపోతుంది.

15. సింధువార పత్రం : వావిలి ఆకు. ఇది తెలుపు-నలుపు అని రెండు రకాలు. రెండింటిన్లో ఏదైనా వావికి ఆకులను నీళ్ళలో వేసి మరిగించిన నీటితో బాలింతలకు స్నానం చేయిస్తే బాలింతవాతరోగం, ఒంటినొప్పులు ఉపశమిస్తాయి. ఈ ఆకులను దంచి దానిని తలమీద కట్టుకుంటే రొంప, శిరోభారం ఉపశమిస్తాయి.

16. జాజి పత్రం: జాజి పత్రానికి అనేక ఔషధ గుణాలున్నాయి. ఇది అని చోట్ల లభిస్తుంది. జాజిపూలు మంచి సువాసన కలిగి మనిషికి ఉత్తేజాన్ని, మనసుకు హాయిని కలిగిస్తాయి. ఈ సువాసన డిప్రేషన్ నుంచి బయటపడడంలో బాగా ఉపకరిస్తుంది. జాజి ఆకులు వెన్నతో నూరి ఆ మిశ్రమంతో పళ్ళుతోముకుంటే నోటి దుర్వాసన నశిస్తుంది. జాజి కాషాయన్ని రోజు తీసుకోవడం వలన క్యాన్సర్ నివారించబడుతుంది. జాజి చర్మరోగాలకు దివ్యౌషధం. కామెర్లను, కండ్లకలకను, కడుపులో నులుపురుగులను నయం చేయడంలో జాజిపూలు ఉపయోగిస్తారు. జాజిమొగ్గలతో నేత్రవ్యాధులు, చర్మరోగాలు నయం చేస్తారు.

17. గండకీపత్రం: దీనిని మనం దేవకాంచనం అని పిలుస్తాం. థైరాయిడ్ వ్యాధికి ఔషధం గండకీ పత్రం. అరణ్యాలలో లభించే ఈ గండకీ చెట్టు ఆకు మొండి, ధీర్ఘవ్యాధులకు దివౌషధంగా పనిచేస్తుంది. చర్మరోగాలను, పైత్య రోగాలను హరిస్తుంది. దగ్గు, జలుబును హరిస్తుంది.

18. శమీ పత్రం: దేని వ్యవహార నామం జమ్మి. మహాభారతంలో విరాటపర్వంలో పాండవులు దేనిమీదనే తమ ఆయుధాలను దాచిపెడతారు. జమ్మి ఆకుల పసరు తీసి దానిని పుళ్ళు ఉన్నచోట రాస్తే కుష్ఠువ్యాధి నశిస్తుంది. జమ్మిపూలను చెక్కరతో కలిపి సేవించడం వలన గర్భస్రావం జరగకుండా నిరోధించబడుతుంది. జమ్మి చెట్టు బెరడు దగ్గు, ఆస్తమా మొదలైన వ్యాధులకు ఔషధంగా పనిచేస్తుంది.

19. ఆశ్వత్థపత్రం: ‪#‎రావి‬ వృక్షం. తులసి లేని ఇల్లు, వేపలేని వీధి, ఒక్క రావి చెట్టు కూడా లేని ఊరు ఉండరాదన్నది మన పెద్దలమట. రావి సాక్షాత్ శ్రీ మహావిష్ణుస్వరూపం. పరమాత్మయే తనును తాను రావిచెట్టుగా చెప్పుకున్నాడు. రావిమండలను ఎండబెట్టి, ఎండిన పుల్లలను నేతితీ కలిపి కాల్చి భస్మం చేసి, ఆ భస్మాన్ని తేనేతో కలిపి సేవిస్తూ ఉంటే శ్వాసకోశవ్యాధులు నివారణ అవుతాయి. అందుకే యజ్ఞయాగాదులు, హోమాల్లో రావికొమ్మలను వాడుతారు. రావి వేర్లు దంతవ్యాధులకు మంచి ఔషధం. దీని ఆకులను హృద్రోగాలకు వాడతారు. రావి ఆకులను నూరి గాయాలపై మందుగా పెడతారు. రావి చర్మరోగాలను, ఉదరసంబంధ వ్యాధులను నయం చేస్తుంది, రక్తశుద్ధిని చేస్తుంది.

20. అర్జున పత్రం: మనం దీనినే మద్ది అంటాం. ఇది తెలుపు-ఎరుపు అని రెండు రంగులలో లభిస్తుంది. మద్ది చెట్టు హృదయ సంబంధిత జబ్బులకు మంచి ఔషధం. హృదయానికి సంబంధించిన రక్తనాళాలను గట్టిపరుస్తుంది. భారతదేశంలో నదులు, కాలువల వెంట, హిమాలయాలు, బెంగాలు, మధ్యప్రదేశ్ ప్రాంతాల్లో విరివిగా పెరుగుతుంది. ఇది శరీరానికి చలువ చేస్తుంది. కఫ, పైత్య దోషాలను హరిస్తుంది కానీ, వాతాన్ని పెంచుతుంది. పుండు నుంచి రక్తం కారుటను త్వరగా ఆపుతుంది. మద్ది బెరడును రుబ్బి, ఎముకలు విరిగినచోట పెడితే గాయం త్వరగా మానిపోతుంది. దీని బెరడును నూరి, వ్రణమున్న ప్రదేశంలో కడితే, ఎలాంటి వ్రణములైనా తగ్గిపోతాయి.

21. అర్క పత్రం: జిల్లేడు ఆకు. జిల్లేడు చెట్టు గణపతి స్వరూపం. జిల్లేడు పాలు కళ్ళలో పడడం వలన కంటికి తీవ్రమైన హాని కలుగుతుంది, కానీ జిల్లేదు ఆకులు, పూలు, వేర్లు, కొమ్మలు, పాలు అన్నీ ఔషధ గుణాలు కలిగి ఉన్నాయి. ఆస్తమా, దగ్గు మొదలైన వ్యాదులకు జిల్లేడు పూలను వాడటం ఆయుర్వేద గ్రంధాల్లో కనిపిస్తుంది. జిల్లేడుతో చేసిన నూనె చెవుడుకు ఔషధం. జిల్లేడు రక్త శుద్ధిని చేస్తుంది

  లోకల్ గైడ్: విష్ణుమూర్తి అవతారాలైన జంట మహర్షులు నర మరియు నారాయణ యుగయుగాలుగా మానవాళికి ప్రేరణగా నిలిచారు. సహస్ర కవచుడితో యుద్ధం, ఊర్వశి సృష్టి, శివునితో ఎదురుకాల్పులు, ప్రహ్లాదునికి భక్తి పాఠం బోధించడం వంటి అద్భుత సంఘటనల ద్వారా, మానవ కృషికి దైవ ఆశీర్వాదం కలిసినప్పుడే నిజమైన విజయం సాధ్యమని వీరి గాథ తెలియజేస్తుంది.

లోకల్ గైడ్:అవతారాల మహిమ, యుగయుగాల బంధం, అద్భుత గాథలు

హిమాలయాలలో శతాబ్దాలుగా తపస్సు చేస్తున్న జంట మహర్షులు – నర మరియు నారాయణ – విష్ణుమూర్తి అవతారాలుగా పురాణాలలో విశేష స్థానాన్ని సంపాదించారు. వీరిలో నర అంటే మానవుడు, నారాయణ అంటే దైవం. భగవద్గీత, మహాభారతాలలో వీరి గాథలకు ప్రాధాన్యం ఉంది. పురాణాల ప్రకారం, మహాభారతంలో అర్జునుడు, శ్రీకృష్ణుడు వీరి పునర్జన్మలుగా పరిగణించబడతారు.

---

సహస్ర కవచుడితో యుద్ధం

పురాణాల ప్రకారం, సహస్ర కవచుడు అనే దానవుడు సహస్ర రక్షాకవచాలతో అమోఘ శక్తిని పొందాడు. నర-నారాయణులు అతనితో దీర్ఘకాలం యుద్ధం చేశారు. ఒకరు యుద్ధం చేస్తే, మరొకరు తపస్సు చేసి శక్తిని సమకూర్చడం – ఇలా మార alternately పోరాడుతూ అతని 999 కవచాలను ఛేదించారు. చివరి కవచం మాత్రం ఆ కాలంలో విరగలేదు. సహస్ర కవచుడు తర్వాత కర్ణుడిగా పుట్టగా, నర-నారాయణులు అర్జునుడు మరియు కృష్ణుడుగా పుట్టి ఆ చివరి కవచాన్ని ఛేదించారు.

---

ఊర్వశి సృష్టి

ఒకసారి దేవలోకంలోని అప్సరసలు నర-నారాయణుల తపస్సును భంగం చేయాలని ప్రయత్నించాయి. కానీ నారాయణుడు తన తొడ నుంచి ఒక అద్భుత సౌందర్యవంతురాలైన ఊర్వశిని సృష్టించాడు. ఊర్వశి సౌందర్యం ముందు ఇతర అప్సరసలు తలవంచి, వారి ప్రయత్నం విఫలమైంది. ఈ సంఘటన ద్వారా నారాయణుడు నిజమైన తపస్సు, ఆత్మసాధనకు ఆకర్షణలు అడ్డుకావని నిరూపించారు.

---

శివునితో ఎదురుకాల్పులు

ఒక సందర్భంలో, కొంత భ్రమ వల్ల శివుడు కోపంతో తన త్రిశూలాన్ని నారాయణుడిపై ప్రయోగించాడు. కానీ నారాయణుడు ఓ మంత్రోచ్చారణతో ఆ త్రిశూలాన్ని తిరిగి శివుని వద్దకు వెళ్లేలా చేసాడు. ఆ ఘట్టం తరువాత, ఇద్దరూ పరస్పర గౌరవంతో విడిపోయారు. ఈ సంఘటన దైవాల మధ్య పరస్పర గౌరవాన్ని, సహకారాన్ని ప్రతిఫలిస్తుంది.

---

ప్రహ్లాదునితో ద్వంద్వ యుద్ధం

విష్ణుభక్తుడైన అసురరాజు ప్రహ్లాదుడు ఒకసారి నర-నారాయణులతో యుద్ధం చేశాడు. దీర్ఘకాలం సాగిన ఆ పోరులో చివరికి నర-నారాయణులు విజయం సాధించారు. కానీ వారు ప్రహ్లాదునికి విజయం అంటే శక్తితో గెలవడం కాదు – భక్తి, వినయం ద్వారానే నిజమైన జయం సాధ్యమని బోధించారు. ఈ పాఠం అతని మనసులో శాశ్వతంగా ముద్రించబడింది.

---

మానవుడు – దైవం బంధం

నర-నారాయణుల గాథలు మానవజీవితంలో దైవ సహకారం ఎంత ముఖ్యమో ప్రతిబింబిస్తాయి. నర అంటే మానవ ప్రయత్నం – శ్రమ, ధైర్యం, కృషి. నారాయణ అంటే దైవశక్తి – మార్గదర్శనం, రక్షణ, అనుగ్రహం. ఈ ఇద్దరి బంధం మానవజీవితం విజయం సాధించాలంటే మన కృషికి దైవ ఆశీస్సులు కలిసివచ్చాలి అనే సూత్రాన్ని స్ఫురింపజేస్తుంది.

---

మహాభారతంలో పునర్జన్మలు

సహస్ర కవచుడి కథలో చెప్పినట్లు, నర-నారాయణులు మహాభారతంలో అర్జునుడు, కృష్ణుడిగా పుట్టారు. కర్ణుడి రూపంలో పునర్జన్మ పొందిన సహస్ర కవచుడితో చివరి పోరును పూర్తి చేశారు. ఇది యుగయుగాల బంధం, కర్తవ్యపరాయణం, ధర్మరక్షణకు ప్రతీకగా నిలిచింది.

---

తపస్సు, ధర్మం, యుద్ధం – సమగ్ర గాథ

నర-నారాయణుల జీవితగాథలో తపస్సు, ధర్మపరిరక్షణ, దైవ-మానవ బంధం, శత్రువులతో సాహసయుద్ధాలు, వినయపాఠాలు – అన్నీ సమన్వితమై ఉన్నాయి. వీరి కథలు కేవలం పురాణాల గాథలు మాత్రమే కాదు; మన కృషి, మన విశ్వాసం, మన ధర్మం కలిసినపుడే జీవితం పూర్ణత చెందుతుందని చూపించే స్ఫూర్తిదాయకమైన ఉదాహరణలు.

---

 ముగింపు: నర-నారాయణులు తమ తపస్సు, యుద్ధం, ధర్మబోధల ద్వారా యుగయుగాలుగా మానవాళికి మార్గదర్శకులుగా నిలుస్తున్నారు. మానవుడు కృషిచేయాలి, దైవం ఆశీర్వదించాలి – ఈ రెండూ కలిసినప్పుడే నిజమైన విజయాన్ని సాధించగలమని వారి గాథ సారాంశం.

---

జ్యోతిష్య శాస్త్రం ప్రకారం జూలై 30 బుధవారం హస్త నక్షత్ర ప్రభావంతో 12 రాశులపై మిశ్రమ ప్రభావం ఉంటుంది. కొన్ని రాశులకు అదృష్టం అద్భుతంగా సహకరిస్తే, మరికొంతమందికి జాగ్రత్త అవసరం.

• మేషం: ఆదాయం కంటే ఖర్చులు ఎక్కువ. షాపింగ్‌లో ఆచితూచి వ్యయించండి. ఉద్యోగాల్లో లక్ష్యాలు చేరుకుంటారు.

• వృషభం: ఉద్యోగ ఒత్తిడితో బిజీగా. కొత్త వ్యాపార భాగస్వాములు చేరినా, ఆర్థిక వ్యవహారాల్లో ఆలస్యం మంచిది.

• మిథునం: శుభకార్యాల అవకాశాలు. ధన లాభం, విజయవంతమైన ప్రయాణ సూచనలు.

• కర్కాటకం: అధికారుల వేధింపులు. కుటుంబ, వ్యాపార నిర్ణయాల్లో పెద్దల సలహా అవసరం.

• సింహం: అనుకోని లాభాలు. నమ్మినవారు మోసం చేసే అవకాశం, జాగ్రత్త అవసరం.

• కన్యా: పనుల్లో విజయం. ఇంటి విషయాలు బయట చెప్పకండి. పిల్లల భవిష్యత్‌పై నిర్ణయాలు తీసుకుంటారు.

• తులా: సమాజంలో గుర్తింపు. ఉద్యోగ విజయాలు, విదేశీ అవకాశాల సూచనలు.

• వృశ్చికం: ఆదాయం పెరుగుతుంది కానీ ఖర్చుల్లో జాగ్రత్త అవసరం. ఆరోగ్యంపై శ్రద్ధ అవసరం.

• ధనుస్సు: పదోన్నతుల సూచనలు. వ్యాపార విభేదాలు, జాగ్రత్తలు అవసరం.

• మకరం: పెండింగ్ పనులు ఆందోళన కలిగిస్తాయి. పెట్టుబడుల్లో ముందుచూపు అవసరం.

• కుంభం: ధనలాభం ఉన్నా ఖర్చులు అధికం. ఆరోగ్యంపై జాగ్రత్త అవసరం, ముఖ్యంగా పిల్లలపై.

• మీనం: అన్ని రంగాల్లో అనుకూల ఫలితాలు. వ్యాపార ప్రారంభానికి అనుకూలం. కుటుంబ జీవితం సాఫీగా సాగుతుంది.

లోక‌ల్ గైడ్: గోల్కొండ కోటలోని జగదాంబ ఎల్లమ్మ మహంకాళి ఆలయంలో ఆదివారం రెండో బోనం పూజ వైభవంగా జరిగింది. ఆలయ కమిటీ చైర్మన్‌ చంటిబాబు ఆధ్వర్యంలో పూజారి సర్వేశ్‌ చారి, ఈవో వసంత, సభ్యులు సంతోష్‌ కుమార్‌, ప్రదీప్‌ కుమార్‌, అనిత, శ్రీకాంత్‌, యాదగిరి కలిసి అమ్మవారికి అభిషేకం నిర్వహించి, ప్రత్యేక అలంకరణ చేసి హారతి సమర్పించారు.ఈ సందర్భంగా నగరంలోని వివిధ ప్రాంతాల నుంచి భక్తులు భారీగా తరలివచ్చి బోనాలు, తొట్టెలను సమర్పించారు. భక్తుల సంఖ్య ఎక్కువగా ఉండటంతో కోట కిటకిటలాడింది. అయితే, దర్శన ఏర్పాట్లు సరిగా లేకపోవడంపై భక్తులు ఆగ్రహం వ్యక్తం చేశారు. గంటల పాటు క్యూలైన్లలో నిల్చోవాల్సి రావడంతో తీవ్ర అసౌకర్యం ఎదురైందని వారు ఆవేదన చెందారు. అంతేకాకుండా, కొందరు ఆకతాయిల ప్రవర్తన వల్ల మహిళలు ఇబ్బందులు ఎదుర్కొన్నట్లు పేర్కొన్నారు.

నిజామాబాద్ జిల్లా ప్రతినిధి (లోకల్ గైడ్) ఇస్కాన్ ఆధ్వర్యంలో శుక్రవారం నిర్వహించిన పూరిజగన్నాథ రథోత్సవానికి ముఖ్యఅతిథులుగా అర్బన్ శాసనసభ్యులు ధన్ పాల్ సూర్యనారాయణ పాల్గొన్నారు..శ్రీకృష్ణుడు, సుభద్ర, బలరాముడులకు ప్రత్యేక పూజలు నిర్వహించి గుమ్మడికాయలతో దిష్టితీసి రథయాత్రను  ప్రారంభించారు.ఈ సందర్బంగా ఎమ్మెల్యే మాట్లాడుతు గత కొన్ని సంవత్సరాలుగా ఇస్కాన్ ఆధ్వర్యంలో పూరి జగన్నాథ్ రాథోత్సవాన్ని తలపించేల మన ఇందూర్ లో నిర్వహించడం ఆనందంగా ఉందన్నారు. ప్రపంచ ప్రఖ్యాతిగాంచిన పూరిజగన్నాథుని రథయాత్రకు దర్శించుకోలేని భక్తులకు ఇందూర్ జిల్లా కేంద్రంలో ఏర్పాటు చేసి రథోత్సవం స్వామిని దర్శించుకునే అదృష్టాన్ని అందించారని అన్నారు.శ్రీకృష్ణ తత్వాన్ని, మహా భగవత్ సమస్త మానవాళి జీవనానికి గల ప్రాముఖ్యతను గత వారం రోజులుగా భక్తులకు భా సప్తాహం ద్వారా తెలియజేశారని అన్నారు.
శ్రీకృష్ణుడు సకల శుభాలను అందించి భక్తుల కష్టాలను తీర్చేటటువంటి స్వామి నకు దర్శనమిస్తారని అన్నారు. కలియుగంలో పూరిజగన్నాధుని రూపంలో స్వామి భక్తులచే పూజలు అందుకుంటున్నారని ఆ థయాత్రలో స్వామిని దర్శించుకోవడం రథసేవ చేయడం మహాభాగ్యమని అన్నారు. ఈ సంవత్సరం వర్షాలు సమృద్ధిగా కురిసి పాడిపంటలతో పూరిజగన్నాథుని అనుగ్రహంతో సుఖసంతోషాలతో ఉండాలని ఆకాంక్షించారు.కేంద్రప్రభుత్వం హిందూ ఆలయాల పునః నిర్మాణానికి పునుకుందని అన్నారు అందులో భాగంగా పూరి జగన్నాథ్ ఆలయా అభివృద్ధికి నిధులు కేటాయించడం జరిగిందన్నారు.నిజామాబాద్ జిల్లా కేంద్రంలో జగన్నాథ్ ఆలయనిర్మాణానికి స్థలం మరియు ఆలయ నిర్మాణనికి సహకరిస్తానని తెలియజేసారు.ఈ కార్యక్రమంలో మార్కెట్ కమిటీ చైర్మన్ ముప్పా గంగారెడ్డి, ప్రముఖ న్యాయవాది కృపాకర్ రెడ్డి,సిద్ద బలరామ్,భక్తులు పెద్ద ఎత్తున పాల్గొన్నారు.

షాద్ నగర్ ఎమ్మెల్యే "వీర్లపల్లి శంకర్" 

 మాజీ ఎమ్మెల్యే "చౌలపల్లి ప్రతాప్ రెడ్డి" తో కలిసి జగన్నాథుడికి ప్రత్యేక పూజలు

 ఆర్టీసీ కాలనీలో పవిత్ర పూరి జగన్నాథ్ స్వామి రథోత్సవం 

 మాజీ ఎమ్మెల్యే ప్రతాప్ రెడ్డి ప్రత్యేక పూజలు  

 షాద్ నగర్ లోకల్ గైడ్ 
 
భక్తులను రక్షించడానికి .. మనలో మంచితనం పెంచడానికి విష భావాలు తొలిగించడానికి వస్తున్నాయ్.. వస్తున్నాయి జగన్నాథ రథ చక్రాలు.. అంటూ షాద్ నగర్ ఎమ్మెల్యే రాష్ట్ర ప్రభుత్వ రంగ సంస్థల చైర్మన్ వీర్లపల్లి శంకర్, స్థానిక మాజీ ఎమ్మెల్యే చౌలపల్లి ప్రతాప్ రెడ్డి అన్నారు. రంగారెడ్డి జిల్లా షాద్ నగర్ పట్టణంలోని 8వ వార్డు 
ఆర్టీసీ కాలనీలో గల పూరి జగన్నాథ స్వామి ఆలయంలో ప్రత్యేక పూజలు నిర్వహించారు. ఈ సందర్భంగా స్వామిని దర్శించుకున్న అనంతరం స్వామి రథానికి ప్రత్యేక పూజలు నిర్వహించారు. ఈ సందర్భంగా ఎమ్మెల్యే వీర్లపల్లి శంకర్, మాజీ ఎమ్మెల్యే ప్రతాప్ రెడ్డిలు మాట్లాడుతూ.. జగన్నాథ స్వామి రథచక్రాలతో ఈ నియోజకవర్గ ప్రజలు ఎల్లకాలం సుభిక్షంగా ఉండాలని కోరారు. రైతులు కర్షక కార్మికులు అన్ని వర్గాలు ప్రశాంతంగా జీవించాలని స్వామివారిని వేడుకున్నట్లు వారు పేర్కొన్నారు. పూరి జగన్నాథుడి ఉత్సవాలు పట్టణంలో ప్రతి ఏటా జరపడం ఎంతో గొప్ప విషయమని నిర్వాహకులను ఆయన ప్రత్యేకంగా అభినందించారు. పూరి జగన్నాథుని ఒరిస్సా రాష్ట్రానికి వెళ్లి దర్శించుకునే భాగ్యం లేని ఎంతోమంది నిరుపేద భక్తులు ఇతరులకు ఇక్కడ జరుగుతున్న వేడుకలు ఎంతో ఉపయోగకరమని ఎమ్మెల్యే వీర్లపల్లి శంకర్ మాజీ ఎమ్మెల్యే ప్రతాప్ రెడ్డిలు పేర్కొన్నారు. 

 కదిలాయ్ జగన్నాథుడి రథచక్రాలు.. 

పూరి జగన్నాథుడు ఆయన సోదరుడు బలభద్రుడు, సోదరి సుభద్రలతో కలిసి రథాలపై ఊరేగింపుగా వెళ్లే ఉత్సవం. 
జగన్నాధ రథయాత్ర అనేది జగన్నాధస్వామికి చేసే ప్రసిద్ధమైన ఉత్సవం. ఈ యాత్రలో జగన్నాధస్వామితో పాటు ఆయన అన్న బలభద్రుని, చెల్లెలు సుభద్రాదేవిని కూడా పూజించి, ఊరేగిస్తారు.ఈ ఉత్సవం ప్రతి సంవత్సరం ఆషాడ శుధ్ధ విధియ రోజున ప్రారంభమై పట్టణంలో పలు పురవీధులలో సాగుతుంది. ఈ ఊరేగింపు కోసం విగ్రహాలను గర్భగుడిలో నుంచి బయటకు తీసుకొచ్చి రథయాత్రగా తీసుకెళ్తారు. ఆ తరువాత సుభద్ర , బలబద్ర సమేత జగన్నాథుని ఉత్సవ మూర్తులు బహుదా యాత్ర పేరిట తిరిగి పూరీ ఆలయానికి చేరటంతో ముగుస్తుంది. ఒరిస్సాలో అయితే ఇది 12 రోజులు పాటు జరిగే ఉత్సవం .ఈ యాత్రకి రెండు నెలలముందు నించే దీనికి సంబంధించిన ఏర్పాట్లు మొదలవుతాయి. పూరీలో జగన్నాథుని ఉత్సవ ప్రజా ఊరేగింపు సందర్భంగా, లక్షలాది మంది భక్తులు రథంలో జగన్నాథుడిని చూడటానికి పూరీని సందర్శిస్తారు.ఈ ఉత్సవం మాదిరిగానే ప్రపంచంలోని చాలా జగన్నాధ ఆలయాల్లో కూడా రథయాత్ర చేస్తుంటారు..

యుజ్" అనగా "కలయిక" అనే సంస్కృత ధాతువు నుండి "యోగ" లేదా "యోగము" అనే పదం ఉత్పన్నమైంది.
యోగమనగా ఇంద్రియములను వశపరచుకొని, చిత్తమును ఈశ్వరుని యందు లయం చేయుట. మానవుని మానసిక శక్తులన్నింటిని ఏకమొనర్చి సామాన్య స్థితిని చేకూర్చి భగవన్మయమొనరించుట. ఇలా ఏకాగ్రత సాధించడం వలన జీవావధులను భగ్నం చేసి, పరమార్ధ తత్వమునకు దారి చేసుకొని పోవచ్చును. అలా ఆత్మ తనలో నిగూఢంగా ఉన్న నిజ శక్తిని సాధిస్తుంది. ఇలా ఆంతరంగికమైన శిక్షణకు భిన్న మార్గాలున్నాయి.అందులో ఒక భాగం సులభమైన మార్గం ధ్యానం 
 బ్రహ్మర్షిపితామహ పత్రీజీ గారు పిరమిడ్ స్పిరిచ్యువల్ సోసైటి వ్యవస్థాపకులు  40 సంవత్సరాల గా, ధ్యానం, శాకాహరం, పిరమిడ్ శక్తి ని విశేషంగా ప్రచారం చేస్తుంది.
ఈ సందర్బంగా.....
         -------------
 11వ యోగ దినోత్సవాన్ని  PSSM ధ్యాన భాగ్య నగర్ ట్రస్ట్  వారి ఆధ్వర్యంలో June 21st రోజున  జూలురి వీరేశ లింగం కళ్యాణమండపం వెస్లి స్కూల్ పక్కన , *ప్యారడైజ్ , సికింద్రాబాద్నందు తెల్లవారుజామున 5.00 గంటల నుంచి *సాముహిక ధ్యానం , తర్వాత యోగ వెంకటేశ్ గారిచే యోగ సాధన, మరియు సాయంత్రం 5.00గంటల వరకు వివిధ కార్యక్రమాలు ఏర్పాటుచేయ్యడం జరిగింది. 
ప్రతి పిరమిడ్ మాస్టర్ ఈ కార్యక్రమాలో  పాల్గొన్ని విజయవంతం చెయ్యగలరు.
           ------------
 వివరాలకు :  99491 83110/9392474874/ 70755 94555

యాదగిరి గుట్టలోని శ్రీ లక్ష్మీనరసింహ స్వామి ఆలయం ఆదివారం భక్తులతో సందడిగా మారింది. వారాంతం కావడంతో అనేక ప్రాంతాల నుంచి భక్తులు పెద్ద సంఖ్యలో తరలి వచ్చి స్వామివారిని దర్శించుకున్నారు. వేకువజాము నుంచే ప్రారంభమైన రద్దీ రాత్రి వరకు కొనసాగింది. మొత్తం 65,000 మంది భక్తులు పంచనరసింహుల దర్శన భాగ్యం పొందారు.  ఆలయానికి వివిధ వనరుల ద్వారా రూ. 80,11,461 ఆదాయం వచ్చినట్టు ఆలయ అధికారులు వెల్లడించారు.