లోకల్ గైడ్  విశాఖపట్నం, సెప్టెంబర్ 7:
ప్రజల ఆరోగ్యమే అసలైన సంపద అని నమ్మే కూటమి ప్రభుత్వం, రాష్ట్ర ప్రజలందరికీ సమాన వైద్య సేవలు అందించాలనే లక్ష్యంతో ఓ చారిత్రక నిర్ణయం తీసుకుంది. ఆదాయంతో సంబంధం లేకుండా ప్రతి ఒక్క పౌరుడికి వర్తించేలా రూ. 25 లక్షల ఆరోగ్య బీమా పథకాన్ని అమలు చేసింది. ఇది దేశంలో ఇంతవరకు ఏ రాష్ట్రం ప్రవేశపెట్టని విధంగా అత్యధిక పరిమితి కలిగిన ఆరోగ్య భీమా పథకంగా గుర్తింపు పొందుతోంది.

ఈ పథకం ద్వారా రాష్ట్ర ప్రజలకు మొత్తం 3,257 రకాల వైద్య చికిత్సలు, శస్త్రచికిత్సలు, అవసరమైన మందులు పూర్తిగా ఉచితంగా అందుబాటులో ఉంటాయి. గుండె, కిడ్నీ, క్యాన్సర్, నరాల వ్యాధులు, అంతర్గత అవయవ మార్పిడి లాంటి ఖరీదైన చికిత్సలు కూడా ఈ పాలసీలో కవరేజ్‌లో ఉన్నాయి. ప్రజలు ఎటువంటి ఆర్థిక భారం లేకుండా ఈ వైద్య సేవలను పొందగలుగుతారు.

ఆసుపత్రిలో చేరిన 6 గంటలలోపే చికిత్సకు అనుమతి మంజూరు అయ్యేలా ప్రభుత్వం ఆధునిక టెక్నాలజీ ఆధారంగా ప్రత్యేక సిస్టమ్‌ను రూపొందించింది. పారదర్శకత పెంచేందుకు QR కోడ్లు, హెల్ప్‌లైన్ కంట్రోల్ రూమ్‌లు వంటి సదుపాయాలు కూడా అందుబాటులోకి తీసుకువచ్చింది. పౌరులు తమ ఆరోగ్య బీమా స్టేటస్‌ను సులభంగా తనిఖీ చేసుకునే అవకాశమూ కల్పించబడింది.

ఈ ఆరోగ్య బీమా పాలసీ ముఖ్యంగా మధ్యతరగతి, పేద కుటుంబాలకు భారీ ఉపశమనం కలిగించనుంది. ఖరీదైన వైద్యం కోసం అప్పులు తీసుకోవాల్సిన అవసరం లేకుండా, కుటుంబాలను ఆర్థికంగా రక్షించే కవచంగా ఇది నిలవనుంది.

ప్రభుత్వం స్పష్టంగా ప్రకటించినట్లు, "ఆరోగ్య పరిరక్షణ అందరికీ చేరాలి. వైద్యంలో ఖరీదే ఆటంకం కాకూడదు." ఈ పథకం రాష్ట్ర అభివృద్ధిలో కీలక మైలురాయిగా నిలుస్తుందని అధికారులు పేర్కొన్నారు. ప్రజల సంక్షేమం కోసం చేపట్టిన ఈ చొరవ ప్రతి పౌరుడికి ఆశాజ్యోతి కాబోతోందని ప్రభుత్వం నమ్మకం వ్యక్తం చేసింది.

మా ప్రభుత్వ లక్ష్యం – ప్రతి కుటుంబానికి భరోసా, ప్రతి వ్యక్తికి రక్షణ, ప్రతి రోగికి నాణ్యమైన వైద్యం.

ప్రమాదంలో చిక్కుకున్న విద్యార్థులు – 25 మంది విద్యార్థుల ప్రాణాలు ప్రమాదంలో నుండి బయటపడిన సంఘటన

 లోకల్ గైడ్  విశాఖపట్నం: విశాఖపట్నం జిల్లా మదురవాడలోని ఓ ప్రైవేట్ పాఠశాలలో విద్యార్థుల ప్రాణాలు ముప్పులో పడిన ఘటన కలకలం రేపింది. జీఏంసీ వద్ద నుంచి విద్యార్థులను పాఠశాలకు తీసుకెళ్లేందుకు నిత్యం ప్రయాణించే ఓ స్కూల్ ఆటో రవాణా నిబంధనలకు వ్యతిరేకంగా ఎక్కువ మంది విద్యార్థులను తీసుకెళ్తూ ప్రమాదానికి గురైంది. ఈ ఘటనలో మొత్తం 25 మంది విద్యార్థుల ప్రాణాలు ప్రమాదంలో నుండి బయటపడ్డాయి.

ప్రమాదం జరిగిన సమయంలో ఆటోలో విద్యార్థులతో పాటు సరస్వతీ మోడల్ పాఠశాల టీచర్ మహేశ్ కూడా ఉన్నారు. మదురవాడలో టౌన్ స్టేషన్ సమీపంలో ఆటో ఒక్కసారిగా నిలిచిపోవడం వల్ల వెనుక నుంచి వచ్చిన బస్సు ఢీకొట్టింది. ఈ ప్రమాదంలో విద్యార్థులకు స్వల్ప గాయాలైనట్లు సమాచారం.

సంఘటనపై సమాచారాన్ని అందుకున్న పోలీసులు వెంటనే అక్కడికి చేరుకుని విద్యార్థులను క్షేమంగా బయటపర్చారు. ఆటోలో సాధారణంగా 8 మందికి మాత్రమే అనుమతి ఉన్నా, డ్రైవర్ అత్యధికంగా 25 మందిని ఎక్కించడంతో ప్రమాదం మరింత పెరిగింది. ఇది పాఠశాల యాజమాన్యం నిర్లక్ష్యానికి నిదర్శనం అని తల్లిదండ్రులు మండిపడుతున్నారు.

విద్యార్థుల తల్లిదండ్రులు ఆటో డ్రైవర్ మరియు పాఠశాల యాజమాన్యంపై తీవ్ర ఆగ్రహం వ్యక్తం చేశారు. అనుమతికి మించిన విద్యార్థులను ఆటోలో ఎక్కించడమే కాకుండా, భద్రతా నియమాలను పట్టించుకోకపోవడం వల్ల తమ పిల్లల ప్రాణాలు ప్రమాదంలో పడ్డాయని ఆరోపించారు. ఘటనపై అధికారులు విచారణ చేపట్టారు. తల్లిదండ్రులు స్కూల్ యాజమాన్యం తగిన జాగ్రత్తలు తీసుకోవాలని డిమాండ్ చేస్తున్నారు.

రాష్ట్ర పాఠశాల విద్యాశాఖ ఇటీవల మెగా డీఎస్సీ మెరిట్ జాబితాను విడుదల చేసిన సంగతి తెలిసిందే. ఈ జాబితాలో అత్యుత్తమ ప్రతిభ కనబరిచిన అభ్యర్థులకు రిజర్వేషన్ల ఆధారంగా కటాఫ్ మార్కులను నిర్ణయించి, ర్యాంకులను కేటాయించారు. ఎంపికైన అభ్యర్థులకు 1:1 నిష్పత్తిలో కాల్‌లెటర్లు పంపేందుకు విద్యాశాఖ అధికారులు ఏర్పాట్లు చేస్తున్నారు.

ప్రాథమిక షెడ్యూల్ ప్రకారం, ఆగస్టు 24న అభ్యర్థుల లాగిన్‌కి కాల్‌లెటర్లు అందుబాటులోకి వచ్చి, ఆగస్టు 25 నుంచి ధ్రువపత్రాల పరిశీలన ప్రారంభమవాల్సి ఉంది. అయితే, కాల్‌లెటర్లను ఇంకా సిద్ధం చేయకపోవడంతో ఈ ప్రక్రియకు తాత్కాలిక బ్రేక్ పడింది. విద్యాశాఖ తాజా ప్రకటన ప్రకారం, సర్టిఫికెట్ వెరిఫికేషన్‌ను వాయిదా వేయాల్సి వచ్చిందని స్పష్టం చేసింది.

రిజర్వేషన్లు, స్థానికత ఆధారంగా ఉద్యోగాలకు ఎంపికైన అభ్యర్థులకు నిబంధనల ప్రకారం కాల్‌లెటర్లు జారీ చేయాల్సిన అవసరం ఉంది. దీనిలో ఎలాంటి పొరపాట్లు జరగకుండా ఉండేందుకు అధికారులు జాబితాలను ఒకటికి రెండుసార్లు పరిశీలిస్తున్నారు. కాల్‌లెటర్ల ప్రక్రియలో ఆలస్యం రావడంతో, తదనుగుణంగా ధ్రువపత్రాల పరిశీలన కూడా ఆలస్యమవుతోంది. తాజా సమాచారం ప్రకారం, ఆగస్టు 25న ఉదయం నుంచి అభ్యర్థుల లాగిన్‌లో కాల్‌లెటర్లు ఉంచుతామని అధికారులు వెల్లడించారు.

ధ్రువపత్రాల పరిశీలన అనంతరం కౌన్సెలింగ్‌ ప్రక్రియ నిర్వహించబడుతుంది. విద్యాశాఖ యాజమాన్యం ఈ మొత్తం ప్రక్రియను సెప్టెంబరు మొదటి వారంలోపు పూర్తి చేసి, రెండో వారంలో అభ్యర్థులను పాఠశాలల్లో నియమించాలన్న లక్ష్యంతో షెడ్యూల్ రూపొందించింది.

ఇతర విశేషాల ప్రకారం, కొంతమంది అభ్యర్థులు ఒకటికి మించి పోస్టులకు మెరిట్‌లో టాపర్లుగా నిలిచారు. దీంతో వారికి రెండు, మూడు పోస్టులకు ఎంపిక అయ్యే అవకాశం వచ్చింది. అయితే, దరఖాస్తు సమయంలో ఇచ్చిన ఐచ్ఛికాల ప్రకారమే ఉద్యోగాలు కేటాయిస్తారు. మొదటి ప్రాధాన్యత ఇచ్చిన పోస్టుకు అభ్యర్థిని నియమించి, మిగతా పోస్టులను తరువాతి అభ్యర్థులకు కేటాయించేలా విద్యాశాఖ చర్యలు తీసుకుంటోంది

లోకల్ గైడ్ :తిరుమలలో భక్తుల రద్దీ ఈరోజు కొంత తగ్గింది. సాధారణంగా పండుగలు, వారాంతాలు, ప్రత్యేక సందర్భాలలో భక్తుల సంఖ్య గణనీయంగా పెరిగి, సర్వదర్శనం కోసం ఎక్కువ సమయం వేచిచూడాల్సి వస్తుంది. అయితే, ప్రస్తుతం పరిస్థితి కొంత సులభంగా ఉంది. శ్రీవారి సర్వదర్శనం కోసం భక్తులు సుమారు 8 గంటల సమయం మాత్రమే వేచి ఉండాల్సి వస్తోంది. ఈ సమయంలో క్యూలైన్లలో కేవలం 3 కంపార్ట్మెంట్లలోనే భక్తులు ఉన్నారు, ఇది గత కొన్ని రోజుల కంటే తక్కువ.

నిన్న రోజున మొత్తం 82,628 మంది భక్తులు శ్రీ వేంకటేశ్వర స్వామివారిని దర్శించుకున్నారు. వారిలో 30,505 మంది భక్తులు తమ తలనీలాలు సమర్పించారు, ఇది భక్తుల భక్తి భావానికి నిదర్శనం. తలనీలాల సమర్పణ తిరుమలలో ఒక ముఖ్యమైన ఆచారం, స్వామివారికి సమర్పించిన ఈ ప్రతిజ్ఞ భక్తుల మనసులో గాఢమైన ఆధ్యాత్మికతను ప్రతిబింబిస్తుంది.

ఇక ఆర్థికంగా కూడా తిరుమల తిరుపతి దేవస్థానం (TTD)కి మంచి ఆదాయం లభించింది. నిన్న ఒక్క రోజే శ్రీవారి హుండీ ద్వారా రూ.3.73 కోట్ల ఆదాయం సమకూరింది. భక్తులు నగదు విరాళాలతో పాటు బంగారం, వెండి, ఆభరణాలు వంటి విలువైన వస్తువులను కూడా సమర్పిస్తారు.

తిరుమలలో భక్తుల రద్దీ తగ్గడం వల్ల సర్వదర్శనం కోసం ఎక్కువ సమయం వేచి చూడాల్సిన ఇబ్బంది తక్కువగా ఉంది. ఇది ముఖ్యంగా వృద్ధులు, చిన్నపిల్లలు, దివ్యాంగుల కోసం అనుకూలంగా మారింది. రాబోయే వారాంతాల్లో మరియు పండుగ రోజుల్లో రద్దీ మళ్లీ పెరిగే అవకాశం ఉండటంతో, TTD అధికారులు భక్తులకు ముందస్తు ఆన్‌లైన్ టికెట్లు బుక్ చేసుకోవాలని, సమయానికి చేరుకోవాలని సూచిస్తున్నారు.

తిరుమలలో భక్తుల ఉత్సాహం ఎప్పటిలాగే కొనసాగుతూనే ఉంది. శ్రీవారి అనుగ్రహం పొందేందుకు దేశం నలుమూలల నుంచి మాత్రమే కాకుండా విదేశాల నుంచి కూడా భక్తులు పెద్ద సంఖ్యలో వస్తున్నారు. ఇది తిరుమలను ప్రపంచంలోని అగ్రశ్రేణి యాత్రా కేంద్రాలలో ఒకటిగా ని

లిపింది.

హనుమకొండ జిల్లా ప్రతినిధి(లోకల్ గైడ్): దేశవ్యాప్తంగా రాఖీ పండుగను అక్కాతమ్ముళ్లు, అన్నాచెల్లెళ్లు ఘనంగా జరుపుకుంటున్నారు. అయితే, ఇరు తెలుగు రాష్ట్రాలలోని రెండు హై ప్రొఫైల్ కుటుంబాలలో మాత్రం రాఖీ పండుగ సందడి కనిపించడం లేదు. రాజకీయ వైరంతో ఒకరు… రాజకీయంగా అంతర్గత విభేదాలతో మరొకరు రాఖీ పండుగ జరుపుకోలేదు. ఏపీ మాజీ సీఎం జగన్‌కు వైఎస్ షర్మిల రాఖీ కట్టకపోవడం… కవిత రాఖీ కట్టేందుకు సిద్ధంగా ఉన్నా కేటీఆర్ అందుబాటులో లేకపోవడం హాట్ టాపిక్‌గా మారాయి.

కొంతకాలంగా తెలంగాణ రాజకీయాలలో కవిత వ్యవహారం హాట్ టాపిక్‌గా మారిన సంగతి తెలిసిందే. పార్టీకి, కవితకు వచ్చిన గ్యాప్‌, కేసీఆర్‌కు ఆమె రాసిన లేఖ లీక్ కావడం నేపథ్యంలో కేటీఆర్‌, కవితల మధ్య గ్యాప్ వచ్చింది. అవన్నీ పక్కనబెట్టి అన్న కేటీఆర్‌కు రాఖీ కట్టేందుకు కవిత సిద్ధమయ్యారని తెలుస్తోంది. అయితే, నిన్న లగచర్లకు చెందిన అక్కచెల్లెమ్మలతో రాఖీ కట్టించుకున్న కేటీఆర్… అటు నుంచి అటే బెంగళూరు వెళ్లారు. నిన్నే తాను రాఖీ కట్టేందుకు ఇంటికి వస్తానని కేటీఆర్‌కు కవిత నిన్న ఉదయం మెసేజ్ చేశారట

అయితే, ఆయన బెంగుళూరు వెళ్లిన తర్వాత తాను ఊళ్లో లేనని రిప్లై ఇచ్చారట. దీంతో, రాఖీ పండుగ రోజు కవిత తీవ్ర మనస్తాపానికి గురయ్యారట. రాజకీయపరంగా అభిప్రాయభేదాలు, విభేదాలు, మనస్పర్థలు ఉన్నప్పటికీ అన్న కేటీఆర్‌కు కవిత రాఖీ కట్టేందుకు ముందుకు వచ్చినా, ఆయన పెద్దగా సుముఖత చూపకపోవడంతో ఆమె బాగా హర్ట్ అయ్యారట. అన్నాచెల్లెళ్ల అనుబంధానికి ప్రతీక అయిన రాఖీ పండుగ నాడు కూడా కలవకపోవడంపై కవిత బాధపడుతున్నారట.

మరోపక్క, ఏపీలో వైసీపీ నేతలపై, అన్న జగన్‌పై విమర్శలు ఎక్కుపెడుతున్న షర్మిల… కనీసం రాఖీ పండుగ నాడు కూడా అన్నకు రాఖీ కట్టేందుకు ముందుకు రాకపోవడం చర్చనీయాంశమైంద అన్నారు.

లెజెండరీ నటి జయసుధ తనయులు నిహార్ కపూర్, శ్రేయాన్ కపూర్ సినిమా రంగంలో అడుగుపెట్టిన విషయం తెలిసిందే. శ్రేయాన్ "బస్తీ" చిత్రంతో నటనకు గుడ్‌బై చెప్పగా, నిహార్ మాత్రం విభిన్న పాత్రలతో టాలీవుడ్లో నిలదొక్కుకునే ప్రయత్నం చేస్తున్నాడు. ప్రస్తుతం పవన్ కళ్యాణ్ నటిస్తున్న "హరిహర వీరమల్లు" సినిమాలో కీలక పాత్ర పోషిస్తున్న నిహార్, ఇటీవల ఇచ్చిన ఓ ఇంటర్వ్యూలో ఆసక్తికర రాజకీయ విషయాన్ని వెల్లడించాడు.

గతంలో ఒకసారి వైసీపీ అధినేత వైఎస్ జగన్‌ను కలిసి ఆయన నివాసానికి వెళ్లినప్పుడు, జగన్ సమక్షంలో ఆయన మెడలో వైసీపీ కండువా వేసి ఫొటోలు తీసినట్లు నిహార్ తెలిపారు. ఈ ఫొటోలు వైరల్ కావడంతో నిహార్, జయసుధ వైసీపీలో చేరారని వార్తలు షికార్లు చేశాయి. అయితే, తాము వైసీపీలో చేరలేదని, కేవలం అభిమానంగా వెళ్లిన సందర్భంలో కండువా వేసినట్లు మాత్రమే జరిగిందని నిహార్ తేల్చి చెప్పారు.

జగన్ ఇంటికి వెళ్లిన ప్రతిఒక్కరికీ పార్టీ కండువా వేయడమా? అనే విధంగా నిహార్ వ్యాఖ్యలు ఉండటంతో, నెటిజన్లు వైసీపీ శైలి పై విమర్శలు గుప్పిస్తున్నారు. జయసుధకు వైఎస్‌పై అభిమానం ఉన్నప్పటికీ, అధికారికంగా పార్టీకి చేరినట్లు ఎక్కడా రుజువులు లేవని కూడా నిహార్ స్పష్టం చేశారు.

ఈ విషయమై సోషల్ మీడియాలో చర్చ కొనసాగుతోంది. "కండువా వేస్తే పార్టీలో చేరినట్లా?" అంటూ నెటిజన్లు ప్రశ్నలు వేస్తున్నారు.

లోకల్ గైడ్ : ఆంధ్రప్రదేశ్ ప్రభుత్వం సామాన్య ప్రజల కోసం మరో సదుపాయానికి శ్రీకారం చుట్టింది. రాష్ట్రవ్యాప్తంగా మరిన్ని అన్న క్యాంటీన్లను ప్రారంభించేందుకు నిర్ణయం తీసుకుంది. ఇప్పటికే ఉన్న 113 నియోజకవర్గాల్లో అన్న క్యాంటీన్లు పనిచేస్తుండగా, మిగిలిన 62 నియోజకవర్గాల్లో కూడా క్యాంటీన్లు ఏర్పాటు చేయనున్నట్టు ప్రభుత్వం ప్రకటించింది.

ఈ మేరకు కొత్తగా 70 అన్న క్యాంటీన్లు త్వరలో ప్రారంభమయ్యే అవకాశం ఉంది. వచ్చే జనవరి నాటికి అన్ని నియోజకవర్గాల్లో అన్న క్యాంటీన్ సేవలు అందుబాటులోకి రానున్నాయి.
లక్ష్యం: ప్రతి గర్లాభారికి హోటల్ భోజనం ధరకు ఓ అడ్డుకట్ట

ప్రతిరోజూ తక్కువ ధరకు శుభ్రంగా, నాణ్యంగా భోజనం అందించడమే ఈ క్యాంటీన్ల ప్రధాన ఉద్దేశం. కార్మికులు, చిన్న ఉద్యోగులు, పేదలు వంటి వర్గాలకు ఇది ఎంతో ఊరట కలిగించనుంది.
ప్రజలే లబ్ధిదారులు

అన్న క్యాంటీన్లు ప్రజల్లో విశ్వాసాన్ని సంపాదించాయి. ఇలాంటి నిర్ణయం ద్వారా రాష్ట్ర ప్రభుత్వం సామాజిక బాధ్యతకు ఒక గొప్ప ఉదాహరణనిచ్చినట్టయ్యింది. ప్రజలు అక్కర్లేని ఖర్చులు మానేసి, ఆరోగ్యకరమైన భోజనాన్ని తక్కువ ధరలో పొందగలగడం వల్ల ఇది ఆర్థికంగా, ఆరోగ్యపరంగా రెండు విధాలుగా ప్రయోజనకరంగా మారనుంది.

లోకల్ గైడ్ : రాష్ట్రాన్ని రక్తమోడుస్తున్న పాలనపై జగన్ ఆగ్రహం

రెడ్ బుక్, పొలిటికల్ గవర్నెన్స్ అన్నీ కలిసి ఆంధ్రప్రదేశ్‌ను రక్తమోడుస్తున్నాయంటూ మాజీ సీఎం, వైఎస్సార్సీపీ అధ్యక్షుడు వైఎస్ జగన్మోహన్ రెడ్డి ఆగ్రహం వ్యక్తం చేశారు. టిడిపి కూటమి ప్రభుత్వంలో దారుణాలు పెరిగిపోయాయని, రాష్ట్రంలో లా అండ్ ఆర్డర్ ఘోరంగా క్షీణించిందని మండిపడ్డారు.గుంటూరు జిల్లా మన్నవ గ్రామ దళిత సర్పంచ్ నాగమల్లేశ్వరరావుపై టిడిపి గూండాలు పట్టపగలే దాడి చేసి చంపే ప్రయత్నం చేయడం దారుణమని జగన్ అన్నారు. ఈ ఘటనపై శుక్రవారం ‘ఎక్స్’లో స్పందిస్తూ,

    “రాష్ట్రంలో లా అండ్ ఆర్డర్ పూర్తిగా క్షీణించింది. రెడ్ బుక్, పొలిటికల్ గవర్నెన్స్‌లతో రాష్ట్రం రక్తమోడుతోంది. వైఎస్సార్సీపీ నాయకులపై పథకం ప్రకారం తప్పుడు కేసులు, అరెస్టులు, దాడులు కొనసాగుతున్నాయి. దళిత సర్పంచ్‌పై చేసిన దాడి రాష్ట్రంలో మాఫియా పాలనను చూపుతోంది. చంద్రబాబు ప్రోత్సాహంతో ఇలాంటి దాడులు జరుగుతున్నాయి. ప్రజలకు రక్షణ లేకుండా మారింది. ఇలాంటి పరిస్థితుల్లో రాష్ట్రపతి పాలన పెట్టకూడదా?”అంటూ ప్రశ్నించారు.

నాగమల్లేశ్వరరావు ఆరోగ్య పరిస్థితి గురించి వైఎస్ జగన్ వ్యక్తిగతంగా ఆరా తీశారు. శుక్రవారం ఆయన కుటుంబంతో ఫోన్‌లో మాట్లాడి ధైర్యం చెప్పారు.స్థానిక ఎమ్మెల్యే ప్రోత్సాహంతోనే ఈ దాడి జరిగిందని, టిడిపి అధికారంలోకి వచ్చిన తర్వాత గ్రామంలో అక్రమాలకు అడ్డుగా ఉన్నాడని, అందుకే ఆయనపై దాడి చేశారని జగన్ ఆవేదన వ్యక్తం చేశారు.

“నాగమల్లేశ్వరరావు కుటుంబానికి ఎల్లప్పుడూ పార్టీ అండగా ఉంటుంది. ఆయన త్వరగా కోలుకోవాలి,”అని ఆకాంక్షించారు. సర్పంచ్ ఆరోగ్యంపై ఎప్పటికప్పుడు సమాచారం అందించాలంటూ అంబటి మురళీకి జగన్ ఆదేశించారు.

లోక‌ల్ గైడ్ : 

మాజీ సీఎం వైఎస్ జగన్ ఈ నెల 9న చిత్తూరు జిల్లా బంగారుపాలెకు రానున్నారని వైసీపీ నేత పెద్దిరెడ్డి రామచంద్రారెడ్డి తెలిపారు. అక్కడ మామిడి రైతులను పరామర్శించి, అనంతరం మార్కెట్ యార్డులో రైతులతో సమావేశమై మాట్లాడతారని చెప్పారు. ఈ నేపథ్యంలో రేపు జరగాల్సిన నెల్లూరు పర్యటనను జగన్ రద్దు చేసినట్టు పేర్కొన్నారు.

లోక‌ల్ గైడ్ :
ఆంధ్రప్రదేశ్‌ బీజేపీ రాష్ట్ర అధ్యక్షుడిగా పీవీఎన్‌ మాధవ్‌ పేరు ఖరారైనట్లు బీజేపీ అధిష్టానం సోమవారం ప్రకటించింది. ఈ నేపథ్యంలో, ఏపీ బీజేపీ శాఖ కార్యాలయంలో ఆయన నామినేషన్ వేశారు. అధ్యక్ష పదవికి ఒక్కరే నామినేషన్ దాఖలు చేయడంతో, మాధవ్‌ ఏకగ్రీవంగా ఎన్నికయ్యే అవకాశం ఉంది.ప్రస్తుతం మాధవ్‌ బీజేపీ రాష్ట్ర ప్రధాన కార్యదర్శిగా పనిచేస్తున్నారు. గతంలో ఆయన శాసన మండలిలో బీజేపీ ఫ్లోర్ లీడర్‌గా విధులు నిర్వర్తించారు. మాధవ్ తండ్రి చలపతిరావు బీజేపీ సీనియర్ నాయకుడు కాగా, ఆయన రెండు సార్లు ఎమ్మెల్సీగా పని చేశారు. ప్రస్తుతం బీజేపీ ఏపీ అధ్యక్షురాలిగా పార్లమెంట్ సభ్యురాలు దగ్గుబాటి పురందేశ్వరి కొనసాగుతున్నారు.

లోక‌ల్ గైడ్,కాకినాడ:  వైఎస్సార్ కాంగ్రెస్ పార్టీ నిజమైన ఉద్యమం చేయదని, జగన్‌కి ఉపయోగపడే కార్యక్రమాలే చేస్తుందని ఏపీ కాంగ్రెస్ అధ్యక్షురాలు వైఎస్ షర్మిల విమర్శించారు. కాకినాడలో ఆమె మీడియాతో మాట్లాడుతూ, “కాంగ్రెస్ ఒక మహాసముద్రం. పిల్లకాలువలన్నీ సముద్రంలో కలవాల్సిందే. పార్టీలో సీనియర్లు నిరుత్సాహంగా లేరు, వర్గపోరు లేదు. అందరం కలిసే పనిచేస్తున్నాం. ఏవైనా సమస్యలు ఉంటే వెంటనే పరిష్కరిస్తాం. పార్టీ బలోపేతం కోసమే జిల్లాల పర్యటనలు చేస్తున్నాం,” అని అన్నారు.అలాగే, “ప్రజల పక్షాన పోరాటాలు ముమ్మరం చేస్తాం. ఈ రాష్ట్రంలో భాజపాను ఎదిరించే శక్తి కాంగ్రెస్‌కి మాత్రమే ఉంది” అని షర్మిల స్పష్టం చేశారు.