ఖమ్మం జిల్లా పెనుబల్లి మండలంలోని వీ.ఎం. బంజర్ పంచాయతీ పరిధిలోని జంగాల కాలనీలో ఓ విచిత్ర ఘటన చోటుచేసుకుంది. గంగారాం (51) అనే వ్యక్తి తన భార్య లక్ష్మి చేతిలో తీవ్రంగా హింసకు గురయ్యాడు. స్థానికుల కథనం మేరకు, గంగారాం పూర్వం నుంచి మద్యానికి బానిసగా జీవిస్తున్నాడు. గత కొంతకాలంగా అతని మద్యపానం కారణంగా భార్యాభర్తల మధ్య తరచూ గొడవలు జరిగేవి.

సెప్టెంబరు నెలలో చోటుచేసుకున్న ఈ ఘటనలో లక్ష్మి আচరణలో విచిత్రమైన మార్పులు కనిపించాయి. ఆమె చెబుతూనే ఉంది – "నాకు దెయ్యం పట్టింది.. అది నన్ను అలా చేయించింది." బాధితుడు గంగారాం తెలిపిన వివరాల ప్రకారం, ఒక రోజు రాత్రి అనూహ్యంగా ఆమె నోట్లో గుడ్డలు కుక్కుకుని, కేకలు వేస్తూ ఆయనపై దాడి చేసింది. తీవ్రంగా గాయపడిన గంగారాన్ని స్థానికులు ఆసుపత్రికి తరలించారు.

ఈ ఘటన పట్ల గ్రామస్తులు భయభ్రాంతులకు గురయ్యారు. కొందరు ఇది మానసిక అస్థిరత అని భావిస్తే, మరికొందరు దెయ్యం పట్టిందన్న లక్ష్మి మాటలను నిజం అనుకుంటున్నారు. పోలీసులకు సమాచారం ఇవ్వడంతో వారు విచారణ ప్రారంభించారు. ప్రాథమికంగా ఇది కుటుంబ సమస్యల నేపథ్యంలో జరిగిన ఘటనగా భావిస్తున్నారు.

ఇటువంటి సంఘటనలు గ్రామీణ ప్రాంతాల్లో మూఢనమ్మకాలు ఇంకా ఎలా ప్రబలంగా ఉన్నాయన్న దానికి నిదర్శనం. ప్రజల్లో అవగాహన పెంచాల్సిన అవసరం ఉందని సామాజిక కార్యకర్తలు అభిప్రాయపడుతున్నారు.

 లోకల్ గైడ్ : ప్రపంచవ్యాప్తంగా యువతలో క్రేజ్ క్రియేట్ చేసిన DJ & మ్యూజిక్ ప్రొడ్యూసర్ మార్ష్‌మెల్లో, 2015లో విడుదల చేసిన తన హిట్ సాంగ్ ‘Alone’ ద్వారా సంగీత ప్రియుల మనసులు గెలుచుకున్నాడు. ఈ పాటతో పాటు అతని గుర్తింపుగా మారిన పెద్ద మార్ష్‌మెల్లో ఆకారంలో ఉన్న తెల్ల హెల్మెట్‌ (మాస్క్) కూడా ప్రత్యేక ఆకర్షణగా మారింది. ఆ మాస్క్ వెనుక ఉన్న అసలు అర్ధం ఏమిటన్న ప్రశ్నకు సమాధానం కూడా ఈ ‘Alone’ మ్యూజిక్ వీడియోలోనే దాగి ఉందని అభిమానులు గుర్తించారు.

వీడియోలో మార్ష్‌మెల్లో స్కూల్లో భిన్నంగా ఉండే వ్యక్తిగా చూపించబడతాడు. అతని స్టైల్, ప్రవర్తన వేరుగా ఉండటంతో సహచరులు అతన్ని తప్పుగా అర్ధం చేసుకొని, వేధింపులకు గురి చేస్తారు. కానీ, అతను తన గది లో ఒంటరిగా సంగీతం సృష్టిస్తూ, తన భావాలను బీట్‌ల రూపంలో వెలిబుచ్చుతాడు. ఒక రోజు అతని సంగీతం పాఠశాలలో వినిపించగానే, అందరి దృష్టి అతని వైపు తిరుగుతుంది. అతని ట్యూన్‌లో ఉన్న ఎనర్జీ, పాజిటివ్ వైబ్స్ అందరినీ ఆకట్టుకుంటాయి. ఆ తర్వాత అతన్ని వేధించిన వారే కూడా అతనితో కలసి ఆ మాస్క్ ధరించటం ప్రారంభిస్తారు.

మార్ష్‌మెల్లో మాటల్లో — ఈ మాస్క్ అనేది దాచుకోవడానికి కాదు, అనుబంధాన్ని పెంచడానికి ఒక ప్రతీక. ఎవరు ఆ మాస్క్ ధరించినా వారు కూడా “మార్ష్‌మెల్లో” అవుతారు. ఇది వ్యక్తిగత గుర్తింపును మించి, అందరినీ ఒకే భావనలో కలిపే సింబల్. భిన్నంగా ఉండటం ఒక బలమని, మన ప్రత్యేకతనే మన శక్తిగా మార్చుకోవచ్చని ఆయన ఈ కథ ద్వారా చెబుతున్నాడు.

‘Alone’ వీడియో కేవలం ఒక మ్యూజిక్ వీడియో మాత్రమే కాదు, ఇది ఒక స్ఫూర్తిదాయకమైన మెసేజ్ — మన భిన్నత మన బలమని, మన టాలెంట్ ఇతరుల మనసులను తాకగలదని గుర్తుచేసే కళాఖండం. ఈ కారణంగానే మార్ష్‌మెల్లో మాస్క్, మ్యూజిక్ ప్రపంచంలో ఐకానిక్ సింబల్‌గా నిలిచిపోయింది.

వైరల్ వీడియోలు ఇప్పటికే ఎంతో చూశాం కానీ ఈసారి సోషల్ మీడియా నిజంగానే షాక్‌లో పడింది. స్వీట్ లేదా నమకీన్ కోసం మొదలైన చిన్న గొడవ, భయంకరమైన హింసలోకి మారింది. ఒక మహిళ, తాను కోపంగా ఉండగా, తన భర్తను కత్తితో గాయపరచుతున్న వీడియో ఇంటర్నెట్‌లో తెగ వైరల్ అవుతోంది.

ఏం జరిగింది?

‘Ghar Ke Kalesh’ అనే పేజీ ఈ వీడియోను X (ట్విట్టర్) లో షేర్ చేసింది. ఆ క్లిప్‌లో, భార్య తన భర్తను కత్తితో గాయపరుస్తూ కనిపిస్తోంది. వారి చిన్న కుమార్తె ఆమెను ఆపడానికి ఏడుస్తూ ప్రయత్నిస్తుంది. ఈ దృశ్యం చూసినవారంతా షాక్‌కు గురయ్యారు. ఒక నమకీన్ ప్యాకెట్ విషయంలో ఇంత దారుణంగా జరుగుతుందా అని ఆశ్చర్యపడ్డారు.

ఎందుకు ఇంత ధైర్యంగా చేస్తోంది?

వీడియోలో భార్య చాలా శాంతంగా, నిర్భయంగా భర్తను కత్తితో గాయపరుస్తూ కనిపిస్తుంది. న్యాయ నిపుణులు చెబుతున్నది ఏమిటంటే – మహిళలకు ఉన్న చట్టపరమైన రక్షణ కారణంగానే ఆమెకు ఇంత ధైర్యం వచ్చి ఉండవచ్చని. కొందరు కామెంటర్లు ఈమెకు కెమెరా రికార్డు చేస్తున్న విషయం తెలుసునని, అయినా కూడా ఏమాత్రం భయపడకపోవడం ఆశ్చర్యం అంటున్నారు. ఆమె తన కుమార్తెను కూడా పట్టించుకోకపోవడం చూసి చాలా మంది ఆందోళన వ్యక్తం చేస్తున్నారు.

సోషల్ మీడియా రియాక్షన్స్

ఈ వీడియోపై నెటిజన్లు విస్తృతంగా స్పందించారు:

• “ఇవ్వాళ్ళు పెళ్లిపై నమ్మకం పోతుంది,” అని ఒకరు కామెంట్ చేశారు.

• “అలాంటి auraton నుండి దేవుడే రక్షించాలి,” అని మరొకరు కోపంగా రాశారు.

• “Tf! Snacks marriage కన్నా importantా??” అంటూ ఒకరు షాక్‌కి గురై ప్రశ్నించారు.

• “ఇచ్చ దేశంలో ఏం జరుగుతోంది, ప్రతి రోజు ఒక కొత్త మగవాడిపై అత్యాచారం,” అని ఒకరు నిరాశతో కామెంట్ పెట్టారు.

• “ఇక్కడ ఎక్కువ బాధాకరం చిన్నారి. పిల్లు పుట్టించడం సులభం, కానీ మంచి తల్లిదండ్రులు కావడం కష్టం,” అంటూ మరొకరు పిల్లలపై వచ్చే మానసిక ప్రభావాన్ని గూర్చి చింతన వ్యక్తం చేశారు.

ముఖ్యంగా చెప్పాల్సింది ఏంటంటే…

ఇలాంటి సంఘటనలు ఇంటి భద్రత, కుటుంబ విలువలు, న్యాయ వ్యవస్థపై పెద్ద ప్రశ్నలు వేస్తున్నాయి. అలా ఒక్కసారిగా కోపం uncontrollable అవడం, కుటుంబాలను విడదీసేంతవరకు వెళ్లడం, ఇది భయంకరమే. ఇప్పుడు అందరూ కోరుకుంటున్నది ఒకటే – ఇలాంటి ఘటనలు మళ్లీ జరగకుండా చట్టపరంగా, సమాజపరంగా కఠిన చర్యలు తీసుకోవాలి.

నిజామాబాద్: (లోకల్ గైడ్) నిజామాబాద్ జిల్లా కేంద్రంలోని నాగారం బీడి వర్కర్స్ కాలనీలో చిరుత సంచారం స్థానికంగా కలకలం రేపింది. ఒకపక్క ఊర పండగ సంబరంగా జరుపుకుంటుంటే మరోపక్క చిరుత సంచారంతో ప్రజలు ఆందోళనకు గురయ్యారు..  నాగారం 300 క్వార్టర్స్ ప్రజలు సాయంత్రం 6.55 నిమిషాల ప్రాంతంలో చిరుత పులి కనబడటంతో భయందోళనకు గురయ్యారు. స్థానికంగా 300 క్వార్టర్స్ వద్ద వాటర్ ట్యాంక్ వద్ద కనబడంతో ప్రజలు నిజామాబాద్ నార్త్ రెంజ్ ఫారెస్ట్ ఆఫిసర్ సంజయ్ గౌడ్ కు సమాచారం ఇచ్చారు. చిరుత సంచారం వాస్తవమని అన్నారు. ఆటవి శాఖ సిబ్బందిని స్థానికంగా అనవాళ్లు సేకరిస్తున్నామని తెలిపారు. ప్రజలు అప్రమత్తంగా ఉండాలని వారు సూచించారు..

- బాధితులకు ప్రభుత్వం న్యాయం చేయాలని డిమాండ్

-గుడిసెవాసులను పరామర్శించిన సీపీఎం నాయకులు

శేరిలింగంపల్లి, (లోకల్ గైడ్ ప్రతినిధి):  బసవతారక నగర్ గుడిసెవాసులకు ఇండ్లు కట్టించి ఇవ్వాలని సిపిఎం రాష్ట్ర నాయకులు డిమాండ్ చేశారు. గచ్చిబౌలిలోని బసవతారక నగర్ గుడిసె వాసులను రాష్ట్ర కార్యదర్శి జాన్ వెస్లీ, రాష్ట్ర సీనియర్ నాయకులు డిజి నరసింహారావు, రంగారెడ్డి జిల్లా కార్యదర్శి పగడాల యాదయ్య, శేరిలింగంపల్లి జోన్ కార్యదర్శి చల్లా శోభన్, జిల్లా, మండల నాయకులు మంగళవారం పరామర్శించి వారి ఇబ్బందులను అడిగి తెలుసుకున్నారు. పేద ప్రజలను ఇబ్బందులు పెడితే పరిణామాలు తీవ్రంగా ఉంటాయని హెచ్చరించారు. గతంలో బీఆర్ఎస్ పెద్దలు గుడిసెవాసులను ఖాళీ చేయించే కుట్రలకు పాల్పడితే అప్పటి ప్రతిపక్ష నాయకుడైన ఇప్పటి సిఎం రేవంత్ రెడ్డి బసవతారక నగర్ ప్రజలకు ఇచ్చిన హామీని వెంటనే నెరవేర్చాలని ప్రభుత్వాన్ని డిమాండ్ చేశారు. పేద ప్రజలను మభ్యపెడుతూ డబ్బులకు లొంగని వ్యక్తులపై దౌర్జన్యానికి దిగుతున్నారని ఆవేదన వ్యక్తం చేశారు. నిజంగానే కోర్టులో ప్రైవేట్ వ్యక్తులకు అనుకూలంగా తీర్పు వచ్చినప్పటికీ నాలుగు దశాబ్దాలుగా నివసిస్తున్న ఇక్కడి పేదలను ఖాళీ చేయించే పద్ధతి ఇది కాదని తెలిపారు. ఇప్పటికైనా రాష్ట్ర ప్రభుత్వం కలగజేసుకొని బసవతారక్ నగర్ ప్రజలకు న్యాయం చేయాలని డిమాండ్ చేశారు. గుడిసెవాసులను పరామర్శించిన వారిలో రంగారెడ్డి జిల్లా కార్యదర్శివర్గ సభ్యుడు జగదీష్, సిపిఎం నాయకులు శోభన్, కృష్ణ, అతిక్, జార్జ్ కృప, అనిల్, శ్రీనివాస్, జంగయ్య, శివుడు, తదితరులు పాల్గొన్నారు.

లోక‌ల్ గైడ్:

విష్ణు మంచు డ్రీమ్ ప్రాజెక్ట్ ‘కన్నప్ప’కి మంచి రెస్పాన్స్ వస్తోన్న సంగతి తెలిసిందే. జూన్ 27న విడుదలైన ఈ చిత్రానికి ఆడియెన్స్ నుంచి మంచి ఆదరణ దక్కింది. డివోషనల్ బ్లాక్ బస్టర్‌గా ఈ చిత్రం ఇప్పటికీ సక్సెస్ ఫుల్‌గా రన్ అవుతోంది. ఈ క్రమంలో మంగళవారం నాడు విజయవాడలో ప్రఖ్యాత గజల్ గాయకుడు, సేవ్ టెంపుల్స్ భారత్ సంస్థ అధ్యక్షులు గజల్ శ్రీనివాస్ కన్నప్ప చిత్రాన్ని ప్రత్యేకంగా ప్రదర్శించారు. ఈ స్పెషల్ షోని డా.ఎం. మోహన్ బాబుతో పాటుగా నాగ సాధువులు, అఘోరాలు వీక్షించారు. అనంతరం..డా. ఎం. మోహన్ బాబు మాట్లాడుతూ .. ‘‘కన్నప్ప’ సినిమాను గొప్పగా ఆదరిస్తున్నారు. ప్రతీ చోటా కన్నప్పకి మంచి స్పందన వస్తోంది. విష్ణు నటనను అందరూ కొనియాడుతున్నారు. ఇక ఈ రోజు ఇలా విజయవాడలో సోదరుడు గజల్ శ్రీనివాస్ నేతృత్వంలో షోను నిర్వహించారు. నాగ సాధువులు, సాధువులు, యోగినిలు, అఘోరాలతో కలిసి మరోసారి సినిమాను వీక్షించడం ఆనందంగా ఉంది’ అని అన్నారు.గజల్ శ్రీనివాస్ మాట్లాడుతూ .. ‘‘కన్నప్ప’ను వెండితెరపైకి మళ్లీ తీసుకు రావడం ఓ గొప్ప నిర్ణయం. చిత్రం అద్భుతంగా ఉంది. విష్ణు నటన కన్నుల విందుగా అనిపించింది. కన్నప్ప జీవితాన్ని మరోసారి ఇంత అద్భుతంగా తీసిన నిర్మాత మోహన్ బాబు గారికి ధన్యవాదాలు. సినిమా ఆద్యంతం రోమాంచితంగా ఉంది. సంపూర్ణమైన భక్తి రస చిత్రంగా తీసిన చిత్రం అందరినీ ఆకట్టుకుంటోంది. అక్షయ్ కుమార్ గారు, ప్రభాస్ గారు, మోహన్ బాబు గారు, మోహన్ లాల్ గారు, శరత్ కుమార్, విష్ణు నటన అందరినీ కదిలించింది. ఈ రోజు నాగ సాధవులు, సాధువులు, మాతాజీలు, యోగినీలు ఎంతో మంది సినిమాను చూసి ఆనందిస్తున్నారు’ అని అన్నారు.

సినిమా సినిమాకు డిఫరెంట్‌ కథలను ఎంచుకుంటూ దూసుకెళ్తుతున్న కథానాయకుడు సుహాస్‌ తాజాగా నటిస్తున్న రొమాంటిక్‌ కామెడీ ఎంటర్‌టైనర్‌ 'ఓ భామ అయ్యో రామ'. మలయాళంలో జో అనే చిత్రంతో అందరి హృదయాలను దోచుకున్న  నటి మాళవిక మనోజ్ (జో ఫేమ్) ఈ చిత్రంతో తెలుగులో  కథానాయికగా పరిచయమవుతోంది.  రామ్ గోధల దర్శకుడు. వీ ఆర్ట్స్‌ బ్యానర్‌పై  హరీష్‌ నల్ల  ఈ చిత్రాన్ని నిర్మిస్తున్నారు. జూలై 11న చిత్రం ప్రపంచ వ్యాప్తంగా థియేట్రిలక్‌ రిలీజ్‌ కానుంది.  కాగా ఈ చిత్రం ప్రీరిలీజ్‌ వేడుక హైదరాబాద్‌లో ఘనంగా జరిగింది. ఈ వేడుకకు రాకింగ్‌ స్టార్‌ మంచు మనోజ్‌ ముఖ్య అతిథిగా హాజరయ్యారు. ఈ వేడుకలో మంచు మనోజ్‌ బిగ్‌ టికెట్‌ను ఆవిష్కరించారు. ఈ సందర్బంగా మంచు మనోజ్‌ మాట్లాడుతూ '' సుహాస్‌ నాకు సోదరుడు లాంటి వాడు. ఎప్పుడూ కలిసిన చిరునవ్వుతో పాజిటివ్‌గా ఉంటాడు. ఎటువంటి నేపథ్యం లేకుండా హీరోగా ఎదిగాడు. నేపో కిడ్స్‌ అయినా సినిమా పరిశ్రమలో కష్టపడాల్సిందే. కష్టపడితేనే విజయం. నేను ఈ విషయాన్ని ఓ నెపో కిడ్‌గా చెబుతున్నా. యూట్యూబ్‌ నుంచి హీరోగా ఎదిగిన సుహాస్‌ జర్నీ ఎంతో ఇన్‌స్పిరేషన్‌. తమిళంలో విజయ్‌సేతుపతిలా తెలుగులో సుహాస్‌ కూడా అలాంటి స్టారే.. అన్ని తరహా సినిమాలను చేస్తాడు. ఇండస్ట్రీలో సక్సెస్‌ కావడం కష్టమే. కాని కష్టపడితే సక్సెస్‌ సాధిస్తాం. ఈ సినిమా విజయం సాధించి నిర్మాతలకు, దర్శకుడికి బ్రేక్‌ నివ్వాలి. మంచి టీమ్‌తో రూపొందిన ఈ సినిమా బ్లాక్‌బస్టర్‌ హిట్‌ కావాలి' అన్నారు. హీరో సుహాస్‌ మాట్లాడుతూ ''ఈ సినిమా కోసం టీమ్‌ అంతా ఎంతో కష్టపడ్డారు. అందరూ ఈ సినిమా చూసిన తరువాత మాళవిక ప్రేమలో పడిపోతారు. అలీ, అనిత, పృథ్వీ  లాంటి సీనియర్ ఆర్టిస్ట్‌లతో నటించడం ఎంతో హ్యపీగా ఉంది. ప్రతి  అబ్బాయి సక్సెస్‌ఫుల్‌  లైఫ్‌లో తల్లి, భార్యలు ఇద్దరూ ఎంతో కీలకంగా ఉంటారు. ఈ పాత్రలకు సంబంధించిన ఎమోషన్స్‌ ఈ చిత్రంలో అందరి హృదయాలను హత్తుకుంటాయి. అందరి సపోర్ట్‌తో మంచి సినిమాలు చేస్తున్నారు. త్వరలో నా కెరీర్‌కు సంబంధించిన మరిన్ని బిగ్‌న్యూస్‌ తెలియజేస్తాను' అన్నారు. నిర్మాత హరీష్‌ నల్లా మాట్లాడుతూ ''  స్నేహితుడు ప్రదీప్‌ సహకారంతో  సుహాస్‌తో మా జర్నీ ప్రారంభమైంది. సుహాస్‌ కథ ఓకే చెప్పగానే సినిమా హిట్‌ అనుకున్నాను. మణికందన్‌ ఫోటోగ్రఫీ విజువల్స్‌ ఈ సినిమాలో ఎంతో రిచ్‌గా ఉంటాయి. బ్రహ్మా కడలి వేసిన సెట్స్‌  చూస్తుంటే నాకే ఆశ్చర్యమేసింది. ఇంత తక్కువ ఖర్చుతో ఇలాంటి సెట్స్‌ వేశాడా అనిపించింది. రథన్‌ సంగీతం ఈ సినిమాకు ఎంతో ప్లస్‌ అయ్యింది. ఈ సినిమాకు మాటీమ్‌ మల్టీటాస్క్‌లు చేశారు. దర్శకుడు మంచి టీమ్‌ను సెట్‌ చేసుకున్నాడు. అందువల్లే ఈ రోజు మంచి అవుట్‌పుట్‌ వచ్చింది. రామ్‌కు దర్శకుడిగా మంచి భవిష్యత్‌ ఉంటుంది. సినిమా చూశాను. కొత్త దర్శకుడిలా కాకుండా ఎంతో అనుభవం ఉన్న దర్శకుడిలా చేశాడు.ఈ చిత్రంలో సుహాస్‌ పర్‌ఫార్మెన్స్‌ మరో రేంజ్‌లో ఉంటుంది' అన్నారు. 

లోక‌ల్ గైడ్: ఉప్పు లేకుండా ఏ వంటకం పూర్తి కాదు. కూరల్లో కొంచెం తక్కువైనా వంటవాడు కామెంట్లకు లోనవుతాడు. కానీ, మనం అవసరమైన దానికంటే ఎక్కువగానే ఉప్పు తింటున్నామని ప్రపంచ ఆరోగ్య సంస్థ (WHO) చెబుతోంది.

 ప్రతి రోజూ ఎంత ఉప్పు సరిపోతుంది?
WHO ప్రకారం, ఒక వ్యక్తి రోజుకు 5 గ్రాములు (ఒక టీస్పూన్) ఉప్పు తినాలి. ఇందులో సుమారు 2 గ్రాముల సోడియం ఉంటుంది.
అమెరికన్ హార్ట్ అసోసియేషన్ ప్రకారం, రోజుకు 1.5 గ్రాముల సోడియం అవసరం. అంతకంటే ఎక్కువైతే హై బీపీ, గుండెజబ్బులు, కిడ్నీ సమస్యలు వచ్చే అవకాశం ఉంటుంది.

 మన దేశంలో పరిస్థితి?
సర్వేలు చెబుతున్నట్లు, ప్రపంచవ్యాప్తంగా ఒక వ్యక్తి రోజుకు 9–12 గ్రాములు ఉప్పు తీసుకుంటున్నాడు. భారత్‌లో సగటున 10.9 గ్రాములు. చైనాలో 11 గ్రాములు, అమెరికాలో 8.5 గ్రాములు. అంటే WHO సూచన కన్నా రెట్టింపు.

 ఎందుకు ప్రమాదం?
ఉప్పు మోతాదు ఎక్కువైతే,

    హై బీపీ

    గుండె పోటు

    కిడ్నీ రోగాలు

    జీర్ణాశయ క్యాన్సర్

    ఆస్టియోపోరోసిస్ వచ్చే ప్రమాదం ఉంది.

2021లో న్యూ ఇంగ్లండ్ జర్నల్ ఆఫ్ మెడిసిన్‌లో వెలువడిన అధ్యయనం ప్రకారం, రోజూ 1 గ్రాము ఎక్కువ సోడియం తీసుకున్నా, గుండె జబ్బుల వల్ల మరణాల రిస్క్ పెరుగుతుంది. 2030 నాటికి 90 లక్షల మంది గుండెపోటుకు గురయ్యే అవకాశం ఉందని పరిశోధకులు హెచ్చరిస్తున్నారు.
 ఎ foods తగ్గించాలి?
ఉప్పు ఎక్కువగా ఉండే పదార్థాలు:
ఊరగాయలు
 అప్పడాలు
 చట్నీలు
 ప్యాక్డ్ foods (చిప్స్, బిస్కెట్లు, బ్రెడ్)
 రెస్టారెంట్ మీల్స్
 బటర్, చీజ్

ఈ foods తక్కువ చేయడం వల్ల గుండెను, కిడ్నీని ఆరోగ్యంగా ఉంచుకోవచ్చు.

నల్లగొండ  ప్రతినిధి .లోకల్ గైడ్. ప్రభుత్వం మంజూరు చేసిన ఇందిరమ్మ ఇండ్ల నిర్మాణాల పనులను వేగవంతంగా పూర్తి చేయాలని యాదాద్రి భువనగిరి జిల్లా కలెక్టర్ హనుమంతరావు అన్నారు.మంగళవారం రోజు బీబీనగర్ మండలంలోని రుద్రవెల్లి,గ్రామం లో జరుగుతున్న ఇందిరమ్మ ఇండ్ల నిర్మాణ పనులను జిల్లా కలెక్టర్ పరిశీలించారు.ఈ సందర్భంగా జిల్లా  కలెక్టర్ మాట్లాడుతూ...పురోగతిలో ఉన్న ఇందిరమ్మ ఇండ్ల పనులు త్వరగా   పూర్తి చేయాలని లబ్ధిదారులతో మాట్లాడారు.ప్రభుత్వం ఇచ్చిన నిర్ణీత  సమయంలో లబ్ధిదారులు  ఇందిరమ్మ ఇండ్లు కట్టుకోవాలన్నారు.ఇండ్లకు సంబంధించిన మెటీరియల్ ను తెచ్చుకోవడానికి డబ్బులు లేకపోతే మహిళా సంఘాల ద్వారా లోన్ ఇప్పించి ఇండ్ల పనులు చేపట్టాలన్నారు.అనంతరం  ప్రభుత్వం జమ చేసిన తదుపరి తిరిగి చెల్లించవచ్చని సూచించారు.నాణ్యత ప్రమాణాలను పాటిస్తూ ఇళ్ల నిర్మాణం పూర్తి చేయాలన్నారు.ఎంత తొందరగా పూర్తి చేసుకుంటే ప్రతి సోమవారం మీ ఖాతాలో ఇందిరమ్మ ఇండ్ల డబ్బులు జమ చేస్తుందన్నారు.లబ్ధిదారులు ఇంటి పనులు శరవేగంగా పూర్తి చేసి గృహ ప్రవేశం చేపట్టాలన్నారు.కలెక్టర్  వెంట సంబంధిత అధికారులు ఉన్నారు.

నిజామాబాద్ జిల్లా ప్రతినిధి: (లోకల్ గైడ్) నిజామాబాద్  పోలీస్ హెడ్ క్వార్టర్స్ యందు మెగా వైద్య శిబిరంను పోలీస్ శాఖ ఆధ్వర్యంలో మల్లారెడ్డి, నారాయణ హాస్పిటల్స్ హైదరాబాద్ వారి సౌజన్యంతో ఈ కార్యక్రమం నిర్వహించారు.. ఈ కార్యక్రమానికి ముఖ్య అతిధులుగా నిజామాబాద్ పోలీస్ కమిషనర్ పి.సాయి చైతన్య జ్యోతి ప్రజ్వలన చేసి మెగా వైద్య శిబిరం ను ప్రారంభించారు.ఈ సందర్భంగా పోలీస్ కమీషనర్  మాట్లాడుతూ సిబ్బంది ఎల్లప్పుడు విధులు నిర్వహణలో ఉండటం వలన తమ ఆరోగ్యం పట్టించుకోకపోవడంతో ఎన్నో రకాల అనారోగ్యాలకు గురవుతున్నారని ఆవేదన వ్యక్తం చేశారు..ఆరోగ్యంపై అవగాహన ఎంతో ముఖ్యమని, సిబ్బంది యొక్క కుటుంబ సభ్యుల ఆరోగ్యం పట్ల అన్ని రకాల జాగ్రత్తలు తీసుకోవాలని అన్నారు.. ప్రస్తుత పరిస్థితులలో వ్యాధులు ఏంతో వేగంగా విస్తరిస్తున్నాయని, అట్టి వ్యాధుల భారీన పడకుండా ఉండేందుకు తగిన ఆరోగ్య సూచనలు పాటిస్తే ఎంతో మంచిదని మనం తీసుకునే అన్నిరకాల ఆహర పదార్థలలో కల్తీ చాలా జరుగుతుందన్నారు. కొన్ని వ్యాదులకు గతంలో వైద్యం అందుబాటులో ఉండేది కాదని ప్రస్తుత సమాజంలో ఎంతో అత్యాదునిక వైద్య సదుపాయాలు అందుబాటులో గలవని, ప్రత్యేకంగా ,ఆర్.బి.ఎస్, కంటి పరీక్ష, ఇ.సి.జి. 2డి ఈకో, క్యాన్సర్ స్క్రిన్నింగ్, బిపి, షుగర్, మొదలగు వైద్య పరీక్షల ద్వారా ఈ వ్యాధి గ్రస్తులను గుర్తించి వారికి ఇతర వైద్య పరీక్షలు నిర్వహిస్తారని అన్నారు.. మనకు అందించే అందుబాటులో గల ఆరోగ్య భద్రతను సద్వినియోగం చేసుకోవాలని అన్నారు.. ప్రతీ సంవత్సరం ఒక్కసారైన ఆరోగ్యం కోసం డాక్టర్ల ద్వారా పరీక్షలు చేయించుకోవాలని సూచించారు. మందులు వాడేదానికంటే ముందు జాగ్రతలు తీసుకోవడం మంచిదన్నారు.ఇలాంటి క్యాంప్ ల ఏర్పాటు చేయడం ఎంతో అభినందనీయమన్నారు.. ఈ క్యాంప్ మధ్యాహ్నం 3 గంటల వరకు నిర్వాహిస్తారని దీనిని  నిజామాబాద్, ఆర్మూర్, బోధన్ డివిజన్ పరిధిలోని అన్ని పోలీస్ స్టేషన్లలో గల సిబ్బంది,పోలీస్ కార్యలయం సిబ్బంది  పోలీస్ హెడ్ క్వార్టర్స్ సిబ్బంది హోమ్ గార్డ్సు మరియు వారి కుటుంబ సభ్యులు సద్వినియోగం చేసుకోవాలని తెలిపారు. ఈ కార్యాక్రమంలో అదనపు పోలీస్ కమిషనర్ ( అడ్మిన్) బస్వారెడ్డి, అదనపు పోలీస్ కమీషనర్ ( ఎ.ఆర్ ) రామ్ చందర్ రావు , నిజామాబాద్, బోధన్, ఆర్మూర్ ఎ.సి.పిలు రాజా వెంకట్ రెడ్డి పి. శ్రీనివాసులు, వెంకటేశ్వర్ రెడ్డి, రిజర్వు ఇన్స్పెక్టర్స్ శ్రీనివాస్ (అడ్మిన్ ), శేఖర్ బాబు ( ఎమ్.టి.ఓ ), తిరుపతి ( వెల్ఫేర్ ), సతీష్ (హోమ్ గార్డ్సు) పోలీస్ యూనిట్ మెడికల్ ఆఫీసర్  డాక్టర్ సరళ, మరియు డాక్టర్లు  సుధాకర్ రావ్ ( సీనియర్ కార్డియాక్ సర్జన్ ) చంద్ర మోహన్ ( కార్డియాలాజిస్ట్ ) ,  వంశీ ( జనరల్ ఫిజీసియిన్ ) , అఫ్రిన్ ( గైనకొలేజిస్ట్) , నిఖిత (అన్ కలజీస్ట్ ) , షాహాభాజ్ హైమద్ ( ఆర్థో పెడిక్ ),  జిల్లా పోలీస్ అసోసియేషన్ అధ్యక్షులు షకీల్ పాషా పాల్గొన్నారు.

లోక‌ల్ గైడ్

ప్రకృతిలో మనకు అందుబాటులో ఉన్న దుంపల్లో కందకి (పులగంద) ప్రత్యేక స్థానం ఉంది. ఎలిఫెంట్ ఫుట్ లేదా ఎలిఫెంట్ యామ్గా ఇంగ్లిష్‌లో పిలుస్తారు. దీని ద్వారా కంద పులుసు, వేపుడు, టమాటా కూర వంటి రుచికరమైన వంటకాలు తయారు చేస్తారు. కానీ వాడే ముందు దీన్ని బాగా కడిగి, పొట్టు తొలగించాలి. కందను ఆహారంలో భాగం చేసుకుంటే అనేక ఆరోగ్య ప్రయోజనాలు లభిస్తాయి.

 జీర్ణవ్యవస్థకు మేలు

100 గ్రాముల ఉడికించిన కందలో:

• తక్కువ క్యాలరీలు ఉంటాయి

• సంక్లిష్ట పిండి పదార్థాలు, ఫైబర్, ప్రోటీన్, విటమిన్స్ (B1, B2, B3, B6, B9, C)

• పొటాషియం, మెగ్నీషియం, ఫాస్ఫరస్, ఐరన్, జింక్, కాపర్, మాంగనీస్

• ఫ్లేవనాయిడ్స్, ఒమేగా-3 ఫ్యాటీ యాసిడ్లు ఉంటాయి

కందలోని ఫైబర్ జీర్ణక్రియను మెరుగుపరచి, మలబద్ధకం సమస్యను తగ్గిస్తుంది. ఇది ప్రీబయోటిక్ ఆహారం కాబట్టి జీర్ణవ్యవస్థలో మంచి బ్యాక్టీరియా వృద్ధి చెందుతుంది. అజీర్ణం, గ్యాస్ సమస్యలు తగ్గుతాయి. పైల్స్ ఉన్నవారికి, పేగుల్లో అల్సర్లు ఉన్నవారికి కూడా కంద మంచిది.

 షుగర్, కొలెస్ట్రాల్ కంట్రోల్

కందలో గ్లైసేమిక్ ఇండెక్స్ తక్కువగా ఉంటుంది, దీన్ని తిన్నా బ్లడ్ షుగర్ లెవెల్స్ పెరగవు. ఇందులో ఉండే ఆల్లాంటోయిన్ సమ్మేళనం ఇన్సులిన్ ప్రభావాన్ని పెంచి డయాబెటిస్‌ను కంట్రోల్‌లో ఉంచుతుంది. అలాగే:

• అధిక ఫైబర్ వల్ల చెడు కొలెస్ట్రాల్ తగ్గి, మంచి కొలెస్ట్రాల్ పెరుగుతుంది

• ఒమేగా-3 ఫ్యాటీ యాసిడ్లు గుండెను కాపాడతాయి

• రక్తప్రసరణ మెరుగై, బీపీ తగ్గుతుంది

 బరువు తగ్గడానికి ఉపయోగం

కందలో క్యాలరీలు తక్కువ, ఫైబర్ అధికం. కాబట్టి తిన్న తర్వాత ఎక్కువ సేపు ఆకలి వేయదు. ఇది:

• తక్కువగా తినడానికి సహాయం చేస్తుంది

• బరువు తగ్గాలనుకునే వారికి బాగా ఉపయోగపడుతుంది

 నొప్పులు, వాపుల నివారణ

కందలో ఫ్లేవనాయిడ్స్, యాంటీ ఇన్‌ఫ్లామేటరీ సమ్మేళనాలు ఎక్కువగా ఉంటాయి. ఇవి శరీరంలోని వాపులు, నొప్పులు తగ్గిస్తాయి. ఆర్థరైటిస్ బాధితులు కందను తరచూ తీసుకుంటే ఉపశమనం లభిస్తుంది.

 ఆరోగ్య రక్షణ

కందలో విటమిన్ C, బీటా కెరోటిన్, ఫినోలిక్ సమ్మేళనాలు, యాంటీ ఆక్సిడెంట్లు ఎక్కువగా ఉంటాయి. ఇవి:

• ఫ్రీ రాడికల్స్‌ను నిర్మూలించి క్యాన్సర్, గుండె జబ్బులను నివారిస్తాయి

• రోగనిరోధక శక్తిని పెంచుతాయి

పెరుగుతున్న ఆరోగ్య సమస్యల్లో కందను ఆహారంలో భాగం చేసుకుంటే జీర్ణక్రియ మెరుగుపడి, బరువు తగ్గి, డయాబెటిస్, గుండె జబ్బులు, వాపులు తగ్గి మొత్తం ఆరోగ్యానికి మేలు జరుగుతుంది.

లోక‌ల్ గైడ్:

మద్యం సేవించడం ఆరోగ్యానికి హానికరమని సాధారణంగా చెబుతుంటారు. విపరీతంగా మద్యం తాగితే నిజంగానే శరీరానికి నష్టం కలుగుతుంది. అయితే మితిమేరకు, ప్రత్యేకంగా రెడ్ వైన్ తాగితే మాత్రం కొన్ని ఆరోగ్య ప్రయోజనాలు లభిస్తాయని పరిశోధనలు వెల్లడిస్తున్నాయి.

 గుండెకు మేలు

రెడ్ వైన్‌లో యాంటీ ఆక్సిడెంట్లు అధికంగా ఉంటాయి. ముఖ్యంగా రెస్వెరెట్రాల్‌, ఆంథోసయనిన్స్‌, కాటెకిన్స్‌, ప్రోఆంథోసయనైడిన్స్ వంటి సమ్మేళనాలు ఫ్రీ ర్యాడికల్స్‌ను నిర్మూలించి ఆక్సీకరణ ఒత్తిడిని తగ్గిస్తాయి. ఫలితంగా:

• కణాలు ఆరోగ్యంగా ఉండి, చర్మానికి కాంతి వస్తుంది

• మొటిమలు, మచ్చలు తగ్గి, యువతను నిలుపుతుంది

• రక్తనాళాల నష్టం తగ్గి, కోలెస్ట్రాల్ లెవెల్స్ నియంత్రణలో ఉంటాయి

• రక్తనాళాల్లో క్లాట్స్ కరిగి, వాపులు తక్కువవుతాయి

• బీపీ కంట్రోల్ అవుతుంది, హార్ట్ ఎటాక్ రిస్క్ తగ్గుతుంది

 టైప్ 2 డయాబెటిస్‌కు మేలు

పరిశోధనల ప్రకారం, రెడ్ వైన్ తాగడం వల్ల శరీరం ఇన్సులిన్‌ను సమర్థవంతంగా ఉపయోగిస్తుంది. దీని వల్ల:

• బ్లడ్ షుగర్ లెవెల్స్ తగ్గుతాయి

• టైప్ 2 డయాబెటిస్ ఉన్నవారికి ప్రయోజనం

• రెస్వెరెట్రాల్ అనే సమ్మేళనం క్యాన్సర్ కణాలను నాశనం చేస్తుంది, ముఖ్యంగా ప్రోస్టేట్, బ్రెస్ట్, కోలన్ క్యాన్సర్లను నివారించవచ్చని సైంటిస్టులు చెబుతున్నారు

మెదడుకు లాభాలు

రెడ్ వైన్‌లో ఉండే యాంటీ ఆక్సిడెంట్లు, యాంటీ ఇన్‌ఫ్లామేటరీ గుణాలు:

• మెదడు కణాలను రక్షిస్తాయి

• రక్తప్రసరణ మెరుగుపడి జ్ఞాపకశక్తి, ఏకాగ్రత పెరుగుతుంది

• మతిమరుపు సమస్యలు తగ్గుతాయి

• పాలిఫినాల్స్ ప్రీబయోటిక్‌లా పని చేసి జీర్ణవ్యవస్థలో మంచి బ్యాక్టీరియా పెరుగుదలకు దోహదపడతాయి

ఎంత మోతాదులో తాగాలి?

పరిశోధకుల సూచన ప్రకారం:

• వారానికి రెండు సార్లు, ఒక్కోసారి 150 ml మించకుండా తాగాలి

• మితిమీరితే నెగటివ్ ఎఫెక్ట్స్ ఉంటాయని హెచ్చరిస్తున్నారు