లోకల్ గైడ్ :ఈ విచారణలో భాగంగా, ఆయన ఆన్‌లైన్ బెట్టింగ్ యాప్స్ ప్రమోషన్‌లో ఎందుకు పాల్గొన్నారు, అందుకు సంబంధించిన ఆర్థిక లావాదేవీలు ఎలా జరిగాయి అనే అంశాలపై ఈడీ అధికారులు సవివరంగా ప్రశ్నించనున్నారు.

తెలుసుకున్న వివరాల ప్రకారం, ఈడీ అధికారులు ఇటీవల ఆన్‌లైన్ బెట్టింగ్ యాప్స్, వాటి ద్వారా జరుగుతున్న డబ్బు లావాదేవీలు, మనీ లాండరింగ్, మరియు విదేశీ ఖాతాలకు నిధుల బదిలీ వంటి అంశాలపై పెద్ద ఎత్తున దర్యాప్తు చేస్తున్నారు. ఈ దర్యాప్తులో భాగంగా, పలు సినీ ప్రముఖులు కూడా విచారణకు పిలవబడ్డారు. గతంలో ప్రముఖ నటులు ప్రకాశ్ రాజ్, విజయ్ దేవరకొండ ఈడీ విచారణకు హాజరై, తమ స్టేట్మెంట్స్ ఇచ్చారు.

రానా దగ్గుబాటి విషయంలో, ఆయన ప్రచారం చేసిన యాప్‌లు చట్టబద్ధమైనవేనా, వాటి వెనుక ఉన్న సంస్థలు ఎవరికి చెందుతాయి, ఆయనకు ఇచ్చిన పారితోషికం ఎక్కడి నుండి వచ్చిందనే వివరాలను అధికారులు తెలుసుకోనున్నారు. ముఖ్యంగా, ఈ డబ్బు చట్టబద్ధ మార్గాల్లో వచ్చిందా లేదా అనేది ఈడీ విచారణలో కీలక అంశంగా ఉంది.

అలాగే, ఈ నెల 13న నటి మంచు లక్ష్మి ఈడీ ముందు హాజరుకానున్నారు. ఆమె కూడా ఈ బెట్టింగ్ యాప్‌ల ప్రచారంలో పాల్గొన్నారని ఆరోపణలు ఉన్నాయి. ఈ కేసులో మరికొందరు ప్రముఖులు కూడా విచారణకు పిలవబడే అవకాశం ఉందని సమాచారం.

ఈడీ ఇప్పటికే పలు బెట్టింగ్ యాప్‌ల యజమానులు, మేనేజింగ్ డైరెక్టర్లు, మరియు ప్రమోటర్లను విచారించింది. ఈ కేసు వెనుక ఉన్న ఆర్థిక వ్యవహారాలు, మనీ లాండరింగ్ నెట్వర్క్‌ను బహిర్గతం చేయడానికి ప్రయత్నిస్తోంది. దర్యాప్తు పూర్తయ్యే వరకు ఈ వ్యవహారం సినీ రంగంలో, అలాగే ప్రజల్లోనూ చర్చనీయాంశంగా కొనసాగే అవకా

శం ఉంది.

భారత సినీ పరిశ్రమలో విజువల్ వండర్‌లతో కొత్త మైలురాళ్లు సృష్టించిన దర్శకధీరుడు ఎస్‌.ఎస్‌. రాజమౌళి కెరీర్‌లో 12 చిత్రాలు బాక్సాఫీస్‌ను కుదిపేశాయి. వీటి బడ్జెట్‌, కలెక్షన్ల వివరాలు ఇలా ఉన్నాయి.

స్టూడెంట్ నంబర్ 1 (2001) – బడ్జెట్‌ ₹2.5 కోట్లు, కలెక్షన్లు ₹10 కోట్లు. సూపర్ హిట్.

సింహాద్రి (2003) – బడ్జెట్‌ ₹12 కోట్లు, కలెక్షన్లు ₹50 కోట్లు. ఆల్‌టైమ్ బ్లాక్‌బస్టర్.

సై (2004) – బడ్జెట్‌ ₹15 కోట్లు, కలెక్షన్లు ₹30 కోట్లు. సూపర్ హిట్.

ఛత్రపతి (2005) – బడ్జెట్‌ ₹15 కోట్లు, కలెక్షన్లు ₹30 కోట్లు. సూపర్ హిట్.

విక్రమార్కుడు (2006) – బడ్జెట్‌ ₹14 కోట్లు, కలెక్షన్లు ₹50 కోట్లు. బ్లాక్‌బస్టర్.

యమదొంగ (2007) – బడ్జెట్‌ ₹30 కోట్లు, కలెక్షన్లు ₹45 కోట్లు. సూపర్ హిట్.

మగధీర (2009) – బడ్జెట్‌ ₹35 కోట్లు, కలెక్షన్లు ₹150 కోట్లు. ఇండస్ట్రీ హిట్.

మర్యాద రామన్న (2010) – బడ్జెట్‌ ₹12 కోట్లు, కలెక్షన్లు ₹57 కోట్లు. సూపర్ హిట్.

ఈగ (2012) – బడ్జెట్‌ ₹30 కోట్లు, కలెక్షన్లు ₹130 కోట్లు. బ్లాక్‌బస్టర్ హిట్.

బాహుబలి: ది బిగినింగ్ (2015) – బడ్జెట్‌ ₹180 కోట్లు, కలెక్షన్లు ₹650 కోట్లు. ఆల్‌టైమ్ బ్లాక్‌బస్టర్.

బాహుబలి: ది కన్‌క్లూజన్ (2017) – బడ్జెట్‌ ₹250 కోట్లు, కలెక్షన్లు ₹1800 కోట్లకు పైగా. ఇండియా ఇండస్ట్రీ హిట్.

ఆర్‌ఆర్‌ఆర్‌ (2022) – బడ్జెట్‌ ₹550 కోట్లు, కలెక్షన్లు ₹1200 కోట్లకు పైగా. బ్లాక్‌బస్టర్.

అంతేకాదు, ఆయన తదుపరి చిత్రం SSMB29 దాదాపు ₹1000 కోట్ల భారీ బడ్జెట్‌తో రూపొందనుందని సమాచారం.

బాలు నాయుడు,ఆశా సుదర్శన్ జంటగా నటించిన సస్పెన్స్ అండ్ మైథలాజికల్ థ్రిల్లర్ మూవీ 'అరణ్య ధార'.కొత్త కంటెంట్ ను ఆదరించేందుకు తెలుగు ప్రేక్షకులు ఎప్పుడూ సిద్దంగానే ఉంటారు. అందులోనూ మైథలాజికల్ టచ్ ఉన్న సినిమాలని ఇప్పుడు ప్రేక్షకులు బాగా ఆదరిస్తున్నారు. ఆ నమ్మకంతో 'సిల్వర్ స్క్రీన్ షాట్స్' బ్యానర్ పై నిర్మాత బాలు నాయుడు అండ్ టీం 'అరణ్య ధార'ని రూపొందించారు. దర్శక ద్వయం శివ పచ్చ, బాలు నాయుడు ఈ చిత్రాన్ని తెరకెక్కించారు. కచ్చితంగా అన్ని వర్గాల ప్రేక్షకులను మెప్పించే విధంగా ఈ చిత్రాన్ని తీర్చిదిద్దినట్టు వెల్లడించారు మేకర్స్. తాజాగా 'అరణ్య ధార' నుండి ఫస్ట్ సింగిల్ గా 'యుగానికే ప్రయాణమే' అనే పాటను ప్రముఖ సంగీత దర్శకుడు, సింగర్ అయినటువంటి రఘు కుంచె చేతుల మీదుగా లాంచ్ చేశారు. రవి నిడమర్తి సంగీతంలో రూపొందిన ఈ పాటని అమన్ సిద్ధికి ఆలపించగా బాలు నాయుడు సాహిత్యం సమకూర్చడం మరో విశేషంగా చెప్పుకోవాలి. 

సాంగ్ లాంచ్ అనంతరం రఘు కుంచె మాట్లాడుతూ.. "ఇప్పుడే 'అరణ్య ధార' నుండి 'యుగానికే' అనే సాంగ్ లాంచ్ చేయడం జరిగింది. ఈ పాటలో నేచర్ ని బాగా చూపించారు.అలాగే బాగా షూట్ చేశారు కూడా. వింటున్నప్పుడు చాలా హార్ట్ టచింగ్ గా అనిపించింది. ఇందులో హీరో ఒక ఫోటోగ్రాఫర్.ఈ సినిమా మంచి ప్రేక్షకాదరణ పొందాలని మనస్ఫూర్తిగా కోరుకుంటూ.. చిత్ర బృందానికి ఆల్ ది బెస్ట్ చెబుతున్నాను" అంటూ తెలిపారు. 

నటీనటులు, సాంకేతిక నిపుణులు :

బాలు నాయుడు,ఆశ సుదర్శన్, రేవతి నాధ, వెంకట్ పసుపులేటి, నాయకంటి స్వేతాంజలి, ప్రసాద్ పూసల,సంజయ్ సముద్రాల, జంజుర్ నిఖిల్ తదితరులు  

దర్శకత్వం : శివ పచ్చ, బాలు నాయుడు 

నిర్మాత : బాలు నాయుడు 

నిర్మాణ సంస్థ : సిల్వర్ స్క్రీన్ షాట్స్ 

సంగీతం : రవి నిడమర్తి 

సినిమాటోగ్రఫీ : చైతన్య దామెర్ల 

పీఆర్ఓ : ఫణి కుమార్ పులపర్తి

*

రాన్నా, ప్రియాంక ఆచార్, జగపతి బాబు ప్రధాన పాత్రల్లో తరుణ్ కిషోర్ సుధీర్ నిర్మాణంలో పునీత్ రంగస్వామి తెరకెక్కించిన చిత్రం ‘ఏలుమలై’. నరసింహా నాయక్ (రాజు గౌడ) సమర్పణలో తరుణ్ సుధీర్ క్రియేటివ్స్, డీఈ ఆర్ట్ స్టూడియోస్ బ్యానర్లపై యథార్థ సంఘటనల ఆధారంగా ఈ చిత్రాన్ని నిర్మించారు. ఇప్పటి వరకు ‘ఏలుమలై’ నుంచి వచ్చిన టైటిల్ టీజర్, పోస్టర్ ఇలా అన్నీ కూడా సినిమాపై అంచనాలు పెంచేశాయి. తాజాగా ఈ చిత్రం నుంచి ఓ మెలోడీ సాంగ్‌ను రిలీజ్ చేశారు.

సిధ్ శ్రీరామ్ ఆలపించిన ‘రా చిలకా’ అనే పాట శ్రోతల్ని ఆకట్టుకునేలా ఉంది. రామజోగయ్య శాస్త్రి రాసిన ఈ పాటకు డి. ఇమ్మాన్ బాణీ ఎంతో వినసొంపుగా ఉంది. ఈ పాటలో చూపించిన లొకేషన్స్, హీరో హీరోయిన్ల కెమిస్ట్రీ చూస్తుంటే ఈ చిత్రంలో అందమైన ప్రేమ కథ దాగి ఉందని అర్థం అవుతోంది. ప్రస్తుతం ఈ ‘రా చిలకా’ లిరికల్ వీడియో యూట్యూబ్‌లో అందరినీ మెప్పించేలా ఉంది. 

కర్ణాటక-తమిళనాడు సరిహద్దులోని చామరాజనగర్, సేలం, ఈరోడ్ వంటి వివిధ ప్రదేశాలలో ఈ మూవీని చిత్రీకరించారు. ఈ చిత్రం తమిళం, తెలుగు, కన్నడ భాషలలో ఏకకాలంలో విడుదల కానుంది. త్వరలోనే ఈ చిత్రానికి సంబంధించిన రిలీజ్ డేట్‌ను ప్రకటించనున్నారు.

నటీనటులు : రాన్నా, ప్రియాంక ఆచార్, జగపతి బాబు, నాగభరణ, కిషోర్ కుమార్, సర్దార్ సత్య, జగప్ప తదితరులు నటించారు.

సాంకేతిక బృందం

బ్యానర్ : తరుణ్ సుధీర్ క్రియేటివ్స్, డీఈ ఆర్ట్ స్టూడియోస్

నిర్మాత : తరుణ్ సుధీర్

సహ నిర్మాత : అట్లాంట నాగేంద్ర

దర్శకుడు : పునీత్ రంగస్వామి

సినిమాటోగ్రఫీ: అద్వైత గురుమూర్తి

ఎడిటింగ్: కె.ఎం. ప్రకాష్

డైలాగ్స్: నాగార్జున శర్మ, పునీత్ రంగస్వామి

సంగీతం: డి. ఇమ్మాన్

పీఆర్వో : సాయి సతీష్

హైదరాబాద్‌లో ఉన్న అత్యంత విలాసవంతమైన అనుభవానికి.. వినోదానికి మరో చిరునామా చేరింది... అదే యూకే సినీ ప్లెక్స్‌. హైదరాబాద్‌లోని నాచారంలో అత్యంత ప్రతిషాత్మకంగా నిర్మించిన ఈ యూకే సినీ ప్లెక్స్‌ను బుధవారం ప్రముఖ నిర్మాతలు దిల్‌రాజు, సునీల్‌ నారంగ్‌, భరత్‌ నారంగ్‌, శాసనసభ్యులు బండారి లక్ష్మారెడ్డి చేతుల మీదుగా ప్రారంభమైంది. ఈసందర్భంగా నిర్మాత దిల్‌ రాజు మాట్లాడుతూ యూకే సినీప్లెక్స్‌ మల్టీప్లెక్స్‌ థియేటర్‌ ఎంతో ఉన్నతంగా ఉంది. సౌండ్‌ సిస్టమ్‌, స్క్రీన్‌, సీట్లు ఎంతో బాగున్నాయి. ఉప్పల్‌, హబ్సిగూడ, నాచారంలో ఉండేవారికి ఈ మల్టీప్లెక్స్‌ వినోదాన్ని పంచడంలో సరికొత్త ఎక్స్‌ పీరియన్ష్‌ ఇస్తుందనటంలో ఎటువంటి సందేహం లేదు. అన్నారు. ఈ ప్రారంభోత్సవ వేడుకలో శ్రీమతి పృతికా ఉదయ్ , శ్రీ రుషిల్ ఉదయ్‌లతో పాటు రాజకీయ ప్రముఖులు కూడా ఈ వేడుకలో పాల్గొంటున్నారు:

అత్యంత విలాసవంతమైన అనుభవం. వినోదానికి నూతన శిఖరం. హైదరాబాద్ సిద్ధంగా ఉండండి! నగరంలో వినోదానికి సంబంధించిన దృశ్యం మరో మెట్టు పైకి వెళుతోంది – నాచారంలో హృదయంలో నూతనంగా ప్రారంభమవుతున్న UK సినీప్లెక్స్, ఒక విలాసవంతమైన 4-స్క్రీన్ మల్టిప్లెక్స్. ఇది కేవలం సినిమా థియేటర్ మాత్రమే కాదు – ఇది ఓ అనుభూతి. అత్యాధునిక సాంకేతికతతో పాటు, అత్యుత్తమ సౌకర్యాలు కలిగిన ఈ సినీప్లెక్స్ సినిమా ప్రేమికులకు, కుటుంబాలకు ప్రీమియం అనుభవాన్ని అందించేందుకు సిద్ధంగా ఉంది.

ఇక్కడ అందరూ ఆస్వాదించగల సౌకర్యాలు ఉన్నాయి – మృదువైన సీటింగ్, ప్రీమియం రీక్లైనర్లు, సౌకర్యవంతమైన సోఫాలు, Atmos సౌండ్, లేజర్ ప్రొజెక్షన్ మరియు సిల్వర్ స్క్రీన్లు – ప్రతి అంశం ప్రేక్షకులను ఒక సినిమాటిక్ ప్రపంచంలోకి తీసుకెళ్లేలా రూపొందించబడింది. దీనితో పాటు, లైవ్ కౌంటర్లు, పిజ్జాలు, శాండ్విచ్‌లు, డెజర్ట్‌లు వంటి రుచికరమైన ఫుడ్ & బివరేజెస్ కూడా అందుబాటులో ఉన్నాయి – అన్నీ ఒకే గదిలో!

ప్రపంచవ్యాప్తంగా ఉన్న తెలుగు ప్రేక్షకులంతా ఎంతగానో ఎదురుచూసిన ‘కింగ్‌డమ్’ చిత్రం నేడు థియేటర్లలో అడుగుపెట్టింది. విజయ్ దేవరకొండ కథానాయకుడిగా నటించిన ఈ చిత్రానికి గౌతమ్ తిన్ననూరి దర్శకత్వం వహించారు. సత్యదేవ్, భాగ్యశ్రీ బోర్సే ముఖ్య పాత్రలు పోషించారు. శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ పతాకాలపై సూర్యదేవర నాగ వంశీ, సాయి సౌజన్య ప్రతిష్టాత్మకంగా నిర్మించారు. రాక్ స్టార్ అనిరుధ్ రవిచందర్ సంగీతం అందించారు. భారీ అంచనాల నడుమ నేడు(జూలై 31) విడుదలైన ‘కింగ్‌డమ్’ చిత్రం.. మొదటి షో నుంచే పాజిటివ్ టాక్ ని సొంతం చేసుకుంది. అన్నదమ్ముల అనుబంధం నేపథ్యంలో గ్యాంగ్ స్టర్ డ్రామాగా తెరకెక్కిన ‘కింగ్‌డమ్’ సినిమా వెండితెరపై ఓ కొత్త అనుభూతిని కలిగిస్తోందని, విజువల్ గా అద్భుతంగా ఉందని చూసిన ప్రతి ఒక్కరూ చెబుతున్నారు. విమర్శకుల ప్రశంసలతో పాటు, ప్రేక్షకులను మెప్పు పొందుతూ.. షో షోకి వసూళ్లను పెంచుకుంటోంది. ఈ నేపథ్యంలో తాజాగా పాత్రికేయుల సమావేశం నిర్వహించిన చిత్ర బృందం, తమ ఆనందాన్ని పంచుకుంది.

ఈ సందర్భంగా కథానాయకుడు విజయ్ దేవరకొండ మాట్లాడుతూ.. "కింగ్‌డమ్ సినిమాకి వస్తున్న స్పందన పట్ల మాటల్లో చెప్పలేనంత ఆనందంగా ఉంది. యూఎస్ ప్రీమియర్ల నుంచే పాజిటివ్ టాక్ వచ్చింది. రాత్రి నుంచి ఫోన్లు వస్తూనే ఉన్నాయి. చాలా మంది ఫోన్ చేసి 'అన్నా మనం హిట్ కొట్టినం' అని ఎమోషనల్ అవుతున్నారు. మీ అందరి ప్రేమ వల్లే ఈ విజయం సాధ్యమైంది. మీడియా సపోర్ట్ కూడా మరిచిపోలేను. నా తెలుగు ప్రజలు నా వెనుక ఎంత ఉన్నారో నిన్నటి నుంచి చూస్తున్నా. అభిమానులు సినిమా కోసం ఎంతలా మొక్కుకున్నారో, ఎంతలా సెలబ్రేట్ చేస్తున్నారో చూస్తున్నా. ఆ వెంకన్న స్వామి ఆశీస్సులు, మీ ప్రేమ వల్లే ఇదంతా సాధ్యమైంది. ఈ విజయాన్ని ప్రేక్షకుల మధ్యలో సెలబ్రేట్ చేసుకోవాలని ఉంది. తెలుగు ప్రేక్షకులతో పాటు యూఎస్ ఆడియన్స్ ని కూడా త్వరలో కలుస్తాను. గురువారం విడుదలంటే నేను మొదట భయపడ్డాను. కానీ, నాగవంశీ గారు ఈ సినిమా నమ్మి గురువారం విడుదల చేశారు. ఇప్పుడు ఆయన నమ్మకం నిజమైంది. సినిమాకి నా నటనకు ఇన్ని ప్రశంసలు రావడానికి కారణం దర్శకుడు గౌతమ్. టీజర్ కి వాయిస్ ఓవర్ అందించిన ఎన్టీఆర్ అన్నకి, అభిమానులకు, తెలుగు ప్రేక్షకులకు మనస్ఫూర్తిగా కృతఙ్ఞతలు." అన్నారు.

నిర్మాత సూర్యదేవర నాగ వంశీ మాట్లాడుతూ.. "మేము అనుకున్నట్టుగానే సినిమాకి మంచి స్పందన వస్తోంది. రివ్యూలు కూడా పాజిటివ్ గా వచ్చాయి. ఈ మధ్య కాలంలో సాంకేతికంగా ఇంత గొప్పగా ఉన్న సినిమా ఇదేననే మాటలు వినిపిస్తుండటం సంతోషంగా ఉంది. ఒక తెలుగు సినిమాని సాంకేతికంగా హాలీవుడ్ స్థాయిలో తీశాము. థియేటర్ కి వచ్చి సినిమా చూడండి. మీరు ఖచ్చితంగా ఎంజాయ్ చేస్తారు. విజయ్ దేవరకొండ గారి అభిమానులు కోరుకున్నట్టు ఈ సినిమాతో ఆయన హిట్ కొట్టడం చాలా ఆనందంగా ఉంది. అనిరుధ్, నవీన్ నూలి సహా అందరూ ఎంతో ఎఫర్ట్ పెట్టి సినిమా కోసం పని చేశారు. మేము మంచి కంటెంట్ ని అందించాము, దానిని ప్రేక్షకుల్లోకి తీసుకొని వెళ్ళడానికి మీడియా ఎంతో సపోర్ట్ చేసింది. సినిమా వసూళ్లు కూడా అద్భుతంగా ఉన్నాయి. మొదటి రోజే చాలా చోట్ల బిజినెస్ చేసిన దానిలో సగానికి పైగా రాబడుతోంది. మాకు మరో విజయాన్ని అందించిన ప్రేక్షకులకు కృతఙ్ఞతలు." అన్నారు.

నటుడు సత్యదేవ్ మాట్లాడుతూ.. "కింగ్‌డమ్ కి వస్తున్న స్పందన పట్ల సంతోషంగా ఉంది. సినిమాపై మీరు కురిపిస్తున్న ప్రేమకు కృతఙ్ఞతలు. ఈ చిత్రంతో నా సోదరుడు విజయ్ స్ట్రాంగ్ కమ్ బ్యాక్ ఇవ్వడం చాలా ఆనందాన్ని ఇచ్చింది. విజయ్ గెలిస్తే నేను గెలిచినట్లే. సొంతంగా వచ్చి ఏదో సాధించాలి అనుకునే ఎందరికో విజయ్ స్ఫూర్తి. అలాంటి విజయ్ గెలవడం ఆనందంగా ఉంది. నాగవంశీ గారు డేరింగ్ ప్రొడ్యూసర్. అందరూ భయపడే సినిమాలను రిస్క్ చేసి తీస్తారు. నాకు ఈ అవకాశం ఇచ్చిన వంశీ గారి ధన్యవాదాలు. గౌతమ్ ఈ కథ చెప్పగానే.. ఖచ్చితంగా ఈ సినిమా చేయాలి అనుకున్నాను. బ్రదర్ సెంటిమెంట్ గురించి, ఆర్టిస్ట్ ల పర్ఫామెన్స్ ల గురించి అందరూ పాజిటివ్ గా మాట్లాడుతున్నారు. వంశీ గారు అన్నట్టు.. ఈ సినిమా హాలీవుడ్ ఎక్స్ పీరియన్స్ ని ఇస్తుంది. కింగ్‌డమ్ ఇచ్చిన ఉత్సాహంతో ప్రేక్షకులకు మరిన్ని మంచి సినిమాలు అందిస్తాను." అన్నారు.

వైవిధ్యమైన కంటెంట్‌తో ఎప్పటికప్పుడు ప్రేక్షకులకు సరికొత్త అనుభూతిని అందిస్తోన్న వన్ అండ్ ఓన్టీ ఓటీటీ ఫ్లాట్ ఫామ్ సోనీ లివ్ నుంచి రాబోతోన్న ‘మయసభ : రైజ్ ఆఫ్ ది టైటాన్స్’ ఇప్పటికే సెన్సేషన్‌గా మారింది. వెర్సటైల్ ఫిల్మ్ మేకర్ దేవా కట్టా, కిరణ్ జయ కుమార్ దర్శకత్వంలో హిట్ మ్యాన్ అండ్ ప్రూడోస్ ప్రొడక్షన్స్ ఎల్.ఎల్.పి బ్యానర్స్‌పై విజయ్ కృష్ణ లింగమనేని, శ్రీహర్ష ఈ సిరీస్‌ను రూపొందించారు. ఇక ‘మయసభ’ టీజర్‌ను వదిలినప్పటి నుంచి ఈ సిరీస్ గురించి అందరూ మాట్లాడుకుంటూ ఉన్నారు. ఇక ఈ సిరీస్‌ను ఆగస్ట్ 7 నుంచి స్ట్రీమింగ్ చేయబోతోన్నారు. ఈ క్రమంలో గురువారం నాడు ట్రైలర్‌ను రిలీజ్ చేశారు. ఈ మేరకు నిర్వహించిన ట్రైలర్ లాంచ్ ఈవెంట్‌లో..

 Trailer - https://youtu.be/ujtl5CkgQSs 

సుప్రీమ్ హీరో సాయి దుర్గ తేజ్ మాట్లాడుతూ .. ‘దేవా గారితో నాది పదేళ్ల ప్రయాణం. ‘ఆటోనగర్ సూర్య’ చూసిన వెంటనే దేవా గారికి ఫోన్ చేసి మాట్లాడాను. అప్పటి నుంచి మా ప్రయాణం మొదలైంది. అలా ఆ జర్నీ నుంచి ‘రిపబ్లిక్’ వచ్చింది. ‘రిపబ్లిక్’ టైంలో జరిగిన ఘటనలో నాకు ఎప్పుడూ అండగా నిలిచారు. ఇప్పుడు ఇలా మళ్లీ దేవా కట్టా గారి కోసం ఇలా ఈవెంట్‌కు రావడం ఆనందంగా ఉంది. ఓ మూడు పార్టులకు సరిపడా కథను రాశాను అని దేవా కట్టా గారు ‘మయసభ’ గురించి గతంలోనే ఎప్పుడో చెప్పారు. ఆది, చైతన్య నాకు చాలా ఏళ్ల నుంచి తెలుసు. 30 వెడ్స్ 21 చూసి మా అమ్మ నన్ను పెళ్లి గురించి అడుగుతూ ఉండేవారు. అలా నా లైఫ్‌లో చైతన్య విలన్‌లా మారిపోయాడు. ‘రిపబ్లిక్’ టైంలో సాయి కుమార్ నాకు ఎంతో సపోర్ట్ ఇచ్చారు. ‘మయసభ’ ఈవెంట్‌కు రావడం ఆనందంగా ఉంది. ఈ సిరీస్ అద్భుతాలు సృష్టించాలని కోరుకుంటున్నాను’ అని అన్నారు.

దేవా కట్టా మాట్లాడుతూ .. ‘మా కోసం వచ్చిన మా డియర్ బ్రదర్ తేజ్‌కు థాంక్స్. ‘మయసభ’ అనేది అందమైన ఊహ. ఇద్దరు ప్రాణ స్నేహితుల ప్రయాణమే ఈ కథ. పరిస్థితుల వల్ల వారిద్దరి మధ్య ఏర్పడిన దూరం ఏంటి? అనే కాన్సెప్ట్‌తో తీశాం. ఈ కాన్సెప్ట్ నాకు చిన్నప్పటి నుంచీ మెదడులో కదులుతూనే ఉండేది. అయితే శ్రీ హర్ష అనే వ్యక్తి నా వద్దకు వచ్చి ఏపీ రాజకీయాల గురించి మాట్లాడారు. అప్పుడు మొదలైందే ఈ ‘మయసభ’. ముందుగా మూడు పార్టులుగా సినిమాకు సంబంధించిన కథ రాశాను. అయితే సినిమాగా తీయడం అంటే మామూలు విషయం కాదు. ఆ తరువాత ఇదే కథను ఓ సిరీస్‌లా ఓ సీజన్‌ను రాసుకున్నాను. ‘మయసభ’ ఇక్కడి వరకు రావడానికి చాలా టైం పట్టింది. ధనీష్‌ను కలిసిన తరువాతే ‘మయసభ’కు ఈ లుక్ వచ్చింది. స్కామ్, మహారాణి వంటి ఎన్నో సెన్సేషనల్ సిరీస్‌లను సోనీ లివ్ అందించింది. సోనీ నుంచి అద్భుతమైన కథలు వచ్చాయి. వారి వద్దకు ఏదో ఒక ప్రాజెక్ట్ కోసం వెళ్లాను. అప్పుడు ధనీష్ కలిశారు. ఆయనకు ‘మయసభ’ పాయింట్ చెప్పాను. ఆయనకు అద్భుతంగా నచ్చేసింది. ఆయన వల్లే ఈ ప్రాజెక్ట్ జనాల్లోకి వెళ్లింది. కిరణ్ నాతో ఎన్నో ఎళ్ల నుంచి ప్రయాణిస్తున్నారు. బాహుబలి, రిపబ్లిక్ టైంలోనూ ఆయన నాకు రైటింగ్ టైంలో తోడు నిలిచారు. విజయ్ నాకు ఎప్పుడూ సపోర్ట్ ఇస్తూనే ఉంటారు. విజయ్ వల్లే ‘ప్రస్థానం’ వచ్చింది. ఈ ప్రాజెక్ట్‌కి కూడా విజయ్ బ్యాక్ బోన్‌‌లా నిలిచారు. ఆది నటన అంటే నాకు చాలా ఇష్టం. హీరో, విలన్, ఏ పాత్ర అయినా కూడా అద్భుతంగా నటించేస్తారు. ఈ కథ అనుకున్న వెంటనే నాకు ఆది గుర్తుకు వచ్చారు. ఆదిని మ్యాచ్ చేసేందుకు చైతన్య కష్టపడ్డారు. ఈ ప్రాజెక్ట్ కోసం 264 మందిని తీసుకున్నాం. దివ్యా గారు అద్భుతంగా నటించారు. ఈ ప్రాజెక్టుని జ్ఞాన శేఖర్‌తో స్టార్ట్ చేశాం. ఆ తరువాత సురేష్ ఈ ప్రాజెక్ట్‌ని అద్భుతంగా మలిచారు. ప్రొడక్షన్ డిజైనర్ కామేష్, తిరుమలకు థాంక్స్. కేఎల్ ప్రవీణ్ ఎడిటింగ్ గురించి ప్రత్యేకంగా చెప్పాల్సిన పని లేదు. మొత్తం అయ్యాక కిరీటం పెట్టినట్టుగా.. శక్తి తన మ్యూజిక్‌తో మ్యాజిక్ చేశారు. ఆగస్ట్ 7 నుంచి ‘మయసభ’ అందరి ముందుకు రానుంది. ‘మయసభ’ అందరి ఆస్తిలా మారిపోతోంది’ అని అన్నారు.

సోనీ లివ్ బిజినెస్ హెడ్ ధనీష్ కాంజీ మాట్లాడుతూ .. ‘మా ‘మయసభ’ ఈవెంట్‌కు వచ్చిన సాయి దుర్గ తేజ్ గారికి థాంక్స్. కరోనా కంటే కాస్త ముందుగా మా ఓటీటీ సంస్థను ప్రారంభించాం. మన ఇండియన్ కథల్ని ప్రపంచ వ్యాప్తంగా చూపించాలని అనుకున్నాం. అందులో భాగంగా హిందీ, మలయాళంలో గొప్ప గొప్ప కథల్ని తెరకెక్కించాం. ఇక బ‌ృందాతో కలిసి మేం మొదటగా సిరీస్ చేశాం. ఇప్పుడు తెలుగులో ‘మయసభ’ అనే అద్భుతమైన సిరీస్‌ను నిర్మించాం. శక్తి మ్యూజిక్ ఈ సిరీస్‌కు ప్రత్యేక ఆకర్షణ. 2022లో ఈ కథను దేవా కట్టా గారు మాకు వినిపించారు. సోనీ లివ్‌లో ఇదొక గొప్ప సిరీస్‌గా నిలిచిపోతుందని నమ్ముతున్నాం. ఈ సిరీస్ ఆగస్ట్ 7న సోనీ లివ్‌లో స్ట్రీమింగ్ కానుంది. అందరూ చూడండి’ అని అన్నారు.

సోనీ లివ్ కంటెంట్ హెడ్ షోగత్ ముఖర్జీ మాట్లాడుతూ .. ‘దేవా కట్టా గారు ‘మయసభ’ను అద్భుతంగా తెరకెక్కించారు. కథను ఎంత అందంగా నెరేట్ చేశారో.. అంతే అద్భుతంగా తీశారు. ఎంతో గొప్ప నటీనటులు అందరూ ఆ ప్రాజెక్ట్‌లో నటించారు. ఈ ప్రాజెక్ట్‌ కోసం దేవా కట్టా గారు మూడు, నాలుగేళ్ల సమయం తీసుకున్నారు. దేవా గారు ఈ సిరీస్ కోసం వందకు 150 శాతం కష్టపడ్డారు. ఈ సిరీస్‌ను సోనీ లివ్‌కు చేసి పెట్టిన దేవా కట్టా గారికి థాంక్స్’ అని అన్నారు.

ఆది పినిశెట్టి మాట్లాడుతూ .. ‘మా ఈవెంట్‌కు వచ్చి సపోర్ట్ చేసిన సాయి దుర్గ తేజ్ గారికి థాంక్స్. పొలిటికల్ బ్యాక్ డ్రాప్ ఉన్న ప్రాజెక్ట్ చేయాలని నాకు ఎప్పటి నుంచే ఉండేది. దేవా కట్టా గారు ‘మయసభ’ను అద్భుతంగా రాశారు. అంతే అద్భుతంగా తెరకెక్కించారు. ఎన్నో ఏళ్ల నుంచి ఈ ప్రాజెక్ట్ కోసం దేవా కట్టా గారు పని చేస్తున్నారు. ఇంత మంచి ప్రాజెక్ట్‌ని సపోర్ట్ చేస్తున్న సోనీ లివ్‌ టీంకు థాంక్స్. దేవా గారు కన్న కలను ‘మయసభ’ టీం నిజం చేసింది. శక్తి ఇచ్చిన మ్యూజిక్ గురించి అందరూ మాట్లాడుతున్నారు. ఈ సిరీస్‌లో అందరూ అద్భుతంగా నటించారు. సాయి కుమార్ గారు, నాజర్ గారు, దివ్యా దత్త గారు ఇలా ప్రతీ ఒక్కరూ అందరూ గొప్పగా నటించారు. చైతన్య రావ్ అద్భుతమైన నటుడు. ‘మయసభ’ ఆగస్ట్ 7 నుంచి సోనీ లివ్‌‌‌లోకి రాబోతోంది. ‘ప్రస్థానం’, ‘రిపబ్లిక్‌’‌లా ‘మయసభ’ నిలిచిపోతుంది. రెండో సీజన్ కోసం నేను ఎంతో ఆత్రుతగా ఎదురుచూస్తున్నాను’ అని అన్నారు.

చైతన్య రావ్ మాట్లాడుతూ .. ‘మా కోసం వచ్చిన తేజ్‌కు థాంక్స్. దేవా కట్టా గారు చేసిన ‘వెన్నెల’ నాకు చాలా ఇష్టం. ఇంత మంచి పాత్రను ఇచ్చిన ఆయనకు థాంక్స్. ఈ ప్రయాణంలో నాకు కిరణ్ అన్న ఎంతో సహకరించారు. శక్తి గారు అద్భుతమైన మ్యూజిక్ ఇచ్చారు. నిర్మాత హర్ష గారు చాలా మంచి వ్యక్తి. దివ్యా మేడం, నాజర్ సర్, సాయి కుమార్ వంటి యాక్టర్లతో పని చేయడం అదృష్టం. ఆదితో నటించడం ఛాలెంజింగ్‌గా అనిపించింది. ఆది నాకు ఎప్పుడూ సపోర్ట్ ఇస్తూనే ఉంటారు. నా ప్రయాణంలోని ప్రతీ మైల్ స్టోన్‌లో నాకు ప్రోత్సాహం ఇస్తూనే ఉన్నారు. నేను ఈ ఇండస్ట్రీలో ఉన్నంత వరకు ‘మయసభ’ ఎప్పటికీ ప్రత్యేకంగానే నిలుస్తుంది’ అని అన్నారు.

నిర్మాత శ్రీ హర్ష మాట్లాడుతూ .. ‘‘మయసభ’ కోసం పని చేసిన ప్రతీ ఒక్కరికీ థాంక్స్. ఎనిమిదేళ్ల క్రితం కలలు కన్న ప్రాజెక్ట్‌కి ఇప్పుడు రూపం వచ్చింది. ఈ ప్రాజెక్ట్‌ను దేవా గారు అద్భుతంగా తెరకెక్కించారు. ఈ సిరీస్ అందరినీ మెప్పిస్తుంది’ అని అన్నారు.

నిర్మాత విజయ్ కృష్ణ లింగమనేని మాట్లాడుతూ .. ‘‘మయసభ’ ట్రైలర్ లాంచ్ ఈవెంట్‌కు వచ్చిన తేజ్ గారికి థాంక్స్. దేవా గారు ఈ ప్రాజెక్ట్‌ని అద్భుతంగా తెరకెక్కించారు. ఆది, చైతన్య రావు, సాయి కుమార్ ఇలా అందరూ అద్భుతంగా నటించారు. శక్తి కాంత్ మ్యూజిక్ అద్భుతంగా వచ్చింది. ఈ సిరీస్ అందరినీ ఆకట్టుకునేలా ఉంటుంది’ అని అన్నారు.

చరితా వర్మ మాట్లాడుతూ .. ‘నన్ను నమ్మి నాకు ఇంత మంచి పాత్రను ఇచ్చిన దేవా కట్టా గారికి థాంక్స్. ఆది, చైతన్య గార్లతో పని చేయడం ఆనందంగా ఉంది. మా కోసం ఈవెంట్‌కు వచ్చిన తేజ్ గారికి థాంక్స్. ‘మయసభ’ అందరినీ ఆకట్టుకునేలా ఉంటుంది’ అని అన్నారు.

నటి దివ్యా దత్తా మాట్లాడుతూ .. ‘నాకు ఇంత మంచి అవకాశం ఇచ్చిన దేవా కట్టా గారికి థాంక్స్. ఇలాంటి పాత్రలు పోషించే అవకాశం అరుదుగా వస్తుంటుంది. తెలుగులో ఇది నాకు ఫస్ట్ ప్రాజెక్ట్. ఇంత మంచి ప్రాజెక్ట్‌తో తెలుగులోకి వస్తుండటం ఆనందంగా ఉంది. ‘మయసభ’ సెట్‌‌లో సరదాగా అందరం కలిసి నటించాం. ఈ టీంతో పని చేయడం ఆనందంగా ఉంది. ఇలాంటి గొప్ప ప్రాజెక్ట్‌కి ఆడియెన్స్ నుంచి మంచి స్పందన వస్తుందని ఆశిస్తున్నాను’ అని అన్నారు.

శ్రీకాంత్ భరత్ మాట్లాడుతూ .. ‘దేవా కట్టా గారితో రిపబ్లిక్‌ మూవీని చేశాను. ప్రతీ షాట్‌ను ఆయన చెక్కుతూనే ఉంటారు. దేవా గారు చాలా గొప్ప దర్శకుడు. ఆది, చైతన్య, సాయి కుమార్ ఇలా అందరూ అద్భుతంగా నటించేశారు. ‘మయసభ’ అద్భుతంగా ఉండబోతోంది’ అని అన్నారు.
 
రవీంద్ర విజయ్ మాట్లాడుతూ .. ‘సోనీ లివ్‌తో కలిసి నేను చేస్తున్న నాలుగో సిరీస్ ఇది. దేవా గారితో పని చేయడం గొప్ప విషయం. ప్రతీ నటుడికి స్కోప్ ఇస్తుంటారు. స్క్రీన్ మీద మా అందరితో మ్యాజిక్ చేయించారు. ‘మయసభ’ గొప్పగా ఉండబోతోంది’ అని అన్నారు.

కెమెరామెన్ సురేష్ రగుతు మాట్లాడుతూ .. ‘మా కోసం వచ్చిన తేజ్ అన్నకు థాంక్స్. నాకు ఈ ప్రాజెక్టులో అవకాశం ఇచ్చిన కిరణ్, దేవా సర్‌లకు థాంక్స్. ఈ సిరీస్ అద్భుతంగా ఉంటుంది’ అని అన్నారు.

మ్యూజిక్ డైరెక్టర్ శక్తి కాంత్ కార్తీక్ మాట్లాడుతూ .. ‘‘మయసభ’ ఈవెంట్‌కు వచ్చిన తేజ్ గారికి థాంక్స్. నాకు ఈ సిరీస్‌లో అవకాశం ఇచ్చిన దేవా గారికి థాంక్స్. బృందా తరువాత సోనీ లివ్‌లో ఇది నాకు రెండో ప్రాజెక్ట్. ‘మయసభ’ అందరినీ ఆకట్టుకుంటుంది’ అని అన్నారు.

డైరెక్టర్ కిరణ్ మాట్లాడుతూ .. ‘నాకు ఇంత మంచి అవకాశం ఇచ్చిన దేవా గారికి, సోనీ లివ్ గారికి థాంక్స్. మా ఈవెంట్‌కు వచ్చిన తేజ్ గారికి థాంక్స్. ఆగస్ట్ 7న బ్లాస్ అయ్యేలా ‘మయసభ’ రాబోతోంది’ అని అన్నారు.

యంగ్ ట్యాలెంటెడ్ హీరో అశ్విన్ బాబు మోస్ట్ అవైటెడ్ యాక్షన్ థ్రిల్లర్ 'వచ్చినవాడు గౌతమ్' టీజర్ తో హ్యుజ్  బజ్ క్రియేట్ చేసింది. ఈ చిత్రానికి మామిడాల ఎం .ఆర్. కృష్ణ దర్శకత్వం వహిస్తున్నారు. అరుణశ్రీ ఎంటర్టైన్మెంట్స్ ప్రొడక్షన్ నెంబర్ 3 గా రూపొందుతున్న ఈ చిత్రాన్ని నిర్మాత టి. గణపతి రెడ్డి గ్రాండ్ గా నిర్మిస్తున్నారు. ప్రవల్లిక యోగి కో - ప్రొడ్యూసర్.

ఇప్పటికే విడుదలైన టీజర్ ట్రెమండస్ రెస్పాన్స్ తో సినిమాపై అంచనాలు పెంచింది.

ఆగస్ట్ 1 హీరో అశ్విన్ బాబు బర్త్ డే సందర్భంగా ఆయనకి విషెష్ అందిస్తూ మేకర్స్ ఒక పవర్ ఫుల్ పోస్టర్ రిలీజ్ చేశారు. అశ్విన్ బాబు ఇంటెన్స్ లుక్ లో కనిపించిన ఈ పోస్టర్ అదిరిపోయింది.  

ఇటివలే భారీ బడ్జెట్ తో  హైవోల్టేజ్ క్లైమాక్స్ యాక్షన్ సీక్వెన్స్ షూట్ పూర్తి చేశారు. హై టెక్నాలజీని వాడి ఈ యాక్షన్ సీక్వెన్స్‌ షూట్ చేశారు.

నిర్మాత గణపతి రెడ్డి ఎలాంటి రాజీ లేకుండా, పెద్ద చిత్రాలకు ఏమాత్రం తీసిపోని ప్రొడక్షన్‌ విలువలతో సినిమాను తెరకెక్కిస్తున్నారు.

రియా సుమన్ హీరోయిన్ గా నటిస్తున్న ఈ చిత్రంలో అయేషా ఖాన్, మురళీ శర్మ, సచిన్ ఖేడేకర్, అజయ్,VTV గణేష్, కీలక పాత్రలు పోహిస్తున్నారు.
 
ఈ చిత్రానికి  ఎం.ఎన్. బాల్ రెడ్డి సినిమాటోగ్రఫీ. ఆయన విజువల్‌ ప్రెజెంటేషన్‌ ఈ క్లైమాక్స్‌ను మరో స్థాయికి తీసుకెళ్తుంది. చిత్రానికి గౌర హరి మ్యూజిక్ అందిస్తున్నారు. M R వర్మా ఎడిటర్.

ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. త్వరలోనే మేకర్స్ రిలీజ్ డేట్ ని అనౌన్స్ చేయనున్నారు.
   

   హరిహర వీరమల్లు ఫస్ట్ డే కలెక్షన్లు ఎంతంటే? అబ్బాయి సినిమాను మాత్రం దాటలేకపోయింది
హరి హర వీరమల్లు బాక్సాఫీస్ కలెక్షన్స్ డే  క్రిష్, జ్యోతికృష్ణ డైరెక్షన్ కాంబినేషన్ లో పవన్ కళ్యాణ్ నటించిన హరిహర వీరమల్లు గురువారం (జూలై 24)న ప్రేక్షకుల ముందుకు వచ్చింది. అంతకంటే ముందు బుధవారం సాయంత్రం ప్రీమియర్ షోలు వేశారు. అయిదేళ్లుగా నిర్మాణంలో ఉన్న మూవీ ఎట్టకేలకు థియేటర్లకు వచ్చేసింది. పవన్ కల్యాణ్ సినిమా అంటే బాక్సాఫీస్ దగ్గర సందడి ఎలా ఉంటుందో ప్రత్యేకంగా చెప్పాల్సిన అవసరం. లేదు.
ఎన్ని కోట్లంటే?
హిస్టారికల్ పీరియాడిక్ డ్రామాగా తెరకెక్కిన హరి హర వీరమల్లు తొలి రోజు ఇండియాలో రూ. 44.20 కోట్ల నెట్ కలెక్షన్లు వసూలు చేసిందని సక్నిల్క్ వెబ్ సైట్ తెలిపింది. హరి హర వీరమల్లు బాక్సాఫీస్ కలెక్షన్ ట్రేడ్ వెబ్ సైట్ ప్రకారం ఇండియాలో ప్రీమియర్ ద్వారా రూ.12.7 కోట్లు, తొలి రోజు రూ.31.5 కోట్లు రాబట్టింది. ఇటీవల విడుదలైన సినిమాలతో పోలిస్తే పవన్ కు ఇదే అత్యధిక ఓపెనింగ్స్ రాబట్టిన సినిమా కావడం విశేషం. తొలిరోజు బ్రో రూ.30.5 కోట్లు, భీమ్లా నాయక్ రూ.37.15 కోట్లు రాబట్టింది. తొలిరోజు వకీల్ సాబ్ రూ.40.10 కోట్ల నెట్ ను రాబట్టింది.
అబ్బాయి సినిమా
ఈ ఏడాది విడుదలైన ఇతర పెద్ద చిత్రాలతో పోలిస్తే హరిహర వీరమల్లు తన అన్న చిరంజీవి కొడుకు రామ్ చరణ్ సినిమా గేమ్ ఛేంజర్ నెలకొల్పిన రికార్డును మాత్రం అందుకోలేకపోయింది. తొలిరోజు గేమ్ ఛేంజర్ రూ.51 కోట్లు వసూలు చేసింది. అయితే తొలి రోజు రూ.25.35 కోట్లు రాబట్టిన బాలకృష్ణ 'డాకు మహారాజ'ను హరిహర వీరమల్లు దాటేశాడు. 2025లో అత్యధిక వసూళ్లు సాధించిన తెలుగు చిత్రంగా వెంకటేష్ నటించిన సంక్రాంతికి వస్తున్నాం (రూ.23 కోట్లు) ఉంది. ధనుష్ నటించిన కుబేర రూ.14.75 కోట్లు రాబట్టింది. అయిదేళ్లు
హరి హర వీరమల్లు సినిమా పవన్ ఇతర చిత్రాలకు భిన్నంగా కోవిడ్-19, తన రాజకీయ కమిట్మెంట్స్ కారణంగా ఐదేళ్లుగా నిర్మాణంలో ఉంది. ఈ మూవీ ప్రమోషన్లలో పవన్ కల్యాణ్ కూడా పాల్గొనడం విశేషం. ఎ.ఎం.రత్నం నిర్మించిన ఈ చిత్రానికి ఎం. ఎం. కీరవాణి సంగీతం అందించారు. ఈ చిత్రంలో పవన్.. వీర మల్లు అనే దొంగగా, నిధి అగర్వాల్ పంచమి అనే దేవదాసిగా, బాబీ డియోల్ ఔరంగజేబుగా నటించారు.
భారీ అంచనాలతో విడుదలైన హరి హర వీరమల్లుకు నెగెటివ్ టాక్ వినిపిస్తోంది. పేలవమైన కథాంశం, విఎఫ్ఎక్స్ కారణంగా విమర్శల పాలైంది. సీక్వెల్ కోసం కథను సెట్ చేయడంతో ఫస్ట్ పార్ట్
ముగుస్తుంది. 

ఐశ్వర్యారాయ్, శిల్పా శెట్టి మొదలుకుని... అనుష్క శెట్టి, పూజా హెగ్డే, రష్మిక మందన్న వరకు- ప్రస్తుతం ఇండియన్ ఫిల్మ్ ఇండస్ట్రీలో కన్నడ భామల హవా నడుస్తోంది. ఆ జాబితాలో తన పేరు కూడా చేర్చుకోవాలని తహతహలాడుతోంది తెలుగు మూలాలు కలిగిన కన్నడ భామ రూపాలి ఎస్.డి. నాట్యంలో మంచి ప్రావీణ్యురాలైన ఈ అమ్మడు... అభినయంలోనూ శిక్షణ పొంది, మోడలింగ్ ద్వారా దర్శకనిర్మాతల దృష్టిని విశేషంగా ఆకర్షించింది!!కన్నడలో "గంగి గౌరి, తారకేశ్వర్" చిత్రాల్లో హీరోయిన్ గా నటించి మెప్పించిన ఈ ముద్దుగుమ్మ... "కోరా" అనే చిత్రంలో డేరింగ్ పోలీస్ ఆఫీసర్ గా యాక్ట్ చేసి, మంచి మార్కులు కొట్టేసింది. ఈ చిత్రం తెలుగులో అదే పేరుతో త్వరలో విడుదల కానుంది!!ఈ భామ అభినయ సామర్ధ్యం తెలుగునాట కూడా పాకడంతో... "భైరవి" అనే సూపర్ హిట్ సీరియల్ లో ప్రతినాయకి పాత్ర వెతుక్కుంటూ వచ్చింది. మాతృభాష తెలుగు కావడంతో కన్నడలాగే తెలుగు కూడా అనర్గళంగా మాట్లాడే రూపాలి... తెలుగు సినిమాల్లో నటించి తన సత్తా చాటుకోవాలని ఉవ్విళ్లూరుతోంది. జిమ్నాస్టిక్స్ లోనూ సిద్ధహస్తురాలైన ఈ బ్యూటీ, పోరాట సన్నివేశాలు రక్తి కట్టించడంలో మహా నేర్పరి!!

లోక‌ల్ గైడ్

మలయాళ సినిమాలకు దేశవ్యాప్తంగానే కాదు ప్రపంచవ్యాప్తంగా ఎనలేని గౌరవం, ఆదరణ ఉన్న విషయం తెలిసిందే. కంటెంట్ బేస్డ్ సినిమాలకు కేరాఫ్ అడ్రస్ గా ఉన్న మలయాళం నుంచి వస్తున్న మరో హార్ట్ టచ్చింగ్ మూవీ "సూత్రవాక్యం". ఈనెల 11న మలయాళ వెర్షన్ ప్రపంచవ్యాప్తంగా "జినీవెర్స్ మోషన్ పిక్చర్స్ ప్రయివేట్ లిమిటెడ్" ద్వారా విడుదలవుతోంది. ఇదే సంస్థ "సూత్రవాక్యం" పేరుతోనే తెలుగులోనూ విడుదల చేస్తోంది!!"పోలీస్ స్టేషన్స్ కు నేరాలు చేసినవాళ్ళు, సదరు నేరాలకు బలైన బాధితులు మాత్రమే ఎందుకు వెళ్ళాలి? ఖాళీ సమయాల్లో పోలీసు సిబ్బంది... పిల్లలకు పాఠాలు ఎందుకు చెప్పకూడదు? పోలీసుల్ని చూసి భయపడే సంస్కృతి ఇంకా ఎందుకు కొనసాగాలనే ఒక గొప్ప విప్లవాత్మకమైన ఆలోచనకు.. పుష్కలమైన వినోదం జోడించి రూపొందిన "సూత్రవాక్యం" భారతీయ చలన చిత్ర చరిత్రలో చిరస్మరణీయంగా నిలిచిపోతుంది. ఇంత గొప్ప కంటెంట్ కలిగిన "సూత్రవాక్యం" చిత్రాన్ని నిర్మించే అవకాశం రావడం పట్ల చాలా గర్వపడుతున్నాం" అంటున్నారు "సినిమా బండి" ఫేమ్ కాండ్రేగుల లావణ్యాదేవి - కాండ్రేగుల శ్రీకాంత్!!యూజియాన్ జాస్ చిరమ్మల్ అనే ప్రతిభాశాలిని దర్శకుడిగా పరిచయం చేస్తూ సినిమా బండి ప్రొడక్షన్స్ పతాకంపై కాండ్రేగుల లావణ్యాదేవి సమర్పణలో... కాండ్రేగుల శ్రీకాంత్ నిర్మించిన ఈ చిత్రంలో... షైన్ టామ్ చాకో, విన్సీ ఆలోషియస్, దీపక్ పరంబోర్, మీనాక్షి మాధవి, దివ్య ఎం. నాయర్ ముఖ్య తారాగణం. నిర్మాత శ్రీకాంత్ కాండ్రేగుల కూడా ఈ చిత్రంలో ఓ ముఖ్య పాత్ర పోషించడం విశేషం. భారతీయ సినిమాను సరికొత్త పుంతలు తొక్కించే ఈ వినూత్న కథా చిత్రానికి రెజిన్ ఎస్.బాబు స్క్రీన్ ప్లే సమకూర్చగా శ్రీరామ్ చంద్రశేఖరన్ సినిమాటోగ్రఫీ, జీన్ పి.జాన్సన్ సంగీతం, నితిన్ కె.టి.ఆర్ ఎడిటింగ్ చేశారు!! కోవిడ్ సమయంలో కేరళలో విదుర పోలీస్ స్టేషన్ లో... యువతలో ధైర్యాన్ని నింపి, వారి కలలు, ఆశయాలు పునరుత్తేజం అయ్యేందుకు చేపట్టిన కౌన్సిలింగ్ కార్యక్రమాల స్పూర్తితో "సూత్రవాక్యం" తెరకెక్కడం గమనార్హం. భారతదేశవ్యాప్తంగానే కాకుండా ప్రపంచవ్యాప్తంగా 14 దేశాల్లో "సూత్రవాక్యం" విడుదల కానుంది!!

లోక‌ల్ గైడ్:

విష్ణు మంచు డ్రీమ్ ప్రాజెక్ట్ ‘కన్నప్ప’కి మంచి రెస్పాన్స్ వస్తోన్న సంగతి తెలిసిందే. జూన్ 27న విడుదలైన ఈ చిత్రానికి ఆడియెన్స్ నుంచి మంచి ఆదరణ దక్కింది. డివోషనల్ బ్లాక్ బస్టర్‌గా ఈ చిత్రం ఇప్పటికీ సక్సెస్ ఫుల్‌గా రన్ అవుతోంది. ఈ క్రమంలో మంగళవారం నాడు విజయవాడలో ప్రఖ్యాత గజల్ గాయకుడు, సేవ్ టెంపుల్స్ భారత్ సంస్థ అధ్యక్షులు గజల్ శ్రీనివాస్ కన్నప్ప చిత్రాన్ని ప్రత్యేకంగా ప్రదర్శించారు. ఈ స్పెషల్ షోని డా.ఎం. మోహన్ బాబుతో పాటుగా నాగ సాధువులు, అఘోరాలు వీక్షించారు. అనంతరం..డా. ఎం. మోహన్ బాబు మాట్లాడుతూ .. ‘‘కన్నప్ప’ సినిమాను గొప్పగా ఆదరిస్తున్నారు. ప్రతీ చోటా కన్నప్పకి మంచి స్పందన వస్తోంది. విష్ణు నటనను అందరూ కొనియాడుతున్నారు. ఇక ఈ రోజు ఇలా విజయవాడలో సోదరుడు గజల్ శ్రీనివాస్ నేతృత్వంలో షోను నిర్వహించారు. నాగ సాధువులు, సాధువులు, యోగినిలు, అఘోరాలతో కలిసి మరోసారి సినిమాను వీక్షించడం ఆనందంగా ఉంది’ అని అన్నారు.గజల్ శ్రీనివాస్ మాట్లాడుతూ .. ‘‘కన్నప్ప’ను వెండితెరపైకి మళ్లీ తీసుకు రావడం ఓ గొప్ప నిర్ణయం. చిత్రం అద్భుతంగా ఉంది. విష్ణు నటన కన్నుల విందుగా అనిపించింది. కన్నప్ప జీవితాన్ని మరోసారి ఇంత అద్భుతంగా తీసిన నిర్మాత మోహన్ బాబు గారికి ధన్యవాదాలు. సినిమా ఆద్యంతం రోమాంచితంగా ఉంది. సంపూర్ణమైన భక్తి రస చిత్రంగా తీసిన చిత్రం అందరినీ ఆకట్టుకుంటోంది. అక్షయ్ కుమార్ గారు, ప్రభాస్ గారు, మోహన్ బాబు గారు, మోహన్ లాల్ గారు, శరత్ కుమార్, విష్ణు నటన అందరినీ కదిలించింది. ఈ రోజు నాగ సాధవులు, సాధువులు, మాతాజీలు, యోగినీలు ఎంతో మంది సినిమాను చూసి ఆనందిస్తున్నారు’ అని అన్నారు.