ఎన్టీఆర్ జయంతి సందర్భంగా ప్రధాని మోదీ నివాళి

న్యూఢిల్లీ: తెలుగు సినీ దిగ్గజం, మాజీ ముఖ్యమంత్రి నందమూరి తారకరామారావు (ఎన్టీఆర్) జయంతి సందర్భంగా ప్రధాన మంత్రి నరేంద్ర మోదీ ఆయనకు ఘనంగా నివాళులు అర్పించారు. ఎన్టీఆర్‌ను విశిష్ట నటుడుగా, దార్శనిక నాయకుడుగా మోదీ కొనియాడారు.సినిమాల్లో ఎన్టీఆర్ చేసిన పాత్రలు ఇప్పటికీ ప్రజల మదిలో నిలిచినవని ప్రధాని అన్నారు. పేదలు, అణగారిన వర్గాల సాధికారత కోసం ఎన్టీఆర్ చేసిన కృషిని గుర్తు చేస్తూ, ఆయన జీవిత ప్రయాణం నుండి తాను ఎంతో ప్రేరణ పొందినట్లు పేర్కొన్నారు.అంతేకాకుండా, ప్రస్తుతం ఆంధ్రప్రదేశ్‌లో ఏర్పడిన కూటమి ప్రభుత్వం ఎన్టీఆర్ ఆశయాలను అమలు పరచడానికి కృషి చేస్తోందని మోదీ తెలిపారు.