లోకల్ గైడ్ ముంబై: భారత క్రికెట్ అభివృద్ధిలో మరో కీలక అడుగు పడింది. హృషికేష్ కనిత్కర్‌ను బీసీసీఐ ఇండియా A జట్టు హెడ్ కోచ్‌గా నియమించింది. త్వరలో జరగనున్న ఇంగ్లాండ్ టూర్‌కు ముందు ఈ నియామకం అధికారికంగా ప్రకటించబడింది. ఈ టూర్‌లో భారత్ A జట్టు ఇంగ్లాండ్ లయన్స్‌తో రెండు నాలుగు రోజుల మ్యాచ్‌లు ఆడనుంది.
కనిత్కర్ క్రికెటర్‌గా భారత జట్టుకు సేవలందించిన తర్వాత కోచ్‌గా బీసీసీఐ నేషనల్ క్రికెట్ అకాడమీలో అనేక యువ ఆటగాళ్లను మెరుగుపరిచారు. ఆయన బ్యాటింగ్ కోచ్‌గా మహిళల జట్టుతో పాటు, ఇండియా U19 జట్టులోనూ కీలక పాత్ర పోషించారు. యువ క్రికెటర్ల ఎదుగుదలపై ప్రత్యేక దృష్టి కలిగిన ఆయన, ఎప్పటికప్పుడు కొత్త అవకాశాలను సృష్టించే ప్రయత్నంలో ఉంటారు.
ఈ టూర్‌లో అభిమన్యు ఈశ్వరన్, కరుణ్ నాయర్, ఇషాన్ కిషన్, ధ్రువ్ జురేల్ వంటి యువ ఆటగాళ్లకు ఇది ఒక అసలు పరీక్ష. వీరి నైపుణ్యాలను మరింత మెరుగుపరచడంలో కనిత్కర్ శిక్షణ కీలకంగా మారనుంది. ఇంగ్లాండ్ వాతావరణం, పిచ్ పరిస్థితుల్లో సరైన మెంటారింగ్ అవసరం. ఈ విషయాన్ని దృష్టిలో ఉంచుకుని BCCI ఈ నిర్ణయం తీసుకుంది.
మే 30న కెంట్‌లో మొదలవుతున్న మొదటి మ్యాచ్‌తో టూర్ ప్రారంభమవుతుంది. జూన్ 6న నార్తాంప్టన్‌లో రెండవ మ్యాచ్ జరగనుంది. ఈ రెండు మ్యాచ్‌ల ద్వారా యువ ఆటగాళ్లకు అంతర్జాతీయ స్థాయి అనుభవాన్ని పొందే అవకాశం కలుగుతుంది. కనిత్కర్ నేతృత్వంలో భారత్ A విజయాన్ని ఆశిస్తున్నామని BCCI పేర్కొంది.
.webp)
1.jpg)
Comment List