ఆలోచనలే అభివృద్ధికి

ఆలోచనలే అభివృద్ధికి
 ఆయువు పట్టు

మన మనసు
ఆలోచనల పుట్ట
మన ఆలోచనలే 
మన ప్రతి రూపం
బలమైన ఆలోచనలే
మన జీవితానికి అద్దం 
మన వ్యక్తిత్వాన్ని 
ప్రతిబింబిస్తాయిభ

పాజిటివ్ ఆలోచనలు
ఆత్మ విశ్వాసం 
పట్టుదలకు 
పట్టుకొమ్మలు

ఆలోచనలే 
విశ్వసనీయత 
అంకితభావానికి 
అభివృద్ధికి
ఆయువుపట్టు 

ఆలోచనలే విజయాల
సాధనకు బాట 
ఆలోచనలే ఆశ  
ఆశయాలకు 
జన్మస్థానం 

ఆలోచనలతో
 సంకల్పo 
శక్తి సామర్ధ్యాలు 
ఇనుమడిస్తాయి

ఆలోచనే 
నీ కార్యాచరణ
 ప్రణాళిక కావాలి 
ప్రగతి పురోగతికి 
మార్గం కావాలి 

అపజయాలు 
అనుభవాలే
భవిష్యత్ 
విజయాలకు 
పునాది కావాలి

ఆత్మ విశ్వాసమే
ఆయుధంగా
అభివృద్ధి పథంలో
పయనించాలి

మనిషి జీవితం
పోరాటాల మయం
ఏది తనంత తానై 
థరి చేరదు
శోధించి సాధించాలి

సహనం సంఘీభావం‌
సమరసత సేవాభావం
ప్రగతిశీలత నీజీవిత 
లక్ష్యం కావాలి

పోలికలు వద్దు 
 ప్రేరణయే హద్దు
పరుల హితమే  
నీఅభిమతమైతె 
అవహేళనలు 
ఆందోళనలు 
అంతమై 
మనోప్రశాంతత  
సంపదౌతది

త్యాగం తెగింపు 
కర్తవ్య నిష్టతో
జీవితాన్ని 
పూల బాటగ మార్చుకో

నిరాశ నిస్పృహలు
విడనాడు
ఆశయాలసాధనే‌ 
 నీ జీవిత లక్ష్యం కావాలి

బాధ కలిగినపుడు
 తగ్గించుకో
నచ్చని చానల్ 
మార్చినట్లే
దుఃఖ భావనల
 చానల్ మార్చుకో 
ధ్యానం  యోగా 
క్రమశిక్షణా యుత
జీవనశైలియే
నీ జీవితమైతె
ఆనందం 
ఆరోగ్యంనీ వశమై
మనోశాంతి
భూషణమౌతుంది

నేదునూరి కనకయ్య 
అధ్యక్షులు
తెలంగాణ వికాస వేదిక
సామాజిక ఆర్థిక అధ్యయన వేదిక తెలంగాణ ఎకనామిక్ ఫోరం
కరీంనగర్9440245771