పహల్గాంలో ఇటీవల జరిగిన ఉగ్రదాడికి దీటైన ప్రతిస్పందనగా భారత ప్రభుత్వం ‘ఆపరేషన్ సిందూర్’కు శ్రీకారం చుట్టింది. మంగళవారం అర్ధరాత్రి 1.44 గంటలకు భారత సైన్యం పాకిస్తాన్‌లోని ఉగ్రవాద స్థావరాలపై మెరుపుదాడులు జరిపింది. ఈ ఆపరేషన్ విజయవంతంగా కొనసాగడంతో దేశవ్యాప్తంగా గర్వావేశాలు వెల్లివిరిచాయి. సోషల్ మీడియాలో ‘జై హింద్’, ‘భారత్ మాతా కీ జై’, ‘ఆపరేషన్ సిందూర్’ అనే హ్యాష్‌ట్యాగ్‌లు ట్రెండ్ అవుతున్నాయి. పలువురు ప్రముఖులు సైన్యం ధైర్యాన్ని అభినందిస్తూ స్పందించారు.
చిరంజీవి: “ఆపరేషన్ సిందూర్ విజయవంతం కావడం గర్వకారణం. జై హింద్!”
పవన్ కల్యాణ్: “ఎన్నో రోజుల నిశ్శబ్దం తర్వాత ఈ ఆపరేషన్ దేశవ్యాప్తంగా స్ఫూర్తిని నింపింది. త్రివిధ దళాల ధైర్యానికి, దీనికి నాయకత్వం వహించిన ప్రధానమంత్రికి ధన్యవాదాలు. మేమంతా మీతోనే ఉన్నాం.”
ఆనంద్ మహీంద్రా: “మా ప్రార్థనలు భద్రతా బలగాల కోసం. ఒకే దేశం.. ఒకే గొంతు.. కలిసి నిలబడదాం.”
రజనీకాంత్: “ఇది పోరాటం ప్రారంభం మాత్రమే. లక్ష్యం నెరవేరే వరకు ఆగడం లేదు. దేశం మొత్తం మీ వెంటే ఉంది. జై హింద్!”
ప్రకాశ్ రాజ్: “భారత్ తీసుకున్న చర్యలు ఉగ్రవాద నిర్మూలన దిశగా సాగాయి. పాకిస్థాన్‌ సైనిక స్థావరాలను కాదు, కేవలం ఉగ్ర స్థావరాలనే లక్ష్యంగా చేసుకుంది. 26 మంది అమాయకులను బలిగొన్న దాడికి ఇది సముచిత ప్రతీకారం. దేశం నిబద్ధతతో ముందుకెళ్తోంది.”
ఈ సందర్బంగా దేశవ్యాప్తంగా భారత సైన్యానికి విశేష మద్దతు లభిస్తుంది. సామాన్యుల నుంచి సినీ, వ్యాపార రంగాలవారివరకు అందరూ తమ గళం కలిపారు.
Comment List