దేశమే మా ధ్యేయం

By Ram Reddy

On 14 May 2025 10:37:48

దేశమే మా ధ్యేయం
-----------------------------------------
ఓ యువత మేలుకో
ఓ యువత గర్జించు
యువ శక్తిని రగిలించు
సమర శంఖం పూరించు
యువ సత్తను చూపించు
దేశద్రోహులను శిక్షించు
దేశ ఖ్యాతిని గెలిపించు...

ఈ దేశంలో జన్మించి
ఈ భరత గడ్డమీద పెరిగి
ఈ దేశపు గాలి పీల్చుతూ
ఇక్కడే విజ్ఞానాన్ని పొంది
దేశద్రోహుల అంతమే లక్ష్యంగా
మేలుకో ఓ యువత...

ఉన్మాదంతో రాక్షసత్వంగా
మనుషులను చంపుతూ
రాక్షస ఆనందం పొందిరి
ఈ ఉన్మాదపు ముష్కరులు
కూర మృగాల విజృంభిస్తూ
రక్తపాతం,విధ్వంసంతో
చిచ్చు వెట్టిన రక్త పిశాచుల
అంతమే లక్ష్యంగా ఆలోచించు..

ధర్మ రక్షణే ధ్యేయం
జాతి గౌరవమే లక్ష్యంగా
శివతాండవం తప్పదిక
కంకణ బద్ధుడవై కదలాలిక
చత్రపతి వై గర్జించాలి
భరతమాత నుదుటిపై
రక్త తిలకం దిద్దుడకై సిద్ధమౌ
సమర శంఖం పూరించు
సైనికుడిలా యుద్ధానికి సిద్ధమౌ
విశ్వ విజేతగా దేశాన్ని నిలబెట్టు

వి.జానకి రాములు గౌడ్

Tags: