తెలంగాణలో భారీ ప్రాజెక్టుగా నిర్మితమైన కాళేశ్వరం లిఫ్ట్ ఇరిగేషన్ ప్రాజెక్టుపై విచారణ కొనసాగుతోంది. ఈ క్రమంలో కేంద్ర ప్రభుత్వం ఏర్పాటు చేసిన జస్టిస్ పీసీ ఘోష్ కమిషన్, రాష్ట్ర మాజీ ముఖ్యమంత్రి కల్వకుంట్ల చంద్రశేఖర్ రావుకు నోటీసులు జారీ చేసింది. విచారణకు జూన్ 5లోపు హాజరుకావాలని కమిషన్ స్పష్టంగా పేర్కొంది.
అంతేకాదు, అప్పటి ఇరిగేషన్ మంత్రి తన్నీరు హరీశ్ రావు, ఆర్థిక శాఖ మాజీ మంత్రి ఈటల రాజేందర్‌కు కూడా నోటీసులు జారీచేసింది. హరీశ్ రావును జూన్ 6న, ఈటలను జూన్ 9న కమిషన్ ఎదుట విచారణకు హాజరుకావాలని ఆదేశించింది.
ఇప్పటివరకు 200 మంది పైగా నిర్మాణ సంస్థల ప్రతినిధులు, అధికారులు విచారణకు హాజరై ఉన్నారని సమాచారం. ప్రాజెక్టు యొక్క డీపీఆర్ (డీటెయిల్డ్ ప్రాజెక్ట్ రిపోర్ట్)లో ఉన్న సమాచారం, వాస్తవ నిర్మాణాల్లో గల తేడాలను కమిషన్ గుర్తించినట్టు సమాచారం.
కాళేశ్వరం ప్రాజెక్టులో జరిగిన లోపాలు, ఖర్చుల విషయంలో పారదర్శకతలేమి అంశాలపై కమిషన్ విచారణలో కీలక మలుపులు వచ్చే అవకాశం ఉందని విశ్లేషకులు అభిప్రాయపడుతున్నారు.
Comment List