లోకల్ గైడ్ న్యూస్ :
కొన్ని నెలల నిశ్శబ్దం తర్వాత భారత్‌లో మళ్లీ కోవిడ్-19 కేసులు పెరుగుతున్నాయి. కేంద్ర ఆరోగ్య మంత్రిత్వ శాఖ తాజా గణాంకాల ప్రకారం, దేశంలో ప్రస్తుతం 257 యాక్టివ్ కోవిడ్ కేసులు ఉన్నాయి. మే 12 నుంచి వారం రోజుల్లో కొత్తగా 164 కేసులు నమోదయ్యాయి.
రాష్ట్రాల వారీగా పరిశీలిస్తే:
ప్రస్తుతం మహారాష్ట్రలో 56 యాక్టివ్ కేసులు ఉన్నట్లు వెల్లడించారు.
ఈ నేపథ్యంలో కేంద్రం నిపుణులతో సమీక్ష సమావేశం నిర్వహించింది. ఇందులో NCDC, EMR విభాగం, ICMR, మరియు ఇతర ప్రభుత్వ వైద్య సంస్థల ప్రతినిధులు పాల్గొన్నారు. అధికారులు తెలిపిన ప్రకారం, ప్రస్తుతం నమోదవుతున్న కేసులన్నీ తేలికపాటి లక్షణాలతో ఉండగా, ఆసుపత్రిలో చేరాల్సిన పరిస్థితి లేదు. మరణాలు కూడా నమోదు కాలేదు.
కేంద్రం ఇప్పటికే అప్రమత్తమై చర్యలు చేపడుతోంది. ఇంటిగ్రేటెడ్ డిసీజ్ సర్వైలెన్స్ ప్రోగ్రామ్ (IDSP), ICMR ద్వారా శ్వాసకోశ వైరస్‌లపై నిరంతర నిఘా కొనసాగుతోంది. ఇతర దేశాల్లో, ముఖ్యంగా సింగపూర్, హాంకాంగ్ వంటి దేశాల్లో కోవిడ్ కేసులు పెరుగుతున్న నేపథ్యంగా భారత్‌లోనూ అధికార యంత్రాంగం సజాగంగా ఉంది.
ప్రజలు భయపడాల్సిన అవసరం లేదు కానీ అప్రమత్తంగా ఉండటం అవసరం అని ఆరోగ్య మంత్రిత్వ శాఖ సూచించింది.
-pica.png)
Comment List