ప్రస్తుతం పురుషులు, మహిళలు అనే తేడా లేకుండా ఎంతోమంది హెయిర్ ఫాల్ సమస్యతో ఇబ్బంది పడుతున్నారు. చిన్న వయసు నుంచే ఈ సమస్య కనిపించటం సాధారణమైపోయింది. వైద్య భాషలో దీనిని అలోపేసియా అంటారు. ప్రపంచవ్యాప్తంగా లక్షలాది మందికి ఇది ప్రధాన చికాకుగా మారింది.
ఒక్కోరోజు 50–100 వరకు వెంట్రుకలు రాలడం సహజమే. కానీ ఈ సంఖ్య మించితే హెయిర్ ఫాల్‌గా పరిగణించాలి. వంశపారంపర్యం, హార్మోన్ల అసమతుల్యత, పోషకాహార లోపం, ఒత్తిడి, అనారోగ్య పరిస్థితులు వంటి అనేక కారణాలు జుట్టు రాలడానికి దోహదపడతాయి.
జుట్టు రాలడానికి కారణాలు ఇవే:
స్త్రీలలో: గర్భధారణ, ప్రసవం, మెనోపాజ్
స్త్రీ, పురుషులిద్దరిలో: థైరాయిడ్ సమస్య
పీసీవోఎస్ ఉన్న మహిళలలో: నిరంతర జుట్టు రాలింపు
ఇతర కారణాలు: మందుల ప్రభావం, స్కాల్ప్ ఇన్ఫెక్షన్లు, ఒత్తిడి, పోషకాహార లోపం, చర్మ సమస్యలు, అనారోగ్యం, తప్పని బ్యూటీ చికిత్సలు
ఇంటి చిట్కాలతో సహజ చికిత్సలు:
ఖరీదైన ట్రీట్మెంట్లు కాకుండా, ఇంట్లో లభ్యమయ్యే పదార్థాలతో జుట్టు రాలే సమస్యను అదుపులో పెట్టవచ్చు. దీనికి సరైన ఆహారం, సరైన సంరక్షణ ముఖ్యమైనవి.
1. పోషకాహారం మానవజీవితానికి ఆయువు
జుట్టు ఆరోగ్యానికి అవసరమైన ముఖ్యమైన పోషకాలవే:
విటమిన్లు (A, B, C, D, E)
ఐరన్, బయోటిన్
ఒమేగా-3 ఫ్యాటీ యాసిడ్లు
ప్రోటీన్లు
ఈ పోషకాలు లభించే ఆహారాన్ని ప్రతిరోజూ తీసుకోవాలి.
2. తల నూనెతో మర్దన
తరచూ ఈ నూనెలలో ఒకదానితో జుట్టుకు మర్దన చేయండి:
కొబ్బరినూనె
బాదం నూనె
ఆముదం
ఆలివ్ ఆయిల్
రోజ్‌మెరీ ఆయిల్
రాత్రంతా నూనె ఉంచడం లేదా 1 గంట తర్వాత తలస్నానం చేయడం వల్ల శిరోజాలకు మంచి ఫలితం ఉంటుంది.
3. ఉల్లిపాయ రసం
ఉల్లిపాయ రసాన్ని జుట్టుకు మర్దన చేసి 30 నిమిషాలు తర్వాత తలస్నానం చేస్తే, జుట్టు రాలడం తగ్గుతుంది. శిరోజాలు దృఢంగా పెరుగుతాయి.
4. అలొవెరా మాంత్రిక మందు
కలబంద జెల్‌ను జుట్టు కుదుళ్లకు నేరుగా అప్లై చేసి 30 నిమిషాల తర్వాత కడిగితే శిరోజాలు ఒత్తుగా మారుతాయి. కాంతివంతంగా మెరుస్తాయి.
5. మెంతుల మాస్క్
రాత్రంతా నానబెట్టిన మెంతులను పేస్ట్ చేసి జుట్టుకు అప్లై చేయండి. 30 నిమిషాల తర్వాత కడిగితే మంచి ఫలితాలుంటాయి.
6. ఉసిరికాయ రసం
ఉసిరికాయ రసాన్ని జుట్టుకు రాసినా, లేదా ఉదయం పరగడుపున తాగినా శిరోజాల ఆరోగ్యం మెరుగవుతుంది.
7. కోడిగుడ్డు మాస్క్
ఒక కోడిగుడ్డులో తేనె కలిపి జుట్టుకు రాసి 20 నిమిషాల తర్వాత కడిగితే జుట్టు రాలడం తగ్గుతుంది. కొత్త జుట్టు పెరిగే అవకాశాలు కూడా ఎక్కువవుతాయి.
జుట్టు రాలే సమస్యను స్వభావంగా పరిష్కరించేందుకు ఖరీదైన ట్రీట్మెంట్లు అవసరం లేదు. ఇంటి వద్దే ఈ సహజ చిట్కాలు పాటించటం ద్వారా మీరు ఆరోగ్యవంతమైన, ఒత్తైన, నిగారింపు ఉన్న శిరోజాలను పొందొచ్చు.
Comment List