ఢిల్లీ: ఐపీఎల్ 2025 సీజన్‌లో ప్లేఆఫ్స్‌ రేసు నుంచి తప్పుకున్నా, సన్‌రైజర్స్‌ హైదరాబాద్‌ రికార్డు స్కోర్లు నమోదు చేయడంలో తనదైన ముద్ర వేస్తోంది. డిఫెండింగ్‌ చాంపియన్స్‌ కోల్‌కతా నైట్‌రైడర్స్‌పై ఆదివారం జరిగిన మ్యాచ్‌లో SRH 20 ఓవర్లలో 278/3 స్కోరు చేయడం ద్వారా ఐపీఎల్ చరిత్రలో మూడో అత్యధిక స్కోరు సాధించింది.క్లాసెన్‌ కేవలం 39 బంతుల్లోనే 105 నాటౌట్‌ (7 ఫోర్లు, 9 సిక్సర్లు) తో చెలరేగగా, ట్రావిస్‌ హెడ్‌ 40 బంతుల్లో 76 పరుగులు (6 ఫోర్లు, 6 సిక్సర్లు) తో మెరిశాడు. మరోవైపు, అభిషేక్ శర్మ 16 బంతుల్లో 32 పరుగులు చేసి శుభారంభం ఇచ్చాడు.పవర్‌ ప్లేలోనే 79/0 స్కోరు చేసిన SRH, 10 ఓవర్లకే 139/1 వద్దకు చేరింది. క్లాసెన్‌ 17 బంతుల్లోనే అర్ధశతకం సాధించాడు. హెడ్‌ ఔటైన తర్వాత కూడా క్లాసెన్‌ దూకుడు తగ్గించకుండా ఇషాన్‌ కిషన్‌ (29) తో కలిసి 83 పరుగుల భాగస్వామ్యం నమోదు చేశాడు.కోల్‌కతా జట్టు 278 పరుగుల లక్ష్యాన్ని ఛేదించలేక 18.4 ఓవర్లలో 168 పరుగులకు ఆలౌటయ్యింది. మనీష్‌ పాండే (37), హర్షిత్‌ రానా (34*), సునీల్‌ నరైన్‌ (31) రాణించినా పరాజయాన్ని తప్పించలేకపోయారు. SRH బౌలర్లలో ఉనద్కత్‌ (3/24), హర్ష్‌ దూబే (3/34) ప్రభావం చూపారు.
సంక్షిప్త స్కోర్లు:
సన్‌రైజర్స్‌ హైదరాబాద్‌: 278/3 (క్లాసెన్‌ 105*, హెడ్‌ 76)
కోల్‌కతా నైట్‌రైడర్స్‌: 168 ఆలౌట్ (18.4 ఓవర్లలో)
SRH విజయం: 110 పరుగుల తేడాతో
ఐపీఎల్‌లో అత్యధిక స్కోర్లు (టాప్‌ 4):
SRH – 287/3 vs బెంగళూరు (2024)
SRH – 286/6 vs రాజస్థాన్‌ (2025)
SRH – 278/3 vs కోల్‌కతా (2025)
SRH – 277/3 vs ముంబై (2024)
Comment List