మూడు నెలల రేషన్ బియ్యం ఒకేసారి పంపిణీ చేస్తున్న మోదీ ప్రభుత్వం..

లోకల్ గైడ్ తెలంగాణ దోమ 

 వికారాబాద్ జిల్లా దోమ మండల బిజెపి  ప్రధాన కార్యదర్శి దోమ నర్సింలు శనివారం నాడు ఒక ప్రకటన విడుదల చేశారు. జూన్ లోనే మూడు నెలల రేషన్ బియ్యం పంపిణీ చేయడం ఒక మోడీ ప్రభుత్వానికే సాధ్యమని అన్నారు. ఈ సందర్భంగా వారు మాట్లాడుతూ గ్రామాలను అభివృద్ధి చేసేది పేద ప్రజల ఆకలి తీర్చే కేంద్ర ప్రభుత్వమే పేద ప్రజలకు ఇబ్బంది కలుగకూడదని రాబోయే వర్షాకాలం దృష్టిలో పెట్టుకొని మూడు నెలలకు ఒకేసారి సరిపడే రేషన్ బియ్యం పంపిణీ చేస్తున్న ఈ ప్రభుత్వానికి  మరొకసారి కృతజ్ఞతలు తెలుపుకుంటున్నాను. రాబోయే రోజుల్లో వర్షాలు వరదలు వచ్చే అవకాశలు ఉన్నందున బియ్యం రవాణా శాఖలో  ఇబ్బందులు ఏర్పడే అవకాశం ఉండడంతో జూన్, జూలై, ఆగష్టు నెలలకు సంబంధించిన రేషన్ బియ్యం కోటను మాసంలోనే పేదలకు జూన్ 1 నుండి 30 వ తేదీ వరకు పంపిణీ చేయాలని ఆదేశాలు ఇవ్వడం హర్షం వ్యక్తం చేశారు. భారతదేశంలోని చిట్ట చివరి గ్రామాన్ని సైతం అభివృద్ధి చేసేదే పేద ప్రజల ఆకలి తీర్చే మోడీ కేంద్ర ప్రభుత్వమే అని చెప్పుకున్నారు. రేషన్ బియ్యం ఒకేసారి ఉచితంగా పంపిణీ చేస్తున్న ప్రధానమంత్రి నరేంద్ర మోడీ కేంద్ర ప్రభుత్వానికి ధన్యవాదాలు తెలుపుతూ ఈ అవకాశాన్ని రేషన్ కార్డులు కలిగిన ప్రజలందరూ సద్వినియోగం చేసుకోవాలని కోరారు.