రుతుపవనాల ప్రభావంతో మే చివరి వారంలో రాష్ట్రవ్యాప్తంగా వర్షాలు విస్తృతంగా కురిశాయి. కొన్ని ప్రాంతాల్లో భారీ వర్షాలు నమోదయ్యాయి. అయితే జూన్ నెల ప్రారంభంలో వారం రోజులుగా వడదెబ్బలు, ఎండలతో ప్రజలు తీవ్ర ఉక్కపోతను ఎదుర్కొంటున్నారు. ఈ నేపథ్యంలో, మరోసారి వర్షాలు కురిసే అవకాశం ఉందని వాతావరణ శాఖ హెచ్చరించింది.హైదరాబాద్ వాతావరణ కేంద్రం తాజా నివేదిక ప్రకారం, రాష్ట్రంలో వచ్చే మూడు రోజుల్లో (సోమవారం నుంచి బుధవారం వరకు) మోస్తరు నుంచి భారీ వర్షాలు కురిసే సూచనలు కనిపిస్తున్నాయి. ద్రోణి ప్రభావంతో ఉరుములు, మెరుపులు, గంటకు 30–40 కిలోమీటర్ల వేగంతో ఈదురుగాలులు వీసే అవకాశం ఉందని అధికారులు పేర్కొన్నారు.
వర్ష సూచనల మేరకు జిల్లాల వారీగా వివరాలు ఇలా ఉన్నాయి:
సోమవారం (జూన్ 9):
వికారాబాద్, సంగారెడ్డి, మెదక్, కామారెడ్డి, మహబూబ్‌నగర్, నాగర్‌కర్నూల్, వనపర్తి, నారాయణపేట, జోగులాంబ గద్వాల జిల్లాల్లో మోస్తరు నుంచి భారీ వర్షాలు కురిసే అవకాశముంది.
మంగళవారం (జూన్ 10):
సూర్యాపేట, నల్లగొండ, ఖమ్మం, భద్రాద్రి కొత్తగూడెం, మహబూబాబాద్, హైదరాబాద్, మేడ్చల్ మల్కాజిగిరి, సిద్దిపేట, యాదాద్రి భువనగిరి, రంగారెడ్డి, వికారాబాద్, సంగారెడ్డి, మెదక్, కామారెడ్డి, మహబూబ్‌నగర్, నాగర్‌కర్నూల్, వనపర్తి, నారాయణపేట, జోగులాంబ గద్వాల జిల్లాల్లో వర్షాలు పడే అవకాశం ఉంది.
బుధవారం (జూన్ 11):
జయశంకర్ భూపాలపల్లి, ములుగు, ఖమ్మం, భద్రాద్రి కొత్తగూడెం, నల్లగొండ, సూర్యాపేట, మహబూబాబాద్, వరంగల్, హనుమకొండ, జనగాం, సిద్దిపేట, యాదాద్రి భువనగిరి, రంగారెడ్డి, హైదరాబాద్, మేడ్చల్ మల్కాజిగిరి, వికారాబాద్, సంగారెడ్డి, మెదక్, కామారెడ్డి, మహబూబ్‌నగర్, నాగర్‌కర్నూల్, వనపర్తి, నారాయణపేట, జోగులాంబ గద్వాల జిల్లాల్లో చింతించదగిన స్థాయిలో వర్షాలు కురిసే అవకాశం ఉందని వెల్లడించారు.ప్రజలు తగిన జాగ్రత్తలు పాటించాలని, ముఖ్యంగా వ్యవసాయదారులు వాతావరణ పరిస్థితులను గమనిస్తూ పంటల నిర్వహణలో అప్రమత్తంగా ఉండాలని వాతావరణ శాఖ సూచించింది.
Comment List