రవితేజ కోసం

నాయికగా కేతిక శర్మను నిర్ణయించినట్లు సమాచారం

మాస్ జాతరను పూర్తి చేసుకున్న కథానాయకుడు రవితేజ, తన కొత్త చిత్రాన్ని ప్రారంభించేందుకు సన్నాహాలు చేస్తున్నారు. కిశోర్ తిరుమల దర్శకత్వంలో రూపొందనున్న ఈ సినిమాను ఎస్.ఎల్.వి సినిమాస్ బ్యానర్‌లో సుధాకర్ చెరుకూరి నిర్మించనున్నారు. ఇందులో ఇద్దరు కథానాయికలకు అవకాశం ఉండబోతోంది. మొదట మమితా బైజు, కయాదు అనే పేర్లు ఈ పాత్రల కోసం పరిశీలనలో ఉన్నట్టు వార్తలు వచ్చాయి, కానీ ఇప్పుడు నాయికగా కేతిక శర్మను నిర్ణయించినట్లు సమాచారం. ఇప్పటికే ఆమెతో సంబంధించిన సంప్రదింపులు పూర్తయినట్టు తెలుస్తోంది. ఈ చిత్రం వినోదభరిత యాక్షన్ కథగా రూపుదిద్దుకుంటున్నది. ప్రస్తుతం పూర్వనిర్మాణ పనులు కొనసాగుతున్న ఈ చిత్రం జులై నెల నుంచి షూటింగ్ మొదలుపెట్టే అవకాశముంది. ‘అనార్కలి’ అనే పేరును చిత్రానికి పరిశీలనలో ఉంచారు అన్న ప్రచారాలు కూడా వినిపిస్తున్నాయి.