జూన్ రెండో వారం నుంచి విస్తారంగా వ‌ర్షాలు........

హైదరాబాద్‌: నైరుతి రుతుపవనాల ప్రభావంతో తెలుగు రాష్ట్రాల్లో ఇప్పటికే భారీగా వర్షాలు కురుస్తున్నాయి. అంతేగాక, వాయుగుండం ప్రభావం కూడా కొనసాగుతున్న నేపథ్యంలో వాతావరణశాఖ కీలక ప్రకటన చేసింది. తెలంగాణ మరియు ఆంధ్రప్రదేశ్‌లో నైరుతి రుతుపవనాలు విస్తరిస్తున్నాయని తెలిపింది.జూన్ రెండో వారం నాటికి రుతుపవనాల ప్రభావం మరింతగా పెరిగి విస్తారంగా వర్షాలు కురిసే అవకాశముందని అంచనా వేసింది. ప్రస్తుతం రుతుపవనాలు విస్తరిస్తుండటంతో, రెండు రాష్ట్రాల్లో మరో వారం రోజులపాటు వర్షాలు కొనసాగే అవకాశం ఉందని వాతావరణశాఖ హెచ్చరించింది.