బరోసా కేంద్రం అండగా నిలవడం అభినందనీయం 

గద్వాల, లోకల్ గైడ్ :
 లైంగిక వేధింపులకు గురైన మహిళలకు ఒకే గొడుగు క్రింద వైద్య, న్యాయ, కౌన్సిలింగ్, సైకలాజికల్ సపోర్ట్ అందిస్తూ బరోసా కేంద్రం అండగా నిలవడం అభినందనీయం అని జిల్లా ఎస్పీ టి. శ్రీనివాస రావు అన్నారు. భరోసా కేంద్రం 3వ వార్షికోత్సవాన్ని జిల్లా ఎస్పీ ఆధ్వర్యంలో బరోసా సిబ్బంది బాధిత మహిళతో ఘనంగా జరుపుకున్నారు. అందులో భాగంగా భరోసా డబ్ల్యూఎస్ఐ స్వాతి భరోసా కేంద్రంలో ఇప్పటి వరకు నమోదైన కేసుల వివరాలు,  బాధితులకు అందిస్తున్న  కౌన్సెలింగ్, వైద్య, విద్య, న్యాయ సహాయాలతో పాటు 
కొంత మంది బాధితులకు అందిస్తున్న తక్షణ ఆర్థిక సహాయం వివరాలు జిల్లా ఎస్పీ కి వివరించారు. భరోసా కేంద్రానికి వచ్చిన బాధితుల్లో కొంతమంది పదవ తరగతి విద్యార్థులను ప్రశంసిస్తూ బహుమతులను ఇవ్వటం జరిగింది. ఈ సందర్భంగా జిల్లా ఎస్పీ మాట్లాడుతూ లైంగిక వేధింపులకు గురైన బాధితులకు స్టేట్మెంట్ రికార్డు పకడ్బందీగా నిర్వహించడం తో పాటు మెరుగైన వైద్య, న్యాయ, కౌన్సిలింగ్ సేవలు  అందించాలని అన్నారు . అలాగే బాధిత మహిళలు ఎలాంటి చులకన బావానికి గురికాకుండా కౌన్సిలింగ్ ఇవ్వడంతో పాటు భవిష్యత్ లో వారి కాళ్ళ మీద వారు ఆర్థికంగా నిలబడేలా బరోసా కల్పించాలని బరోసా సిబ్బంది కి సూచనలు, సలహాలు ఇవ్వాలనీ, భరోసా కేంద్రానికి వచ్చిన బాధితులకు అండగా నిలబడుతూ, 24 గంటలు భరోసా అందుబాటులో ఉంటూ, నిబద్ధతతో  సేవలు అందించాలని అన్నారు. ఇప్పటి వరకు బరోసా సిబ్బంది అందిస్తున్న సేవల తీరుని ప్రశంసిస్తూ భరోసా సిబ్బందిని ఎస్పీ అభినందించారు. ఈ కార్యక్రమంలో గద్వాల డీఎస్పీ మొగిలయ్య, భరోసా కోఆర్డినేటర్ శివాని, స్రవంతి, శ్వేత, శిరీష, కవిత, కీర్తి పాల్గొన్నారు.