బాధిత కుటుంబాలకు మనీషా ఓదార్పు

కారేపల్లిలో మృతుల కుటుంబాలను పరామర్శించిన బీఆర్ఎస్ నాయకురాలు

Published On 29 Sep 2026 15:48:56

By Ram Reddy

IMG-20260929-WA0096

సింగరేణి మండలం కారేపల్లి గ్రామంలో బీఆర్ఎస్ వైరా నియోజకవర్గ నాయకురాలు బాణోత్ మనీషా లక్ష్మి మదన్ లాల్ పర్యటించి మృతుల కుటుంబాలను పరామర్శించారు. బీఆర్ఎస్ నాయకుడు చింతల సంపత్ తండ్రి చింతల హనుమంతు గుండెపోటుతో మృతి చెందడంతో ఆయన పార్థివదేహాన్ని సందర్శించి పూలమాల వేసి నివాళులర్పించారు. అనంతరం కుటుంబ సభ్యులను పరామర్శించి ఓదార్పు తెలిపారు. అలాగే ఇటీవల మృతి చెందిన పాలిక కొమరమ్మ కుటుంబాన్ని మనీషా పరామర్శించి కుటుంబ సభ్యులను ఓదార్చారు. ఈ సందర్భంగా కుటుంబ సభ్యులకు ధైర్యం చెప్పారు. ప్రజలు, పార్టీ శ్రేణులతో మమేకమై వారి కష్టసుఖాల్లో అండగా నిలవడం తన బాధ్యతగా భావిస్తున్నట్లు ఆమె పేర్కొన్నారు. ఈ కార్యక్రమంలో గ్రామ పెద్దలు, బీఆర్ఎస్ నాయకులు, కార్యకర్తలు, పార్టీ శ్రేణులు పాల్గొన్నారు.