ఆగస్టు 29(లోకల్ గైడ్) కన్నడ రాకింగ్ స్టార్ యష్ కథానాయకుడిగా, గీతూ మోహన్‌దాస్ దర్శకత్వంలో తెరకెక్కిన 'టాక్సిక్: ఎ ఫెయిరీ టేల్ ఫర్ గ్రోన్-అప్స్' చిత్రం బాక్సాఫీస్ వద్ద తీవ్ర ఊగిసలాటను ఎదుర్కొంటోంది. ఆగస్టు 26న విడుదలైన ఈ సినిమా తొలిరోజే భారత్‌లో రూ. 101.10 కోట్ల నెట్ వసూళ్లతో రికార్డు స్థాయి బోణీ కొట్టింది. అయితే రెండవ రోజు నుంచే కలెక్షన్లలో స్పష్టమైన తగ్గుదల కనిపిస్తోంది. గురువారం రూ. 37.65 కోట్లు సాధించగా, శుక్రవారం ఏకంగా 29.3% తగ్గి రూ. 26.60 కోట్ల నెట్ కలెక్షన్లు మాత్రమే రాబట్టింది. దీంతో ఇప్పటివరకు భారతదేశంలో మొత్తం నెట్ వసూళ్లు రూ. 165.35 కోట్లకు (గ్రస్ రూ. 197.70 కోట్లు) చేరగా, ప్రపంచవ్యాప్తంగా రూ. 221.45 కోట్ల వసూళ్లను సాధించింది. శాక్నిల్క్ (Sacnilk) నివేదిక ప్రకారం, శుక్రవారం రోజున కన్నడ వెర్షన్‌కు 36.12% ఆక్యుపెన్సీ నమోదు కాగా, హిందీ వెర్షన్ 26.75% నమోదు చేసుకుంది.
About The Author
