- District News
- డిసెంబర్ 9న హైదరాబాద్లో ఆదివాసీ జన గర్జన సభను విజయవంతం చేయాలి
డిసెంబర్ 9న హైదరాబాద్లో ఆదివాసీ జన గర్జన సభను విజయవంతం చేయాలి
లక్షలాది మంది ఆదివాసీలతో భారీ బహిరంగ సభ నిర్వహణకు తుడుం దెబ్బ పిలుపు
మణుగూరు లోకల్ గైడ్ న్యూస్ :
డిసెంబర్ 9న హైదరాబాద్లో నిర్వహించనున్న ఆదివాసీ భారీ బహిరంగ సభను లక్షలాది మంది ఆదివాసీలు తరలివచ్చి విజయవంతం చేయాలని తుడుం దెబ్బ నాయకులు పిలుపునిచ్చారు. ఈ మేరకు ఆదివారం మణుగూరు మండల కేంద్రంలోని గిరిజన భవన్లో తుడుం దెబ్బ నూతన మండల కమిటీ సమావేశం భద్రాద్రి కొత్తగూడెం జిల్లా ప్రధాన కార్యదర్శి పోలబోయిన వెంకట్ నారాయణ సమక్షంలో నిర్వహించారు. ఈ సందర్భంగా జిల్లా అధికార ప్రతినిధి పద్దం శ్రీనివాస్ మాట్లాడుతూ డాక్టర్ మైపతి అరుణ్ కుమార్ నాయకత్వంలో ఆదివాసీల సమస్యల పరిష్కారం, హక్కుల సాధన కోసం బలమైన డిమాండ్లతో హైదరాబాద్ నడిబొడ్డున భారీ బహిరంగ సభ నిర్వహిస్తున్నట్లు తెలిపారు. ఈ సభకు ఆదివాసీలు పెద్ద సంఖ్యలో తరలివచ్చి విజయవంతం చేయాలని కోరారు. గూడాల నుంచి నిరుద్యోగ యువత, మహిళలు, ఉద్యమ నాయకులు, ఆదివాసీ సంఘాల ప్రతినిధులు ప్రతి ఒక్కరూ ఈ ఉద్యమంలో భాగస్వాములు కావాలని పిలుపునిచ్చారు. ఆదివాసీల హక్కులు, సమస్యల పరిష్కారం కోసం ఐక్యంగా ఉద్యమించి, డిసెంబర్ 9న హైదరాబాద్లో ఆదివాసీ ఐక్యతా శక్తిని చాటాలని నాయకులు కోరారు.
