అంబేద్కర్ విగ్రహం వద్ద క్లీన్ అండ్ గ్రీన్ గా ఉంచాలి 

 
కరీంనగర్ నవంబర్ 8 లోకల్ గైడ్ ప్రతినిధి :
 కరీంనగర్ పట్టణంలోని కోర్టు వద్ద గల అంబేద్కర్ విగ్రహం వద్ద క్లీన్ అండ్ గ్రీన్ గా ఉంచాలని ప్రజామిత్ర ప్రోగ్రెసివ్ డెమొక్రటిక్ ఫ్రంట్ రాష్ట్ర అధ్యక్షుడు కొరివి వేణుగోపాల్ అన్నారు.

 నవంబర్ 1 ఆదివారం మొదలుపెట్టిన అంబేద్కర్ విగ్రహానికి ప్రతి ఆదివారం ఉదయం పది గంటలకు పూలమాలలు వేయాలని పిలుపునిచ్చిన విషయం అందరికీ తెలిసిందే. అందులో భాగంగా నవంబర్ రెండవ ఆదివారం రోజున ఉదయం 10 గంటలకు అంబేద్కర్ అభిమానులు కొరివి వేణుగోపాల్  ఆధ్వర్యంలో పూలమాలలు వేశారు.

 ఈ సందర్భంగా ఆయన మాట్లాడుతూ అంబేద్కర్ కూడలిలో వ్యాపార, వాణిజ్య, ప్రభుత్వ ప్రకటనలు, జాతీయ పార్టీలు,ప్రాంతీయ పార్టీల నాయకుల ప్రకటనల, ప్రచార ఫ్లెక్సీలను  కట్టవద్దని ఆయన కోరారు.

 ఎందుకంటే వాటి మూలంగా అంబేద్కర్ విగ్రహం కనబడుట లేదు. అలాగే ఆయన ప్రాముఖ్యత, పవిత్రత దెబ్బతింటుందన్నారు.
 అలాగే అంబేద్కర్ కూడలల్లో పూల మొక్కలు, పచ్చని గ్రీనరీని పెంచాలని కరీంనగర్ మున్సిపల్ కమిషనర్ ను కోరారు. ఇక ముందు ఎవరు కూడా అక్కడ. ఫ్లెక్సీలు పెట్టకుండా కరీంనగర్ కమిషనర్ ఆఫ్ పోలీస్ గారు తగిన చర్యలు తీసుకోవాలని కోరారు.

 ఈ కార్యక్రమంలో గజ్జల ఆనందరావు, చిగిరి శ్రీధర్, మండిగ మాణిక్యరావు, ఎడ్ల రాంకుమార్, గాదం రవీందర్, తాళ్ల వెంకటేష్, మాడేపు నరసయ్య, కొంపెల్లి రవీందర్, లింగంపల్లి సత్యనారాయణ తదితరులు పాల్గొన్నారు.