నకిలీ బంగారాన్ని అసలు బంగారంగా నమ్మించి అమాయకుల సొమ్మును కాజేస్తున్న ఒక కిలాడీ లేడీ ఉదంతం ఉసిరికాయలపల్లిలో కలకలం రేపింది. గుట్టుచప్పుడు కాకుండా నకిలీ బంగారంతో వ్యాపారం సాగిస్తున్న సదరు మహిళ, తాజాగా మరో పెద్ద స్కెచ్ వేసి అడ్డంగా దొరికిపోయింది.
స్థానికంగా విశ్వసనీయ సమాచారం ప్రకారం.. ఉసిరికాయలపల్లికి చెందిన ఓ మహిళ గత కొంతకాలంగా నకిలీ బంగారాన్ని అమ్ముతూ అక్రమంగా డబ్బులు సంపాదిస్తోంది. ఈ క్రమంలోనే తాజాగా ఒక వ్యక్తిని టార్గెట్ చేసింది. "నా దగ్గర తక్కువ ధరకే లభించే అసలు బంగారం ఉంది.. అత్యవసరంగా డబ్బులు కావాలి" అంటూ సదరు వ్యక్తిని నమ్మబలిపింది. ఆమె మాటలు నమ్మిన బాధితురాలు పెద్ద మొత్తంలో డబ్బులు ఇచ్చి ఆ బంగారాన్ని కొనుగోలు చేయడానికి సిద్ధమయ్యాడు.
అయితే, సదరు మహిళ ప్రవర్తనపై అనుమానం వచ్చిన బాధితురాలు.. ఆ బంగారాన్ని నిశితంగా పరిశీలించారు. తీరా పరీక్షించి చూడగా అది అసలు బంగారం కాదని, గిల్టు/నకిలీ బంగారం అని తేలింది. దీంతో సదరు కిలాడీ లేడీ వేసిన ప్లాన్ కాస్తా తలకిందులైంది. తృటిలో తన డబ్బులు పోకుండా కాపాడుకున్న బాధితురాలు, సదరు మహిళ చేస్తున్న మోసాన్ని అందరి ముందు బయటపెట్టాడు.
ఈ నకిలీ బంగారం దందాపై సమాచారం అందుకున్న స్థానికులు ఒక్కసారిగా షాక్‌కు గురయ్యారు. ఉసిరికాయలపల్లి పరిసర ప్రాంతాల్లో ఇలాంటి నకిలీ బంగారంతో ఇంకా ఎవరైనా మోసపోయారా అనే కోణంలో చర్చ నడుస్తోంది. తక్కువ ధరకు బంగారం వస్తుందని నమ్మి ప్రజలెవ్వరూ మోసపోవద్దని పెద్దలు హెచ్చరిస్తున్నారు. ఈ ఘటనపై పూర్తి వివరాలు ఇంకా తెలియాల్సి ఉంది.
About The Author
