పోలీసుల సహకారం అందించాలి

సిఐ ని కలిసిన హాల్ మార్క్ విసినియా అపార్ట్మెంట్స్ సభ్యులు

Published On 22 Aug 2026 17:47:03

By Ram Reddy

గండిపేట్, ఆగస్టు 22 (లోకల్ గైడ్):

ప్రజల రక్షణకు పోలీసుల సహకారం అందించాలని హాల్ మార్క్ విసినియా అపార్ట్మెంట్స్ సభ్యులు నార్సింగి సి ఐ డి విష్ణువర్ధన్ రెడ్డిని కోరారు. శనివారం నార్సింగి సర్కిల్ పోలీస్ స్టేషన్ సీఐ విష్ణువర్ధన్ రెడ్డిని ఆల్ మార్క్ విసినియా అపార్ట్మెంట్స్ సభ్యులు శాలువాతో సత్కరించి పుష్పగుచ్చాన్ని అందిస్తూ మర్యాదపూర్వకంగా కలిశారు. కాలనీ సమస్యలను పరిష్కరించేందుకు పరస్పర గౌరవం సహకారం సానుకూలమైన కమ్యూనికేషన్ ఉండాలని సిఐని కోరారు. ఈ సందర్భంగా సిఐ విష్ణువర్ధన్ రెడ్డి మాట్లాడుతూ.... న్యాయపరమైన సమస్యలను పరిష్కరించేందుకు నిరంతరం తన వంతు కృషి చేస్తానని ఆయన హామీ ఇచ్చారు. ఈ కార్యక్రమంలో ఆల్ మార్క్ విసినియా అపార్ట్మెంట్ అధ్యక్షులు జైపాల్ రెడ్డి, లింగరాజు, అయ్యప్ప రెడ్డి, సుబ్బారావు, గోవర్ధన్, గౌతమ్ తదితరులు పాల్గొన్నారు.