ఖమ్మం జిల్లా వైరా పట్టణంలోని గ్లోబల్ కిడ్స్ ప్లే స్కూల్లో కృష్ణాష్టమి వేడుకలను ఘనంగా నిర్వహించారు. ఈ సందర్భంగా చిన్నారులను శ్రీకృష్ణుడు, గోపికల వేషధారణలో అలంకరించి ప్రత్యేక ఆకర్షణగా నిలిపారు.
పాఠశాల నిర్వాహకులు చిన్నారులతో ఉట్టి కొట్టే వేడుకను అట్టహాసంగా ప్రారంభించారు. అనంతరం వారు మాట్లాడుతూ ప్రతి సంవత్సరం పాఠశాలలో కృష్ణాష్టమి వేడుకలను నిర్వహిస్తున్నామని, శ్రీకృష్ణుడి ఆశీస్సులు విద్యార్థులపై ఎల్లప్పుడూ ఉండాలని ఆకాంక్షించారు.
కృష్ణుడి వేషధారణలో చిన్నారులు ఉట్టి కొట్టే కార్యక్రమంలో ఉత్సాహంగా పాల్గొనగా, గోపికల వేషధారణలో ఉన్న బాలికలు నిర్వహించిన సాంస్కృతిక కార్యక్రమాలు ఆకట్టుకున్నాయి. చిన్నారుల ఆటపాటలతో పాఠశాల ప్రాంగణం సందడిగా మారింది.
ఈ కార్యక్రమంలో పాఠశాల ఉపాధ్యాయినీ, ఉపాధ్యాయులు, విద్యార్థులు, తల్లిదండ్రులు పాల్గొని వేడుకలను విజయవంతం చేశారు.
About The Author
Related Posts
Latest News
04 Sep 2026 19:08:27
మహిళా సంఘాలకు అండగా ప్రభుత్వం.. వడ్డీలేని రుణాలు, ఉపాధి అవకాశాలు. సత్తుపల్లిలో ఇందిర మహిళాశక్తి సదస్సు లో పాల్గొని మహిళలకు ఇందిరమ్మ చీరల పంపిణీ చేసిన మంత్రి...
