తుర్కపల్లి, ఆగస్టు 15:( లోకల్ గైడ్ )
80వ స్వాతంత్ర్య దినోత్సవం సందర్భంగా తుర్కపల్లి మండల కేంద్రంలోని జిల్లా పరిషత్ ఉన్నత పాఠశాల, పడాల హైస్కూల్లో నిర్వహించిన స్వాతంత్ర్య దినోత్సవ వేడుకల్లో తుర్కపల్లి 3వ వార్డు మెంబర్ సోమల్ల కరుణాకర్ పాల్గొన్నారు.
ఈ సందర్భంగా గత విద్యా సంవత్సరంలో పదో తరగతి ఫలితాల్లో మండల స్థాయిలో ప్రథమ ర్యాంకు సాధించిన తాటికొండ వైష్ణవి (తండ్రి: బాలరాజు), మండల స్థాయిలో ద్వితీయ ర్యాంకు సాధించిన షేక్ నాజియా (తండ్రి: ఇంతియాజ్)లను అభినందించారు.
అలాగే జిల్లా పరిషత్ ఉన్నత పాఠశాలలో పాఠశాల స్థాయిలో ద్వితీయ ర్యాంకు సాధించిన పోకనాటి గౌతమి (తండ్రి: వీరబాబు)ను సైతం అభినందించారు.
విద్యార్థుల ప్రతిభను ప్రోత్సహించే ఉద్దేశంతో సోమల్ల కరుణాకర్ తన వంతుగా చిరు బహుమతులు అందజేశారు. విద్యార్థులు ఇదే స్ఫూర్తితో ఉన్నత లక్ష్యాలను సాధించాలని ఆకాంక్షించారు. ప్రతిభావంతులైన విద్యార్థులను ప్రోత్సహించడం ద్వారా తోటి విద్యార్థుల్లో కూడా చదువుపై ఆసక్తి, పోటీతత్వం పెరుగుతుందని అన్నారు.
About The Author
.jpeg)
