బోడుప్పల్ డివిజన్కు చెందిన Y. సుధాకర్ రావు, బోడుప్పల్ బ్రాహ్మణ సంఘం అధ్యక్షుడు Y. శ్రీనివాస్తో పాటు సుమారు 50 మంది పెద్దలు బీజేపీ కండువా కప్పుకున్నారు. డివిజన్ అధ్యక్షుడు రవి యాదవ్, మాజీ కార్పొరేటర్ సామల పవన్ రెడ్డి, నందకుమార్ జోషి ఆధ్వర్యంలో ఈ చేరికలు జరిగినట్లు పార్టీ వర్గాలు తెలిపాయి.
బోడుప్పల్ అభివృద్ధి కోసమే బీజేపీలో చేరికలు
బోడుప్పల్ ప్రజల సమస్యలకు శాశ్వత పరిష్కారం బీజేపీతోనే సాధ్యమనే నమ్మకంతో పలువురు ప్రముఖులు పార్టీలో చేరినట్లు నాయకులు తెలిపారు.
బోడుప్పల్ అభివృద్ధి, ప్రజా సమస్యల పరిష్కారం, అవినీతి రహిత పాలన కోసం బీజేపీతో కలిసి పనిచేయాలని నిర్ణయించుకున్నట్లు పేర్కొన్నారు.
కాంగ్రెస్, బీఆర్ఎస్పై విమర్శలు
ప్రజా సమస్యలను పరిష్కరించడంలో కాంగ్రెస్, బీఆర్ఎస్ నాయకత్వాలు విఫలమయ్యాయని చేరికల సందర్భంగా బీజేపీ నాయకులు విమర్శించారు.
ప్రజా సమస్యలను పక్కనపెట్టి వ్యక్తిగత ప్రయోజనాలు, రాజకీయ స్వప్రయోజనాలకే ప్రాధాన్యత ఇచ్చారనే భావనతో ప్రజలు విసిగిపోయారని వారు పేర్కొన్నారు.
బోడుప్పల్లో మార్పు మొదలైందన్న బీజేపీ
తాజా చేరికలతో బోడుప్పల్లో బీజేపీ మరింత బలోపేతమైందని పార్టీ నాయకులు తెలిపారు.
“బోడుప్పల్లో మార్పు మొదలైంది.. ప్రజల కోసం బీజేపీ.. బోడుప్పల్ అభివృద్ధి కోసం బీజేపీ” అంటూ నాయకులు నినదించారు.
About The Author
