మంత్రి శ్రీహరికి రాష్ట్ర సగర సంఘం సత్కారం

శేరిలింగంపల్లి, (లోకల్ గైడ్ ): తెలంగాణ రాష్ట్ర పశుసంవర్ధక, పాడి పరిశ్రమ, క్రీడలు, మత్సకార,  యువజన సర్వీసుల శాఖ మంత్రి డాక్టర్ వాకిటి శ్రీహరి సోమవారం సచివాలయం లోని తన ఛాంబర్ లో బాధ్యతలు చేపట్టిన సందర్భంగా తెలంగాణ సగర సంఘం మంత్రికి సత్కరించి శుభాకాంక్షలు తెలియజేసింది. తెలంగాణ సగర సంఘం రాష్ట్ర అధ్యక్షులు ఉప్పరి శేఖర్ సగర, ప్రధాన కార్యదర్శి గౌరక్క సత్యం సగర, ఉపాధ్యక్షులు మోడల ఆంజనేయులు సగర, కార్యనిర్వాహక కార్యదర్శి బంగారి ఆంజనేయులు సగర, నారాయణపేట జిల్లా మక్తల్ నియోజకవర్గం నర్వ మండల కాంగ్రెస్ పార్టీ అధ్యక్షులు బీసం చెన్నయ్య సగర లు మంత్రిని తన ఛాంబర్ లో ఘనంగా సత్కరించారు. ఈ సందర్భంగా సగర సంఘం రాష్ట్ర అధ్యక్షులు ఉప్పరి శేఖర్ సగర మాట్లాడుతూ.. బీసీల పక్షపాతిగా ఉన్న ముదిరాజు బిడ్డ డాక్టర్ వాకిటి శ్రీహరికి క్యాబినెట్ లో స్థానం కల్పించినందుకు కాంగ్రెస్ పార్టీ అధినాయకత్వానికి, రాష్ట్ర ముఖ్యమంత్రి రేవంత్ రెడ్డికి ధన్యవాదాలు తెలిపారు. రాబోయే రోజులలో మెజారిటీగా ఉన్న బీసీల కోసం మరో ముగ్గురికి మంత్రివర్గంలో చోటు కల్పించాలని కాంగ్రెస్ పార్టీ అధినాయకత్వానికి విజ్ఞప్తి చేశారు. ఈ కార్యక్రమంలో సగర సంఘం సభ్యులు, తదితరులు పాల్గొన్నారు.