బ్యూరో ప్రతినిధి :
వికారాబాద్ ఆర్టీసీ బస్టాండ్‌ ఆవరణలోని మరుగుదొడ్లకు తాళాలు వేశారంటూ ఇటీవల కొన్ని పత్రికలలో ప్రచురితమైన వార్తలపై వికారాబాద్ ఆర్టీసీ డిపో మేనేజర్ (డిఎం) నమ్రత స్పందించారు. ఈ సందర్భంగా ఆమె మాట్లాడుతూ వార్తలలో పేర్కొన్న అంశాలపై స్పష్టతనిచ్చారు.
బస్టాండ్‌లోని మరుగుదొడ్ల నీటి పైప్‌లైన్ హఠాత్తుగా పగిలిపోవడంతో నీరు పెద్దఎత్తున బయటికి వచ్చి చేరిందని, అందుకే పరిశుభ్రత దృష్ట్యా తాత్కాలికంగా మరుగుదొడ్లకు తాళం వేయాల్సి వచ్చిందని డిఎం నమ్రత తెలిపారు. ప్రయాణికులు ఎదుర్కొంటున్న ఇబ్బందులను గమనించి, పగిలిపోయిన పైప్‌లైన్ స్థానంలో కొత్తది ఏర్పాటు చేసేందుకు మరమ్మతు పనులను వేగవంతం చేస్తామని వెల్లడించారు.
బస్టాండ్‌కు వచ్చిపోయే ప్రయాణికులకు ఎలాంటి అసౌకర్యం కలగకుండా చూసేందుకు ప్రత్యేక చర్యలు తీసుకుంటున్నామని, త్వరలోనే మరుగుదొడ్ల పనులను పూర్తి చేసి ప్రజలకు అందుబాటులోకి తీసుకొస్తామని ఈ సందర్భంగా డిఎం నమ్రత తెలిపారు.
About The Author
