ఎన్కతల గ్రామంలో  పశువుల నీటి తొట్టి నిర్మాణానికి మార్కింగ్

మోమిన్ పేట మండల పరిధిలోని ఎన్కతల గ్రామంలో పశువుల దాహార్తిని తీర్చేందుకు గ్రామ పంచాయతీ మరియు 'కేవీఆర్ (కేవీర్ ) ట్రస్ట్' సంయుక్తంగా కీలక అడుగు వేశాయి. కేవీఆర్ ట్రస్ట్ ఆర్థిక సౌజన్యంతో గ్రామంలో నిర్మించనున్న పశువుల తాగునీటి తొట్టి (వాటర్ ట్యాంక్) స్థలాన్ని సోమవారం అధికారులు, ప్రజాప్రతినిధులు పరిశీలించి మార్కింగ్ ప్రక్రియను పూర్తి చేశారు.
గ్రామ సర్పంచ్ పటేల్ శ్రీకాంత్ గౌడ్, గ్రామ కార్యదర్శి నర్సింలు మరియు పంచాయతీ అధికారుల సమక్షంలో ఈ స్థల సేకరణ, మార్కింగ్ కార్యక్రమం నిర్వహించారు.
ఈ సందర్భంగా ట్రస్ట్ నిర్వాహకులు మాట్లాడుతూ... వేసవికాలంలో ఎండల తీవ్రత పెరుగుతున్న నేపథ్యంలో గ్రామంలోని పశువులకు నీటి ఎద్దడి కలగకుండా ఉండేందుకే కేవీఆర్ ట్రస్ట్ ఈ సామాజిక బాధ్యతను చేపట్టిందని తెలిపారు. పశువులకు నిరంతరం స్వచ్ఛమైన తాగునీరు అందుబాటులో ఉండేలా నిర్మాణ పనులను త్వరితగతిన పూర్తి చేస్తామని వెల్లడించారు.
పశువుల సంక్షేమం కోసం ముందుకు వచ్చి నీటి తొట్టి నిర్మాణాన్ని చేపడుతున్న కేవీఆర్ ట్రస్ట్ ఉదారతను గ్రామ సర్పంచ్, పంచాయతీ అధికారులు మరియు గ్రామస్తులు కొనియాడి, ధన్యవాదాలు తెలిపారు. ఈ కార్యక్రమంలో ట్రస్ట్ ప్రతినిధులు, పంచాయతీ సిబ్బంది, గ్రామస్తులు పాల్గొన్నారు.