కుత్బుల్లాపూర్ అక్టోబర్ 28 (లోకల్ గైడ్ ప్రతినిధి)
ఎస్‌ఎల్‌ఎన్ గ్రూప్ మేనేజింగ్ డైరెక్టర్ జాలిగం రాకేష్, గ్రూప్ చైర్మన్ కిరణ్మయి దుబాయ్ వ్యాపార పర్యటనను విజయవంతంగా ముగించుకుని హైదరాబాద్‌కు చేరుకున్నారు. ఈ సందర్భంగా హైదరాబాద్ విమానాశ్రయంలో ఎస్‌ఎల్‌ఎన్ గ్రూప్ సభ్యులు వారికి ఘనంగా స్వాగతం పలికారు.ఖాళీ స్థలాలు, నిర్మాణ రంగంలో కార్యకలాపాలు నిర్వహిస్తున్న ఎస్‌ఎల్‌ఎన్ గ్రూప్ భవిష్యత్తులో మరిన్ని వ్యాపార అవకాశాలను అందిపుచ్చుకోవడం, సంస్థ అభివృద్ధికి కొత్త మార్గాలను అన్వేషించడం లక్ష్యంగా ఈ దుబాయ్ పర్యటన చేపట్టినట్లు సంస్థ ప్రతినిధులు తెలిపారు.ఈ పర్యటన ద్వారా కొత్త అవకాశాలకు మార్గం సుగమం కావడంతో పాటు సంస్థ బృందానికి అంతర్జాతీయ వ్యాపార రంగంలో మరింత అనుభవం లభించిందని పేర్కొన్నారు. సంస్థ అభివృద్ధిలో బృంద సభ్యుల కృషి, సమష్టి భాగస్వామ్యం కీలకమని వారు తెలిపారు.
ఈ సందర్భంగా ఎస్‌ఎల్‌ఎన్ గ్రూప్ సభ్యులు మాట్లాడుతూ, సంస్థను మరింత ఉన్నత స్థాయికి తీసుకెళ్లేందుకు భవిష్యత్తులో ఇలాంటి వ్యాపార పర్యటనలు మరెన్నో నిర్వహించాలని ఆకాంక్షించారు. కొత్త అవకాశాలను అందిపుచ్చుకుంటూ సంస్థ పురోగతికి కృషి చేయాలని పేర్కొన్నారు.సమష్టి కృషితో విజయాలే లక్ష్యంగా..ఎస్‌ఎల్‌ఎన్ గ్రూప్ బృందం ఐక్యత, పరస్పర సహకారంతో మరిన్ని విజయాలు సాధించాలని సభ్యులు ఆకాంక్షించారు. దుబాయ్ పర్యటనను విజయవంతంగా ముగించుకుని తిరిగి వచ్చిన జాలిగం రాకేష్, కిరణ్మయికి శుభాకాంక్షలు తెలియజేశారు.
About The Author
