ఏళ్ళ నిరీక్షణకు తెర.!!

కవయిత్రి మొల్లమాంబ విగ్రహ ప్రతిష్ఠకు మున్సిపల్‌ తీర్మానం..

ఎమ్మెల్యేకు కృతజ్ఞతలు తెలిపిన శాలివాహన సంఘం నాయకులు..

Published On 09 Oct 2026 17:11:39

By Ram Reddy

వనపర్తి లోకల్ గైడ్ ప్రతినిధి అక్టోబర్ 9:

శాలివాహనలు ఎన్నో ఏళ్లుగా ఎదురుచూస్తున్న కవిత్రి మొల్లమాంబ విగ్రహ ప్రతిష్ఠకు ఎట్టకేలకు అడుగు ముందుకు పడింది. ఇన్నాళ్ల నిరీక్షణకు ఎమ్మెల్యే మేఘా రెడ్డి చొరవతో విగ్రహప్రతిష్ట కు మున్సిపల్ కౌన్సిల్ తీర్మానం చేసింది. దీంతో వనపర్తి జిల్లా కేంద్రంలో మొల్లమాంబ విగ్రహం ఏర్పాటు చేయాలన్న ఆకాంక్షకు మార్గం సుగమమైంది. మహనీయురాలు సేవలను స్మరించుకోవడం , వేడుకలకే పరిమితం కాకూడదని, వారి ఆశయాలకు తగిన గౌరవం కల్పించాలనే సంకల్పంతో వనపర్తి శాలివాహన సంఘం ముందుకు వచ్చింది. సెప్టెంబర్ 30న కుమ్మరి సంఘం, కౌన్సిలర్ బొడ్డుపల్లి పరుశరాం ఆధ్వర్యంలో జిల్లా కేంద్రం లో మొల్లమాంబ విగ్రహం ఏర్పాటు చేయాలని ఎమ్మెల్యే కు వినతి పత్రాన్ని అందజేశారు. ఎమ్మెల్యే సహకారంతో మున్సిపల్ కౌన్సిల్ సభ్యులు సెప్టెంబర్ 30న తీర్మానం చేయడంతో మొల్లమాంబ విగ్రహ ప్రతిష్ఠకు రూపం దాల్చింది.

--- భూమిపూజకు సన్నాహాలు...

విగ్రహ ప్రతిష్ఠకు తీర్మానం జరగడం తొలి అడుగు మాత్రమేనని,తదుపరి పనులు కూడా వేగంగా పూర్తిచేసి విగ్రహ ప్రతిష్ఠ కలను సాకారం చేయాలని శాలివాహనుల సంఘం తీర్మాణం చేసింది. ఈ విషయం ఎమ్మెల్యే దృష్టి తీసుక వెళ్లారు .ఆయన వెంటనే స్పందించి త్వరలోనే భూమిపూజ చెద్దామని చెప్పారు . మొల్లమాంబ విగ్రహ ప్రతిష్ఠ కు కార్యరూపం దాల్చడంతో శాలివాహనులు హర్షం వ్యక్తం చేశారు.
ఈ సందర్భంగా ఆ సంఘం నాయకులు ఎమ్మెల్యే ను కలిసి కృతజ్ఞతలు తెలిపారు.ఈ కార్యక్రమంలో యువజన కాంగ్రెస్‌ నాయకుడు బొడ్డుపల్లి నరసింహ, వనపర్తి టౌన్ అధ్యక్షులు బొడ్డుపల్లి వెంకటేష్ వనపర్తి టౌన్ గౌరవ అధ్యక్షులు మన్నెంకొండ బొడ్డుపల్లి మణ్యం,బొడ్డుపల్లి వెంకటయ్య,బొడ్డుపల్లి లక్ష్మణ్, బొడ్డుపల్లి రవి, యువనాయకులు యువకులు గుణగంటి లక్ష్మీనారాయణ గుణగంటి అంజి సూర్యవంశం శివ.సతీష్,చిన్న,రమేష్, రాజు,గుణగంటి పవన్, నాగపూర్ అంజి,గుణగంటి లోకేష్,గుణగంటి యాదగిరి, యువకులు పాల్గొన్నారు.