లోకల్ గైడ్, వికారాబాద్ జిల్లా బ్యూరో :
హైదరాబాద్–రంగారెడ్డి–మహబూబ్‌నగర్ పట్టభద్రుల ఎమ్మెల్సీ నియోజకవర్గ పరిధిలోని అర్హులైన పట్టభద్రులందరూ తమ ఓటును తప్పనిసరిగా నమోదు చేసుకోవాలని బీఆర్ఎస్ వికారాబాద్ 14 వార్డు కౌన్సిలర్ మంచన్ పల్లి జ్యోతి సురేష్ పిలుపునిచ్చారు.
రాబోయే పట్టభద్రుల ఎమ్మెల్సీ ఎన్నికల్లో ఓటు హక్కు వినియోగించుకోవాలంటే అర్హత కలిగిన ప్రతి ఒక్కరూ ముందుగానే ఓటు నమోదు (ఎన్రోల్మెంట్) ప్రక్రియను పూర్తి చేసుకోవాలని ఆమె సూచించారు. ప్రజాస్వామ్యంలో ఓటు హక్కు అత్యంత కీలకమైనదని, పట్టభద్రులు తమ ఓటును నిర్లక్ష్యం చేయకుండా నమోదు చేసుకుని, భవిష్యత్ ఎన్నికల్లో తమ అభిప్రాయాన్ని బలంగా వినిపించాలని కోరారు.
అర్హత కలిగిన పట్టభద్రులు తమకు సంబంధించిన విద్యా అర్హత పత్రాలను, ఇతర వివరాలను సిద్ధంగా ఉంచుకుని, ఎన్నికల సంఘం సూచించిన నిబంధనల ప్రకారం ఓటు నమోదు ప్రక్రియను పూర్తి చేయాలని విజ్ఞప్తి చేశారు.“పట్టభద్రుల ప్రతి ఓటూ విలువైనదే మీ ఓటు హక్కును నమోదు చేసుకోండి, ప్రజాస్వామ్యాన్ని బలోపేతం చేయండి” అని ఈ సందర్భంగా మంచన్ పల్లి జ్యోతి సురేష్ పేర్కొన్నారు.
About The Author
