లోకల్ గైడ్, హైదరాబాద్ జిల్లా :
రంగారెడ్డి జిల్లా పరిధిలో ఒక నూతన ఆసుపత్రిని ప్రారంభించేందుకు అవసరమైన అనుమతులు మంజూరు చేయడం కోసం జిల్లా వైద్య ఆరోగ్య శాఖాధికారిణి (డీఎంహెచ్ఓ) స్వర్ణ కుమారి రూ. లక్ష లంచం డిమాండ్ చేశారు. బాధితుడు ఈ విషయమై అవినీతి నిరోధక శాఖ అధికారులను ఆశ్రయించడంతో వారు పక్కా వ్యూహంతో రంగంలోకి దిగారు. బాధితుడి నుంచి లంచం సొమ్ము స్వీకరిస్తుండగా ఏసీబీ బృందం దాడి చేసి ఆమెను అదుపులోకి తీసుకుంది.
కార్యాలయంలో సుదీర్ఘ తనిఖీలు..!
శివరాంపల్లిలోని జిల్లా వైద్య ఆరోగ్య శాఖ కార్యాలయంలో ఏసీబీ అధికారులు సుదీర్ఘంగా తనిఖీలు చేపట్టారు. ఈ దాడుల్లో స్వర్ణ కుమారితో పాటు లంచం వ్యవహారంలో కీలక పాత్ర పోషించిన ఆరోగ్య తనిఖీ అధికారి (హెల్త్ ఇన్‌స్పెక్టర్) శ్రీనివాస్‌ను కూడా అధికారులు అదుపులోకి తీసుకున్నారు. ప్రస్తుతం డీఎంహెచ్ఓ స్వర్ణ కుమారి, ఆరోగ్య తనిఖీ అధికారి శ్రీనివాస్, వాహన చోధకుడిని (డ్రైవర్) ఏసీబీ అధికారులు ముమ్మరంగా విచారిస్తున్నారు. ఆసుపత్రుల అనుమతుల పేరుతో గతంలో కూడా వీరు ఇలాంటి అక్రమాలకు పాల్పడ్డారా అనే కోణంలో విచారణ కొనసాగుతోంది.
About The Author
Related Posts
Latest News
16 Oct 2026 17:20:48
లోకల్ గైడ్ వికారాబాద్ జిల్లా, బ్యూరో ప్రతినిధి :
బీఎస్పీ తోనే బహుజనుల జీవితాలకు భవిష్యత్తు ఉంటుందని ఆ పార్టీ రాష్ట్ర ఉపాధ్యక్షులు శ్రీరాంకృష్ణ అన్నారు. బీఎస్పీ...
