ఆధ్యాత్మిక చింతన అలవర్చుకోవాలి

మాజీ ఫ్లోర్ లీడర్ కాంగ్రెస్ పార్టీ రామకృష్ణారెడ్డి

Published On 19 Sep 2026 20:09:15

By Ram Reddy

గండిపేట, సెప్టెంబర్ 19 లోకల్ గైడ్ :

ప్రతి ఒక్కరూ ఆధ్యాత్మిక చింతన అలవర్చుకోవాలని మణికొండ మున్సిపల్ మాజీ ఫ్లోర్ లీడర్ కాంగ్రెస్ పార్టీ నాయకుడు రామకృష్ణారెడ్డి ఆకాంక్షించారు. శనివారం నార్సింగి సర్కిల్ మణికొండ, నేక్నంపూర్ డివిజన్ పరిధిలోని పలు కాలనీల్లో ఏర్పాటు చేసిన గణేశ మండపాలను మణికొండ మున్సిపాలిటీ మాజీ ఫ్లోర్ లీడర్, కాంగ్రెస్ పార్టీ నాయకుల కలసి ఆయా మండపాల్లో కొలువైన శ్రీ విఘ్నేశ్వర స్వామివారికి ప్రత్యేక పూజా కార్యక్రమాలు నిర్వహించి, భక్తిశ్రద్ధలతో స్వామివారిని దర్శించుకున్నారు.

ఈ సందర్భంగా గణనాథుని ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. అనంతరం గణేశ మండపాల వద్ద నిర్వహించిన అన్నదాన కార్యక్రమాల్లో పాల్గొని భక్తులకు అన్నప్రసాదాన్ని పంపిణీ చేశారు.గణేశ్ ఉత్సవాలు ప్రజల్లో భక్తిభావాన్ని, ఐక్యతను పెంపొందించడంతో పాటు ఆధ్యాత్మికతను చాటిచెబుతున్నాయని వారు పేర్కొన్నారు. ఈ కార్యక్రమాల్లో స్థానిక నాయకులు, యువజన సంఘాల సభ్యులు, గణేశ్ ఉత్సవ నిర్వాహకులు, భక్తులు తదితరులు పాల్గొన్నారు.