లోకల్ గైడ్ /తాండూర్:
ఉమ్మడి మహబూబ్‌నగర్–రంగారెడ్డి–హైదరాబాద్ గ్రాడ్యుయేట్ ఎమ్మెల్సీ ఎన్నికల కాంగ్రెస్ పార్టీ అభ్యర్థి సామ రామ్మోహన్ రెడ్డి, వికారాబాద్ జిల్లా కాంగ్రెస్ పార్టీ అధ్యక్షుడు జాదవ్ ధారాసింగ్ నాయక్‌ను గురువారం హైదరాబాద్‌లోని ఆయన నివాసంలో మర్యాదపూర్వకంగా కలిశారు.
ఈ సందర్భంగా రాబోయే గ్రాడ్యుయేట్ ఎమ్మెల్సీ ఎన్నికలు, ఓటరు నమోదు కార్యక్రమం తదితర అంశాలపై ఇరువురు చర్చించారు. గ్రాడ్యుయేట్ ఓటర్ల నమోదు ప్రక్రియను విస్తృతంగా చేపట్టడం, ఎన్నికలకు సంబంధించిన పార్టీ కార్యక్రమాలపై కూడా చర్చించినట్లు తెలిపారు.
ఈ కార్యక్రమంలో కొడంగల్ అసెంబ్లీ ఎస్‌ఐఆర్ కోఆర్డినేటర్ మాణిక్యం, మల్లేష్ యాదవ్ తదితరులు పాల్గొన్నారు.
