హనుమకొండ జిల్లా ప్రతినిధి,ఆగస్టు17
(లోకల్ గైడ్ న్యూస్)
హనుమకొండ, కార్మికులకు కనీస వేతనం 30000 ఇవ్వాలని డిమాండ్ చేస్తూ భారతీయ మజ్దూర్ సంఘ్ ఆధ్వర్యంలో హనుమకొండ కలెక్టరేట్ ముందు నిరసన కార్యక్రమం చేపట్టారు. ఈ సందర్భంగా రాష్ట్ర కార్యదర్శి గాదె మహేందర్ మాట్లాడుతూ సమాన పనికి సమాన వేతనం కల్పిస్తూ కనీస వేతనం రూ. 30000 ఇవ్వాలని ప్రభుత్వాన్ని డిమాండ్ చేశారు. నిత్య అవసర ధరలు రోజురోజుకు ఆకాశాన్ని అంటుతున్నాయి. కానీ కార్మికులు, ఉద్యోగులు, వేతనాలు, పెన్షన్లు, సామాజిక భద్రత పథకాలు, సంక్షేమ సౌకర్యాలు అదే స్థాయిలో పెరగడం లేదు అని ఆవేదన వ్యక్తం చేశారు. ఇప్పటికైనా ప్రభుత్వాలు స్పందించి పెరుగుతున్న నిత్యవసర వస్తువులను దృష్టిలో పెట్టుకొని కార్మికులకు కనీస వేతనం రూ. 30,000 అందించాలని డిమాండ్ చేశారు. ఈ కార్యక్రమంలో జిల్లా కార్యదర్శి కార్తీక్, విద్యుత్ విభాగం రాష్ట్ర ప్రధాన కార్యదర్శి ఎం. శశి కుమార్, నిట్ అధ్యక్షులు కరుణాకర్, ప్రధాన కార్యదర్శి మల్లేష్ తదితరులు పాల్గొన్నారు.
.jpeg)
