ఖమ్మం : లోకల్ గైడ్:
నగరంలోని కొత్తగూడెం – అల్లిపురం వద్ద తిరుమల తిరుపతి దేవస్థానాల ఆధ్వర్యంలో నిర్మిస్తున్న శ్రీ వేంకటేశ్వర స్వామి ఆలయ ప్రాంగణంలో ప్రతిరోజూ ఉదయం 11 గంటలకు వికాస తరంగిణి ఖమ్మం బృందం ఆధ్వర్యంలో విష్ణు సహస్రనామ పారాయణం నిర్వహిస్తున్నట్లు ఆ సంస్థ జిల్లా అధ్యక్షుడు పోలా శ్రీనివాసరావు తెలిపారు . ఈ నెల 12న ఆలయ శంకుస్థాపన సందర్భంగా ఉదయం 7 నుంచి 9.30 గంటల వరకు సుమారు 200 మంది భక్తులతో 11 సార్లు సహస్రనామ పారాయణం నిర్వహించినట్లు పేర్కొన్నారు . ఆలయ నిర్మాణం పూర్తై విగ్రహ ప్రతిష్ఠ జరిగే వరకు ఈ కార్యక్రమాన్ని నిరంతరం కొనసాగిస్తామని వెల్లడించారు . భక్తులు , ఆసక్తి ఉన్నవారు ఈ సామూహిక పారాయణంలో పాల్గొని స్వామివారి అనుగ్రహం పొందాలని కోరారు . పుట్టినరోజులు , వివాహ వార్షికోత్సవాల సందర్భంగా కుటుంబ సమేతంగా పాల్గొనవచ్చని తెలిపారు . ఆసక్తి ఉన్నవారు ఖమ్మం జిల్లా పరిషత్‌ సెంటర్‌లోని పోలా జ్యూస్‌ లేదా వికాస తరంగిణి కార్యాలయంలో సంప్రదించాలని సూచించారు .
About The Author
