తాండూరులో 1.26 కిలోల గంజాయి స్వాధీనం.

ముగ్గురు నిందితులు అరెస్ట్.

న్యాయస్థానానికి తరలింపు. వివరాలు వెల్లడించిన పట్టణ పోలీసులు.

Published On 20 Aug 2026 21:09:10

By Ram Reddy

లోకల్ గైడ్/తాండూర్:

వికారాబాద్ జిల్లా తాండూరులో గంజాయి తరలిస్తున్న ముగ్గురు నిందితులను పోలీసులు అరెస్ట్ చేసి, వారి నుంచి 1.26 కిలోల గంజాయిని స్వాధీనం చేసుకున్నారు. ఈ ఘటన గురువారం సాయంత్రం చోటు చేసుకుంది. పోలీసులు తెలిపిన కథనం ప్రకారం...విలియం మూన్ స్కూల్ గ్రౌండ్ వద్ద అనుమానాస్పదంగా బ్యాగులతో తిరుగుతున్న ముగ్గురిని అదుపులోకి తీసుకుని తనిఖీ చేయగా గంజాయి లభ్యమైంది. నిందితులపై ఎన్డీపీఎస్ చట్టం కింద కేసు నమోదు చేసి, న్యాయస్థానంలో హాజరుపరిచి రిమాండ్‌కు తరలించారు. మాదకద్రవ్యాల అక్రమ రవాణా, విక్రయాలు, వినియోగంపై కఠిన చర్యలు తీసుకుంటామని పోలీసులు స్పష్టం చేశారు.
ఈ కార్యక్రమంలో రూరల్ సీఐ ప్రవీణ్ కుమార్ రెడ్డి, టాస్క్‌ఫోర్స్ ఇన్‌స్పెక్టర్ అన్వర్ పాషా, తాండూర్ టౌన్ ఇన్‌స్పెక్టర్ పరమేశ్వర్ తదితరులు పాల్గొన్నారు.