ఆరేళ్ల వయసు చేతిలో తాళం పెదవులపై అన్నమయ్య కీర్తన... వేదికపై నిలబడి తన మధుర స్వరంతో ఆధ్యాత్మిక భావాన్ని పలికించిన చిన్నారి కె. హరిణి అందరి హృదయాలను గెలుచుకుంది. సంగీత ప్రపంచంలోకి తొలి అడుగు వేస్తున్న ఈ చిన్నారి అరంగేట్రం కేవలం ఓ సంగీత ప్రదర్శనగా కాకుండా గురుభక్తికి అంకితం చేసిన ఓ మధుర నివాళిగా నిలిచింది.సారంగి మ్యూజిక్ అకాడమీ అధ్యక్షురాలు కే. సుప్రియ చక్రవర్తి ఆధ్వర్యంలో నిర్వహించిన గురుపూర్ణిమ మహోత్సవం–2026లో కె. హరిణి ప్రత్యేక ఆకర్షణగా నిలిచింది. అన్నమాచార్యులను గురువుగా స్మరించుకుంటూ హరిణి తన తొలి సంగీత ప్రదర్శనలో “శరణంటిమి” కీర్తనను ఆలపించడం కార్యక్రమానికి మరింత ప్రత్యేకతను తీసుకొచ్చింది.
ఒక చిన్నారి గళంలో పెద్ద సందేశంహరిణి వయసు ఆరేళ్లు మాత్రమే. కానీ ఆమె ఆలపించిన కీర్తన వెనుక ఉన్న సందేశం మాత్రం ఎంతో పెద్దది. గురువు అంటే కేవలం విద్య నేర్పించే వ్యక్తి కాదని, జీవితానికి దిశానిర్దేశం చేసే మహనీయుడని భావించే సంస్కృతిని భవిష్యత్ తరాలకు అందించాలనే ఆలోచనకు హరిణి అరంగేట్రం ప్రతీకగా మారింది.ఆమె పలికించిన ప్రతి స్వరం సభలోని ప్రేక్షకులను ఆకట్టుకోగా, చిన్నారి వేదికపై చూపిన ఆత్మవిశ్వాసం అందరినీ ఆశ్చర్యపరిచింది. సంగీతంపై ఆమెకున్న ఆసక్తి, గురువుల నుంచి పొందుతున్న శిక్షణ, కుటుంబం అందిస్తున్న ప్రోత్సాహం కలగలిసి ఈ తొలి ప్రదర్శనను మరపురాని ఘట్టంగా మార్చాయి.“రేపటి తరాలు గురువు విలువ తెలుసుకోవాలి”గురుపూర్ణిమ వేడుకలను ఎందుకు ప్రారంభించారనే విషయాన్ని సారంగి మ్యూజిక్ అకాడమీ అధ్యక్షురాలు కే. సుప్రియ చక్రవర్తి వివరిస్తూ, తన విద్యార్థులను తన పిల్లలుగా భావిస్తానని పేర్కొన్నారు.“రాబోయే తరాల్లో నా పిల్లలు అంటే నా స్టూడెంట్స్ కూడా జీవితంలో ఒక గురువు యొక్క ప్రాముఖ్యత ఏమిటో తెలుసుకోవాలి. గురువులకు ఎలా గౌరవం ఇవ్వాలి, వారి పట్ల ఎంత కృతజ్ఞతా భావంతో ఉండాలి అనే విషయాలను చిన్ననాటి నుంచే నేర్చుకోవాలి. గురువుల పట్ల సేవా భావం, అంకిత భావం ఈ తరం వారికి తెలియాలి. ఆ ఆలోచనతోనే గురుపూర్ణిమ వేడుకలను ప్రారంభించాను. ఇది ఒక చిన్న ప్రయత్నంతో మొదలైన యజ్ఞం” అని ఆమె తెలిపారు.హరిణి అరంగేట్రం.. అన్నమయ్యకు అర్పణఈ ఏడాది గురుపూజ మహోత్సవంలో ఆరేళ్ల కె. హరిణి సంగీత అరంగేట్రం ప్రత్యేక ఆకర్షణగా నిలిచింది. అన్నమాచార్యులను గురువుగా స్మరించుకుంటూ ఆమె “శరణంటిమి” కీర్తనను ఆలపించడం విశేషం. చిన్నారి గళంలో అన్నమయ్య సంకీర్తన వినిపించడంతో సభలో ఆధ్యాత్మిక వాతావరణం నెలకొంది.చిన్నారి తొలి సంగీత ప్రదర్శనకు గురువుల ఆశీస్సులు, పెద్దల ప్రోత్సాహం, ప్రేక్షకుల అభినందనలు లభించాయి. హరిణి భవిష్యత్తులో సంగీత రంగంలో మరింత ఉన్నతంగా ఎదగాలని పలువురు ఆకాంక్షించారు.
గురువులను ఘనంగా సత్కరించిన వేడుక
గురుపూజ మహోత్సవంలో వివిధ కళారంగాల్లో విశిష్ట సేవలు అందిస్తున్న కళాకారులను ఘనంగా సత్కరించారు.“సుమధురస్వరరాగమయి”పురస్కారంతో అరవపల్లి శ్రీదేవి,“స్వరరాగ సంకీర్తనానిధి” బిరుదుతో శ్రీ మంథా శ్రీనివాస్,“ధనుర్వీణా కళానిధి” బిరుదుతో శ్రీ కల్మనూర్ శ్రీనివాసాచార్య,“నృత్య కళాశిరోమణి” బిరుదుతో ఎస్ టి పి లక్ష్మీ స్వరూప,“రంగస్థల కిరీటి” బిరుదుతో ఎన్. దీనబాంధవాచారిలను సత్కరించారు.ఒక అరంగేట్రం.. ఒక ఆశయం.. ఒక యజ్ఞంహరిణి వేదికపై ఆలపించిన ఆ కీర్తన ఆమె సంగీత ప్రయాణానికి తొలి మెట్టు కావచ్చు. కానీ గురుపూర్ణిమ వేదికపై ఆ చిన్నారి నిలిచిన తీరు మాత్రం ఒక పెద్ద సందేశాన్ని అందించింది.
గురువును గౌరవించడం ఒక సంప్రదాయం మాత్రమే కాదు.. మన జీవితాన్ని తీర్చిదిద్దిన చేతులకు కృతజ్ఞత చెప్పే సంస్కారం.ఆ సంస్కారం రేపటి తరాలకు చేరాలన్న సంకల్పంతో ప్రారంభమైన సారంగి మ్యూజిక్ అకాడమీ గురుపూజ మహోత్సవంలో, ఆరేళ్ల హరిణి పలికించిన స్వరాలు ఆ ఆశయానికి మధుర ప్రతిధ్వనిగా నిలిచాయి.చిన్నారి హరిణి గళంలో అన్నమయ్య కీర్తన.. గురువుల పాదాలకు అంకితమైన ఓ మధుర స్వరార్చనగా నిలిచింది.
About The Author
