మంచిర్యాల మున్సిపల్ కార్పొరేషన్ పరిధిలోని మంచిర్యాల బాలుర ప్రభుత్వ పాఠశాలలో విద్యార్థులతో కలిసి సెంట్రలైజ్డ్ కిచెన్ ద్వారా అందిస్తున్న నాణ్యమైన ఉచిత అల్పాహారాన్ని ఎమ్మెల్యే కొక్కిరాల ప్రేమ్ సాగర్ రావు స్వయంగా విద్యార్థులతో కలిసి ఆత్మీయంగా స్వీకరించారు.ఈ సందర్భంగా ఎమ్మెల్యే మాట్లాడుతు నా పుట్టినరోజు సందర్భంగా విద్యార్థులతో కలిసి టిఫిన్ చేయడం ఎంతో ఆనందంగా ఉందని,విద్యార్థుల మధ్య నా జన్మదినాన్ని జరుపుకోవడం అదృష్టంగా భావిస్తున్నాను అని ఆయన అన్నారు.విద్యార్థుల ఆరోగ్యం,విద్యాభివృద్ధికి ఎల్లప్పుడు తన వంతు సహకారం అందిస్తాను అని అన్నారు.విద్యార్థులతో కలిసి ఆత్మీయంగా గడిపిన ఈ సందర్భం ప్రత్యేకంగా ఈరోజు తన జీవితంలో మరువలేని రోజు అని అన్నారు.ఈ కార్యక్రమంలో మంచిర్యాల మున్సిపల్ కార్పొరేషన్ మేయర్ ధర్ని మధుకర్,డిప్యూటీ మేయర్ సల్ల రమ్య,కార్పొరేషన్ కాంగ్రెస్ పార్టీ అధ్యక్షులు,కార్పొరేటర్ తూముల నరేష్,కార్పొరేటర్లు,నాయకులు,మహిళా నాయకురాలు,యువజన కాంగ్రెస్ నాయకులు,కార్యకర్తలు తదితరులు పాల్గొన్నారు.
About The Author
