-
లోకల్ గైడ్/తాండూర్:
తాండూర్ పట్టణంలోని రెండో వార్డు బుడగ జంగం కాలనీవాసుల తాగునీటి సమస్యను పరిష్కరించేందుకు శ్రీ బాలాజీ మల్టీ స్పెషాలిటీ ఆసుపత్రి వ్యవస్థాపకులు డాక్టర్ సంపత్ కుమార్ ఆర్థిక సహకారం అందించారు. ఆయన సహకారంతో శనివారం కాలనీలో బోరు ఏర్పాటు చేశారు.
చాలా రోజులుగా కాలనీలో తాగునీటి కోసం ప్రజలు ఇబ్బందులు పడుతున్నారు. ఈ విషయాన్ని బుడగ జంగం వెంకటేష్, మోడెం కృష్ణ డాక్టర్ సంపత్ కుమార్ దృష్టికి తీసుకెళ్లారు. స్పందించిన ఆయన బోరు ఏర్పాటుకు అవసరమైన ఆర్థిక సహాయం అందించడంతో పనులు చేపట్టారు. దీంతో తాగునీటి సమస్య కొంతమేర పరిష్కారం కానుండటంతో కాలనీవాసులు సంతోషం వ్యక్తం చేశారు.ఈ సందర్భంగా కాలనీవాసులు డాక్టర్ సంపత్ కుమార్‌కు కృతజ్ఞతలు తెలిపారు. ప్రజల అవసరాలను గుర్తించి తాగునీటి సమస్య పరిష్కారానికి సహకరించడం అభినందనీయమని పేర్కొన్నారు.
ఈ కార్యక్రమంలో అంబేద్కర్ ప్రజా సంఘం తాండూర్ డివిజన్ కార్యదర్శి బుడగ జంగం వెంకటేష్, సీనియర్ రిపోర్టర్ లక్ష్మణ్, వార్డు కౌన్సిలర్ రమేష్, బుడగ జంగం మోడెం కృష్ణ, మోడెం దత్తు, మోడెం రమేష్, రుద్రాక్షల దస్తప్ప, రుద్రాక్షల బాబు, వానరాసి శేఖర్, శాంతి కుమార్, అంజిలప్ప తదితరులు పాల్గొన్నారు.
