కారేపల్లి, సెప్టెంబర్ 29 (లోకల్ గైడ్ న్యూస్):
మాదారం పరిధిలోని విశాఖపట్నం స్టీల్ ప్లాంట్కు సంబంధించిన రైల్వే వ్యాగన్ కాంట్రాక్ట్ కార్మికులు 12 మంది టీయూసీఐలో చేరారు. ఈ సందర్భంగా టీయూసీఐ జిల్లా ప్రధాన కార్యదర్శి జి. రామయ్య మాట్లాడుతూ కాంట్రాక్ట్ కార్మికులకు చట్టబద్ధమైన హక్కులు కల్పించాలని డిమాండ్ చేశారు. కార్మిక చట్టాలను అమలు చేయడంతో పాటు వేతనాలు పెంచాలని, ప్రభుత్వం ప్రకటించిన సెలవులను మంజూరు చేయాలని కోరారు. కాంట్రాక్ట్ కార్మికుల సమస్యలను పరిష్కరించకుండా తొలగింపులకు పాల్పడుతున్నారని ఆరోపించారు. కార్మిక వ్యతిరేక విధానాలకు వ్యతిరేకంగా కార్మిక వర్గం ఐక్యంగా పోరాడాలని పిలుపునిచ్చారు. కేంద్ర ప్రభుత్వం తీసుకొచ్చిన నాలుగు కార్మిక కోడ్లను రద్దు చేసే వరకు ఉద్యమించాలని కోరారు. ఈ కార్యక్రమంలో టీయూసీఐ కారేపల్లి–కామేపల్లి ఏరియా కార్యదర్శి ధారావత్ సక్రు, నాయకులు వీరు, రమేష్, కృష్ణ, వెంకన్న, బావాసింగ్, సురేష్, నాగేశ్వరరావు, కిరణ్, రాజేష్, భద్రయ్య, సూర్య తదితరులు పాల్గొన్నారు.
About The Author
