తల్లాడ. అక్టోబర్. 9: లోకల్ గైడ్,:
*రానున్న ఎమ్మెల్సీ పట్టభద్రుల ఎన్నికల్లో కాంగ్రెస్ పార్టీ అభ్యర్థి రాంరెడ్డి సర్వోత్తమ రెడ్డిని అత్యధిక మెజార్టీతో గెలిపించాలని కాంగ్రెస్ పార్టీ తల్లాడ మండల అధ్యక్షులు గొడుగునూరి లక్ష్మారెడ్డి పిలుపునిచ్చారు. శుక్రవారం తల్లాడ పార్టీ కార్యాలయంలో పలువురు పట్టభద్రులకు ఎమ్మెల్సీ ఓటు చేర్పుపై అవగాహన కల్పించారు. అనంతరం వారు మాట్లాడుతూ రాష్ట్రంలో అధికారంలో ఉన్న కాంగ్రెస్ ప్రభుత్వం అన్ని వర్గాల ప్రజలకు అనేక పథకాలను అమలు చేస్తుందని తెలిపారు. నిరుద్యోగులకు అండగా ఉండేందుకు నవంబర్ నుండి నిరుద్యోగ భృతి లక్ష లోపు ఇచ్చే విధంగా ప్రభుత్వం సన్నాహాలు చేస్తుందని తెలిపారు. పట్టభద్రులందరూ ఆలోచించి అనుభవం కలిగిన రాంరెడ్డి సర్వోత్తమ్ రెడ్డి గారికి ఓట్లు వేసి గెలిపించాలని కోరారు. అదేవిధంగా మండలంలోని అన్ని గ్రామాల్లో కాంగ్రెస్ పార్టీ నాయకులు పట్టభద్రుల ఓట్లను నమోదు చేయాలని పిలుపునిచ్చారు. ఈ కార్యక్రమంలో కాంగ్రెస్ పార్టీ సీనియర్ నాయకులు దుండేటి వీరారెడ్డి మండల ఉపాధ్యక్షుడు తాళ్ల జోసెఫ్, అన్నారుగూడెం గ్రామ కాంగ్రెస్ పార్టీ అధ్యక్షుడు తుమ్మలపల్లి రమేష్, నాయకులు కోడూరు రాము, యుగంధర్, బోడ నాగేశ్వరావు, దామవరపు కన్నయ్య,పట్టభద్రుల ఓటర్లు తదితరులు పాల్గొన్నారు.
About The Author
