అనాథలైన చిన్నారులకు కాంగ్రెస్ అండ

ఖమ్మం జిల్లా, కారేపల్లి : లోకల్ గైడ్, ఆగస్టు 6:

రోడ్డు ప్రమాదంలో కుటుంబ పెద్దను కోల్పోయి దిక్కుతోచని స్థితిలో ఉన్న ఇద్దరు చిన్నారుల కుటుంబానికి కాంగ్రెస్ పార్టీ అండగా నిలిచింది. స్థానిక ఎమ్మెల్యే మాలోత్ రాందాస్ నాయక్ ఆదేశాల మేరకు, ప్రొఫెసర్ కొత్తపల్లి జయశంకర్ జయంతి సందర్భంగా కాంగ్రెస్ నాయకుడు గుడిపూడి తిరుమలరావు దుబ్బ తండా గ్రామపంచాయతీ పరిధిలోని మేకల తండా గ్రామాన్ని సందర్శించి, ఇటీవల రోడ్డు ప్రమాదంలో మృతి చెందిన ఆంగోత్ రమేష్ కుటుంబ సభ్యులను పరామర్శించారు.

తండ్రిని కోల్పోయిన ఇద్దరు చిన్నారుల పరిస్థితిని చూసి చలించిన తిరుమలరావు, కుటుంబానికి వెంటనే 100 కిలోల బియ్యాన్ని అందజేసి తన మానవత్వాన్ని చాటుకున్నారు. కుటుంబానికి ధైర్యం చెబుతూ, వారి కష్టకాలంలో కాంగ్రెస్ పార్టీ అండగా ఉంటుందని భరోసా కల్పించారు.

ఈ సందర్భంగా ఆయన మాట్లాడుతూ, చిన్నారుల భవిష్యత్తు కోసం అవసరమైన ప్రతి సహాయ సహకారం అందించేందుకు తాము సిద్ధంగా ఉంటామని తెలిపారు. సమాజంలోని ప్రతి ఒక్కరూ ఇలాంటి బాధిత కుటుంబాలకు అండగా నిలవాలని పిలుపునిచ్చారు.

కార్యక్రమంలో పాల్గొన్నవారు

దుబ్బ తండా సర్పంచ్ ఆంగోత్ మత్రు, ఉప సర్పంచ్ భూక్యా నాగేశ్వరరావు, కాంగ్రెస్ నాయకులు జక్కుల కుమార్, చెరుకూరి రామారావు, భూక్యా కబీర్, గుగులోత్ రవీందర్, బానోత్ హతియా, గుగులోత్ కిషన్, భూక్యా ఉమామహేష్, మాలోత్ దస్రు, బానోత్ శంకర్, భూక్యా గణేష్, వార్డు సభ్యులు, కాంగ్రెస్ కార్యకర్తలు, గ్రామ పెద్దలు, గ్రామస్థులు పాల్గొన్నారు.