కారేపల్లి, అక్టోబర్ 18 (లోకల్ గైడ్ న్యూస్):
సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ సందర్భంగా సింగరేణి మండలం గేట్ కారేపల్లి గ్రామంలో కాంగ్రెస్ నాయకుడు గుడిపూడి తిరుమల రావు బతుకమ్మ ఆడిన ఆడపడుచులందరికీ చీరలు పంపిణీ చేశారు. పండుగ వేళ మహిళలకు చీరలు అందజేసి వారిలో ఆనందోత్సాహాలు నింపారు. ఈ సందర్భంగా గుడిపూడి తిరుమల రావు మాట్లాడుతూ.. బతుకమ్మ పండుగ తెలంగాణ ఆడపడుచుల ఆత్మగౌరవానికి, ఐక్యతకు, సంస్కృతి సంప్రదాయాలకు ప్రతీక అని పేర్కొన్నారు. మహిళలు సంప్రదాయబద్ధంగా బతుకమ్మ వేడుకలను ఆనందంగా జరుపుకోవడం తెలంగాణ సంస్కృతికి నిదర్శనమన్నారు. బతుకమ్మ ఆడిన ఆడపడుచులకు చీరలు అందజేయడం ఎంతో సంతోషంగా ఉందని తెలిపారు. బతుకమ్మ తల్లి ఆశీస్సులతో ప్రతి కుటుంబం ఆయురారోగ్యాలు, సుఖసంతోషాలు, అష్టైశ్వర్యాలతో వర్ధిల్లాలని ఆకాంక్షించారు. గ్రామ ప్రజలందరికీ బతుకమ్మ పండుగ శుభాకాంక్షలు తెలియజేశారు. ఈ కార్యక్రమంలో గ్రామ ఉపసర్పంచ్ కందుల సామేలు, కాంగ్రెస్ నాయకులు చెరుకూరి రామారావు, వరికొల్లు వీరభద్రం, షేక్ హాజిమియా, చెరుకూరి కృష్ణమూర్తి, నూకల మోహనరావు, కంటగాని లింగయ్య, సాయిన్నీ బసవయ్య, సపావత్ అప్పయ్య, వీరయ్య, సామినేని తిరుపతిరావు, కాకటి పృథ్వీ, కంటగాని కిషోర్, మర్రి సాయి, చందనూరి వెంకటేశ్వర్లు తదితరులు పాల్గొన్నారు.
About The Author
