ఖమ్మం, అక్టోబర్,8: లోకల్ గైడ్:
విద్యుత్ సరఫరా వ్యవస్థను నిరంతరం పర్యవేక్షిస్తూ వినియోగదారులు, రైతులకు నాణ్యమైన విద్యుత్ అందేలా చర్యలు చేపట్టాలని ఖమ్మం సర్కిల్ సూపరింటెండింగ్ ఇంజనీర్ ఇనుగుర్తి శ్రీనివాసాచారి సూచించారు.
సబ్‌స్టేషన్‌లో ప్రస్తుతం 2×50 ఎంవీఏ పవర్ ట్రాన్స్‌ఫార్మర్లు ఉన్న నేపథ్యంలో, పెరుగుతున్న లోడ్‌కు అనుగుణంగా సరఫరా వ్యవస్థను బలోపేతం చేయాల్సిన అవసరాన్ని పరిశీలించారు. గతంలో తొలగించిన 50 ఎంవీఏ మూడవ పవర్ ట్రాన్స్‌ఫార్మర్‌ను పునఃస్థాపించి (Re-erection) అందుబాటులోకి తీసుకురావాల్సిన అవసరాన్ని గుర్తించారు.
ఇటీవల అధిక లోడ్ కారణంగా బుద్ధారం 33 కేవీ ఫీడర్‌కు పవర్ లిమిటేషన్ విధించిన పరిస్థితిని కూడా సమీక్షించారు. వ్యవసాయ సీజన్‌ను దృష్టిలో ఉంచుకుని లోడ్ పరిస్థితిని నిరంతరం పర్యవేక్షిస్తూ, విద్యుత్ సరఫరాలో అంతరాయాలు లేకుండా అవసరమైన చర్యలు చేపట్టాలని అధికారులకు సూచించారు.
ఈ కార్యక్రమంలో సూర్యాపేట సర్కిల్ ఎస్‌ఈ, సంబంధిత డీఈలు, టి.జి.ట్రాన్స్‌కో ఇంజనీర్లు మరియు ఇతర అధికారులు పాల్గొన్నారు.
విద్యుత్ సమస్యలు ఉంటే వినియోగదారులు 24/7 టోల్‌ఫ్రీ నంబర్ 1912 లేదా ఖమ్మం జిల్లా కంట్రోల్ రూమ్ 87124 83490ను సంప్రదించాలని కోరారు.
About The Author
