ఖమ్మం, ఆగస్టు 13: లోకల్ గైడ్:
కేంద్ర మాజీ మంత్రి, ఖమ్మం జిల్లా ఫైర్ బ్రాండ్ గారపాటి రేణుకా చౌదరికి ఖమ్మంజిల్లా వ్యవసాయ మార్కెట్ కమిటీ మాజీ చైర్మన్ మానుకొండ రాధా కిషోర్, ఖమ్మం జిల్లా తల్లాడ మండలం పాత పినపాక గ్రామ సర్పంచ్, సీనియర్ నాయకులు గుర్రం శ్రీనివాసరావు శుభాకాంక్షలు తెలిపారు. గురువారం ఢిల్లీలోని నివాసంలో ఆమెకు పుష్పగుచ్చం అందించి ప్రత్యేక పుట్టినరోజు శుభాకాంక్షలు తెలిపారు. ఈ సందర్భంగా వారు మాట్లాడుతూ నిండు నూరేళ్లు ఆయురారోగ్యాలతో ఉండాలని ఆకాంక్షించారు. కేంద్రమంత్రిగా, ఖమ్మం జిల్లా ఆడబిడ్డగా ఉమ్మడి జిల్లాను అన్ని రంగాల్లో అభివృద్ధి చేశారని గుర్తు చేశారు. రానున్న రోజుల్లో కూడా ఆమె ఆధ్వర్యంలో భారీగా నిధులు తీసుకొచ్చి జిల్లా అభివృద్ధి చెందుతుందని ఆశాభావం వ్యక్తం చేశారు.
