కారేపల్లి, నవంబర్ 1 (లోకల్ గైడ్ న్యూస్): సింగరేణి మండల గౌడ సంఘం నూతన కమిటీని ఆదివారం ఎన్నుకున్నారు. మండల మోకు దెబ్బ ఆధ్వర్యంలో నిర్వహించిన ఈ సమావేశానికి ఖమ్మం జిల్లా మోకు దెబ్బ అధ్యక్షుడు బండి నాగేశ్వరరావు, రాష్ట్ర గౌడ సంఘం ఉపాధ్యక్షుడు డాక్టర్ మారుతి బాబు గౌడ్ నాయకత్వం వహించారు. గౌడ సంఘం అభివృద్ధి, ఐక్యత, సంక్షేమమే లక్ష్యంగా నూతన కమిటీని ఏర్పాటు చేశారు. నూతన కమిటీ మండల అధ్యక్షుడిగా ఆరెళ్ల రవి గౌడ్, ఉపాధ్యక్షుడిగా గౌని అర్జున్ గౌడ్, కార్యదర్శిగా గడ్డం వెంకట్ గౌడ్, కోశాధికారిగా తోడేటి రమేష్ గౌడ్, జనరల్ సెక్రటరీగా బండి వెంకట్ గౌడ్ ఎన్నికయ్యారు. ఈ సందర్భంగా నాయకులు మాట్లాడుతూ గౌడ సంఘం సభ్యులందరినీ సమన్వయం చేసుకుంటూ సంఘ బలోపేతానికి కృషి చేయాలని సూచించారు. గౌడ కులస్తుల ఐక్యతను పెంపొందించడం, వారి హక్కుల పరిరక్షణకు కృషి చేయడం, సామాజికంగా, ఆర్థికంగా అభివృద్ధి సాధించేలా ముందుకు సాగడం నూతన కమిటీ బాధ్యత అని పేర్కొన్నారు. నూతన కమిటీ ఎన్నిక సందర్భంగా గౌడ సంఘం సభ్యుల్లో ఉత్సాహం నెలకొంది. ఈ కార్యక్రమంలో పెద్ద సంఖ్యలో మహిళలు, గౌడ సంఘం సభ్యులు, సీనియర్ నాయకులు, సంఘం ప్రతినిధులు పాల్గొన్నారు.
.jpeg)
.jpeg)