గండిపేట్, సెప్టెంబర్ 27 లోకల్ గైడ్:
రాబోయే ఉమ్మడి రంగారెడ్డి జిల్లాలో ఎమ్మెల్సీ పట్టభద్రుల ఎన్నికలలో ప్రతి ఒక్కరు ఓటు హక్కు ప్రక్రియ నమోదు చేసుకోవాలని రాష్ట్ర రవాణా శాఖ మంత్రి పొన్నం ప్రభాకర్ తెలిపారు. ఆదివారం నార్సింగి సర్కిల్ పరిధిలోని ఏ ఎఫ్ ప్యాలెస్ ఫంక్షన్ హాల్ లో టి పి సిసి అధికార ప్రతినిధి గౌరీ సతీష్ ఆధ్వర్యంలో నిర్వహించిన ఎమ్మెల్సీ ఎన్నికల ఓటర్ నమోదు ప్రక్రియపై పట్టభద్రుల అవగాహన కార్యక్రమానికి ముఖ్య అతిథిగా మంత్రి పొన్నం ప్రభాకర్ హాజరయ్యారు. ఈ సందర్భంగా మంత్రి మాట్లాడుతూ..... ప్రజాస్వామ్య ప్రక్రియలో గ్రాడ్యుయేట్ల భాగస్వామ్యాన్ని పెంపొందించుకోవాలని ఆయన పేర్కొన్నారు. పట్టభద్రుల ఉన్న ప్రతి ఒక్కరూ ఓటు హక్కును తప్పనిసరిగా నమోదు చేసుకోవాలని ఆయన సూచించారు. అనంతరం గౌరీ సతీష్ మాట్లాడుతూ.... గ్రాడ్యుయేట్ ఓటర్లు తమ ఓటు హక్కును సక్రమంగా వినియోగించుకోవడానికి ముందుగా ఓటరుగా నమోదు కావడం ఎంతో ముఖ్యమని ఆయన తెలిపారు. అర్హత కలిగిన ప్రతి గ్రాడ్యుయేట్ తమ వివరాలను పరిశీలించుకొని అవసరమైన ప్రక్రియను పూర్తి చేయాలని ఆయన మాట్లాడారు. ఈ కార్యక్రమానికి నాయకులు గ్రాడ్యుయేట్లు తదితరులు పాల్గొన్నారు.
